نفسى اكبر

انا نفسى اكبر وابقى شاعر
واتحدى كل الكبار
ولكلامى الكل شاعر
ويملوا م الانتظار
نفسى اكتب ف كل حاجه
وعشان كده خدت قرار
انى اسيب لمشاعرى
هيا ادرى بالاختيار
عايز اكتب شعر عامى
اشكى فيه حزنى وهمى
او قصيده لغتها فصحى
لونها داكن زى دمى
نفسى اكبر عشان ارد
حاجه واحده
من جمايل ابويا وامى
بس امتى ده هيحصل
امتى هوصل
لما يجرةى بيا عمرى
ولا لما يعدى سنى
كل واحد
فى مكانه مشتريه
والصغير مش هيكبر
مين ييساعده
مين ال ياخده فى اديه
نفسى ارد جميل لمستر
علمنى حوف الهجاء
يعنى ايه الف وباء
نفسى ابوس ايد حبيبتى
الحنونه ال لاتعرف دهاء
ال عيشاها بطيبه وسزاجه ولا تعرف كبرياء
نفسى اخدم وطنى مره
مش اسيبه واجرى بره لجل مال
واهرب واسيبه لوحده
لما ضاقت الاحوال
كله بيقول يلا نفسى
كله عايش لجل مال
فين زمان
كنت بسمع ابويا وامى
لقصص مليانه جمال
ادى واحد لجل صاحبه ضحى بالغاي الثمين
وادى خالة ابن عمى يديها العملر الطويل
هى كانت لما تخبز
ميت رغيف
كله لازم راح يدوقه من الجيران
وام على صاحبة امى
كات بتيجى كل جمعه عشان تزور الحاجه
ويحكوا ميت حكايه مليانه جمال
ياااااااااااااااااااااااااااااااااااااااه
انا بحلم انا عايش ف الخيال
الزمن عدى وراح
وال فاضل الجراح
صاحبى ما سالش عنى
لما ضاق بيا الحال
نفسى اكبر
ولازم اكبر
ولما هكبر
همحى اي شء محال
هكتب الشعر الجميل
ال هعدل بيه مزاجى
وهرد الجميل
لل استحملنى وقت ضيقتى
بس فى واحده انا لازم اردلها الجميل
ام النيل
خيرها ف كل حاجه عليكوا يا مصريين
مصر بلدى
ام ولدى
ربنا يخليها دايما ف العلالى
صاحبه العمر الطويل
..........................................................................................................................
يارب احفظ بلدنا وخليها لاحفاد احفاد احفادنا
ولا تحنيها ولا تهينها
وتعلى مكانتها امين
شاعر الحب عبد التواب الرفاعى

قلت اسيب نفسى لمشاعرى

اشكرك شاعرنا العظيم محمود جمعه ولن اكون شاعرا الا بكم