راحت ساعات الخوف

بعد ما انفض الولد

وراحت ساعات الزحام

يومها شوفنا الوالد

شادد

ايد ابنه وطالع للامام

ماسك عليها بخوف

حاسس جواه بخوف

ياعم الوالد اطمن

راحت ساعات الخوف

......................

البنى ادميين

لسه خايفين

من بعض

شاربين

كاسات الهم

بايد بعض

بس خلاص الامان عم

واللى مش هيتلم

هيطحنه البعض

.................

كان الياس مالى القلوب

ومعشش فى كل الدروب

واللى كان مشترك بينا

هى العيوب

والسليم فينا

كان بيحاول يتوب

لكن الكروب

كانت بتوقعه مرة تانية فى الذنوب
.........................

الوقت بقى فى كل سكة امام

وفى كل قلب حمامة سلام

ولين فى الكلام

والف ايد تدفعك للامام

وحرية حقيقية مش اوهام

وتعظيم سلام

لمستقبل بدا يزهر

ليعطر الزمان
..................

وكلنا ايمان

ان اللى جاى

مش شخبيط

ولا تنطيط

ولا تهبيط

اللى جاى

تخطيط

وتفنيط للاوراق

واشتياق

لبكره

وساعات الامان

يلا نبنى

فقد ان الاوان