كفرت بيكم

الزور كسر البابان وعدي السور

قتل فينا الحق وخنق فينا النور

والطيب اللي جوانا ساكت

وبكره أكيد هييجي عليه الدور


البهتان كالرمانة فملا الميزان

حبس العدل فينا وسرق الأمان

والخيانة والخداع دلوقتي وفا

واللي ما بانشي زي اللي بان


الكذب عوا الديابة ونباح الكلب

بوم فى كل بيت وفى كل درب

هما اللي حارسين اللي سرقوا

ومخوفين المسروقين م الشعب


الحلم زي الكابوس بقي مفقوس

واليوم زي الأمس بس بالمعكوس

يا شعب يا أطيب شعوب العالم

مظلوم ومتهان مسروق ومحبوس


ملعون أبو اللي جابوا السياسي

اللي دينه ودين أبوه هو الكراسي

كفرت بيكم كلكم وبدين أبوكم

وببحر كلاكم اللي ملوش مراسي


يا بلاد مستكانة ومستباحة

بالربا والخمرا وبالسياحة

ومرمية فى بحر الديون

وناسها جاهلة بفن السباحة


يا بلدي يا أكبر أسواق النخاسة

باعونا جيل ورا جيل بالسياسة

أمتي ربنا بقي يتوب علينا

وينجينا منكم يا نجاسة النجاسة

إن شاء الله النصر قريب كلماتك واضحة وصريحة توصف قد اية عان الشعب وبينت لعبة السياسة والسعي وراء المناصب متخفيا بعباءة الدين الاسلامي البرئ منهم بإذن الله

[quote="ايمان محمود خضر"]إن شاء الله النصر قريب كلماتك واضحة وصريحة توصف قد اية عان الشعب وبينت لعبة السياسة والسعي وراء المناصب متخفيا بعباءة الدين الاسلامي البرئ منهم بإذن الله[/quot
اقصد كل من هم فى اللعبة السياسية والخطأ الذي وقعنا فيه جميعا هو الهجوم على التيار الاسلامي وكأنهم وحدهم مسئولين عن ما آلت اليه الأمور فى مصر المجلس العسكري شباب الثورة الاحزاب السياسية الاصلاحيين رجال الدين الذين ساهموا فى الحياة السياسية رجال الفكر رجال الاقتصاد كل من تكلم ومازال يتكلم وسيظل يتكلم كلنا مدان لا أحد برئ نحن بين متكلم فى الباطل وهم كثير وبين ساكت عن الحق وهم ايضا كثير نحتاج الى رجال اصلاح حقيقين همهم نصرة البلد لا نصرة انفسم ولا اتجاههم ولا اهدافهم ناس بتحب مصر

اشكر مرورك وحضورك

دمتي بخير

عادل عوض سند كتب:

الاخ الحبيب

احمد رجب معيط

نصك صارخ ولكن صراخ به ما نترفع عنه كأدباء .

واعذرنى فانى اعترض على جملتين بالنص .

كفرت بيكم كلكم وبدين أبوكم .. وهنا تصريح واضح

قد يخرجك من المله .. فما ادراك بدين من تحدثهم ؟؟؟

والجملة الاخرى :

يا بلدي يا أكبر أسواق النخاسة .. وهنا بهذا الوصف

جعلت مصر مرتع وسوق للنخاسه .. وهذا ما نرفضه

فمصر ستظل دائماّ بلد الاخلاق والقيم والدين والمباديء

رغم ما بها من موبقات .

وجهة نظر وارجو تقبلها .

مودتى وتحيتى ...

استاذي العزيز الغيور على الدين والوطن

احييك على مرورك وحضورك وغيرتك

وان لم اتقبل اعتراض استاذ كبير مثلك فمن اتقبل منه اذا

الاولي : الدين ما تدين به الرجل وانا ذكرت بدايه ولعنت السياسي اللي دينه ودين ابوه هو الكراسي والمناصب مش مصلحة الوطن وانا اعلن اني كافر بدين هذا السياسي ودين ابوه اللي هو الكراسي.

الثانية : معك تماما ان مصر الكنانة التى ذكرها الله فى القرآن طاهرة ونقية وتقية ومحروسة ولكن هم الذين جعلوها سوق للنخاسة وانا اتكلم بصيغة الماضي ( باعونا ) وكلي امل فى المستقبل لنرجع كما كنا ولا احد ينكر انهم فعلا باعونا لما جعلوا شباب مصر يعمل باحقر الاعمال فى الخارج لما جعلوا عقول مصر فى العلم والفكر يفروا خارج مصر بحثا عن اي بلد تتبناهم وتتبني افكارهم ومشاريعهم ثم يعودون لنا بعد ذلك علماء وعباقرة ولكن يحملون جنسيات اخري مش هو ده الماضي يا استاذ عادل وانهيت نصي ان الله يتوب علينا منهم لانهم هم الذين حولوا البلد لذلك المرتع والبلد اطهر وهم سبب النجاسة بل هم النجاسة .
ارجو ان اكون اوصلت وجهة نظري وارجو ان تكون وجهة نظري سليمة .
واخيرا كل التحية والتقدير على النقد والنصيحة والتوجيه
احبك فى الله
دمت بخير

أحمد الشرقاوى كتب:

والخيانة والخداع دلوقتي وفا

والله عندك حق ياشاعر
محدش عارف ايه الصح دلوقتى
وايه الغلط
بس نص عالى قوى
أشكرك على ابداعك

اولا اسف على التأخير

ثانيا انت المبدع اشكر حسك العالي

اخي الحبيب

دام الود