عجوز بتسأل رب كريم

عجوز ماشيه بتسال رب كريم
كبيرة السن وشها مكرمش
حاجه لله يامحسنين
وكله عامل مش سامع اه ومطنش
ياست امشى سيبيينا ف حالنا
يا ست امشى وغورى بعيد
وبضهر ايده راح قايم على جبينها نزل تلطيش
واشى رجول على شلاليت
وبنيات غوري بعيد
ماشفش انا تانى هنا وشك
والشارع ده من تانى هنا ما تجيش
حرام يا بنى دانا كبيرة السن وعجوزة
بقالى سنين فى ضلمه كنت محجوزه
وهى الهدمه داهى على الجته
ولاعمرى فى يوم لبست انا جيبه اه وبلوزة
ما شفشى وشك هنا تانى فى حارتنا
ولاتعتبى من تانى فى ناحيتنا
ولو جيتى وعديتى من النحيادى من تانى
على نفسك هتبقى القاضى والجانى
انا حذرتك
وفهمتك وعرفتك
اياكى اشوفك من تانى
مافيش فايدة ولا مليم اجيب بيه رغيف فاضى
ليه يا بنى عامل نفسك كدة قاضى
بتحكم ليه على ارجع لزنزانتى
عاجبك كده اهانتى
وفرحان لانى هبقى فى مذلة
راجل قلة لاعندك دين ولانخوة ولاتعرف
فى يو من بعدى تتصرف
عجوزة لكنى صبيه
وقويه
وبتحمل
وهتحمل لو حتى اكتر من الاول
ومسيرى هبقى قويه
ويومها شوف ايه هيجرالك
قدت فى قمحى يوم نارك
يا مرارك منى لمل اقوى
ساعتها شوف ايه هيجرالك
لاينفع طين ولا مالك
وساعتها هقولك انا وبقوة
راجل قله لاعنك دين ولا نخوه
عاملنى للعالم فرجة
وقاعدولا على بالك
ايه جرالك
فين النخوة
فين الغيرة على اخواتك وبناتك
يابجاحتك
ياريتنى ماكنت صارحتك
وغفلتك
وضربتك بمرزبه على راسك
يمكن ارجع احساسك
وتبقى تانى من ناسك
لوة كنت فاكرهم
فاكر اهلك ابوك وامك واخواتك
انا اتحداك لو لسه فاكر اساميهم
واتحداك لو كنت عايز تجيبهم
هتفضل كده طفشان وسايبهم
انا عجوزة وهجيبهم
واجمعهم
واسمعهم
اغانى النصر والقوة
كلام ثومه وغنيوه العنليب الاسمر وقال فيها
كلنا عايزين صوره
واغنيلهم بلادى بلادى بلادى
ويصرخ فيا شبابى ولادى ولادلى ولادى
عجوز لكنى قويه

مفتريه على ال كان بيظلمنى ويئلمنى
واطيب خلق الله فالارض
مع ال على راسه بيشلنى
بيصرخ فيا جبروتى وبيقولى
مافيش موتى
ولاعمرك يامصر ماهتفوتى ترابك يوم
عجوز عمري ييجى سبع تلاف سنه
وسمونى بست القوم
عايزنى انام وارتاح
وكل ولادى فى فرقه
وقلى ازاى يجيلى نوم
وقلى ازاى يجيلى نوم
عبدالتواب صبحى الرفاعى

أخى عبد التواب
مرحبا بك أيها الراقي
و أهلا بقصائدك الجميلة
دمت بخير

قصيده ذات مغزى ومضمون راقى

احسن قلمك استاذ عبد التواب

دام الابداع

اشكرك استاذ عاطف والاستاذ عادل والاستاذ عطيه على اطلالتكم عليا
واتمنى ان تساعدونى لاكتمال شاعريتى
ابنكم عبدالتواب صبحى

اشكرك بسمة الورد
واقدر رأيك وامنى دائما الاواصل
فانتم شعراء نعتز بكم

جميل اخى الشاعر عبدالتواب وانا مع شاعرنا و استاذنا فالشعر هو كلام موزون و صور مكثفة

ارجو ان يتسع صدرك لكلامى فقليل من مراعاة الوزن مع تكثيف المشاهد و الصور سنكون امام شاعر كبير ان شاء الله

دمت بكل ود

جميل استاذ احمد تعليقك
وانا عمرى ما ازعل من ال بيحبونى
وعايزنى ابقى شاعر بجد
بربنا ثم بيكم ستكتمل شاعريتى
ارجو ان يكون ضمن تعليقكم بعض الاخطاء العروضيه التى تعرضت لها حتى اقف على اخطائى شاعر الحب
عبدالتواب الرفاعى