من يوم الثورة

كلمات/سعدالشرقاوى
لحن/سيدالملاح
موسيقى وغناء/محمدالالاتى


(من يوم الثورة المصريه)
سمسمية1

من يوم الثورة المصريّه
والعالم حبْ الحريّة
من يوم الثورة المصرية
بعزيمة وبهمّه (الله)
صحوّا صوت الامّه (الله)
من يوم الثورة المصريّة
,,,,,,
تلاتين سنه واحنا نعانى
ومسلــّمين روحنا لجانى
فكــّر يعيدها من تانى
والارض راحت والمَيّه
بعزيمه وبهمّه (الله)
صحّوا صوت الامّه (الله)
من يوم الثورة المصريّه
,,,,,,
تلاتين سنه عدّا شبابنا
والنار بتـنـْهش فى حطبنا
والفقر بايت على بابنا
نتعب نموت مالناش ديّه
بعزيمه وبهمه (الله)
صحوا صوت الامه (الله)
من يوم الثورة المصريّه
,,,,,,,,
تلاتين سنه زهـْرنا طافى
والمحترم عايش حافى
والحبل علــّمْ فى كتافى
شاددْ وانا مغمّى عنيّه
بعزيمه وبهمّه (الله)
صحوا صوت الامه (الله)
من يوم الثورة المصريّه
,,,,,,,
من يوم الثورة يا احبابى
بنحيّى ناصر وعرابى
ونهتف أنا وكل اصحابى
تعيش الوحده الوطنية
بعزيمه وبهمة (الله)
صحوا صوت الامه (الله)
من يوم الثورة المصرية
,,,,,,,,

اخى الشاعر الجميل

سعد الشرقاوى

كان لى شرف المرور على هذا النص من قبل .

التحية لك اخى على الكلمات والتحية للحن والحبيب محمد الآلاتى

صاحب الصوت الجميل .

مودتى وتحيتى ...