رررررررررررررروح

روح

روح واتهنى جوه خداعك

يمكن قلبى ف يوم ينساك

ياللى بتدبح كل دقيقة

الف ضحية مين يهواك

كنت ملاكك وانت رميتنى

بعد ما قلبى اتعلق بيك

مكتنش افكر انك بايع

قبل ما تشرى الغدر مليك

روح واتمنى انك تهوى

يمكن تلقى لغدرك دار

قلب مبعزق زى خداعك

يرضى ينبت وسط النار

اصل الجنة لو تدخلها

تبقى جهنم للابرار

مش راح هندم عاللى نهاره

عمره مزارة صدق القلب

مش راح هرجع للى مراره

لو يحيينى ميبقاش حب

تبقى الدمعه هى حياتى

والاحزان من فيض اشجانى

تبقى الضحكة ماتت طفله

فوق ضرعاتى وف احضانى

روح وفارقنى ونسى خيالى

وانسى عيون بتشتى شموع

روح من فكرى واوعه تفكر

مرة تعدى لقلبى رجوع

داللى بيخدع مرة بيعشق

انه يعيش ع لطول مخدوع

وانا مش هقبل ابقى دكور

او محروقه ف بحر دموع

روح واتهنى جوه خداعك

يمكن قلبى ف يوم ينساك

ياللى بتدبح كل دقيقة

الف ضحية مين يهواك

بقلم سيد البالوي

الشاعر الجميل

السيد البلوى

مرحبا بك فى بيتك الثانى ومنتداك

الذى شرف بإنضمامك لاسرته الادبيه .

قصيدة تعارف جميله ونحن بصدد شاعر جميل بقكره وقلمه .

اهلا وسهلا بك اسعدنا نصك ونتمنى المزيد لنستزيد تعارفا .

مودتى وتحيتى ...