مع ستات مصر- طارق منيب

ماهيش ستات ولا تحدي

انا فعلاً مانيش قصدي

فــ ســــت لما تجمعها حتلقى جمعها سـتات

وستة برضه تجمعها حيبقى جمعها ستات

ومين ينسى رقم ســتة ده أصبح مادة للكتابات

واسمعلي وانا أحكيلك

‏ عن الستة دي مـ الستات

‏..................................

في ست أيام هزمونا

وجرونا وفضحونا ‏

وكنا في شهرنا السادس وعشنا سنين نكد كابس

ووش الشعب بقى عابس ليوم النصر يتنافس

وعشنا ما بين أسى وأهات وكانت نكسة مـ النكسات

وبالطبع بأكدلك

دي أوحش ست(ة) في الستات

‏....................................

وست سنين كانت فاصل

مابين العار وبين التار

وعاش القط ف ايدين فار ودق فـ نعشه ميت مسمار

كتبنا ملحمة أشعار حلمنا والأمل جبار

وعليت راسنا ورفعنا في راية شعب مـ الأموات

وقلبي حبها جداً

ودي كت‎ ‎‏ ست(ة) مـ الستات

‏.............................

في ست ساعات ضربناهم

ووهم القوة راح فـ فاشوش

وبالنيات هزمناهم وعرفوا إن أحنا أقوى جيوش

وان المصرى كان صابر وإن الصبر ربى وحوش

وإن الصمت كان محنة وإن أحنا كلام وسكات

وكانت فتنة بجمالها

وكانت ست(ة) مــ الستات

‏....................

‏ وفى اكتوبر وكان النصر

ويومها العشة صبحت قصر

طردنا الحسر‏ وعاشت مصر سعادة وفرحة مالهاش حصر

سمعنا الدنيا تتكلم تقول دي بلدنا مجد ونصر

وعزة مصر كات يومها ورفعت راسها مـ النكبات

وصوتنا وصل الكلمة

وكانت أجمل الستات

‏...........................

ومين ينساك ياسام ستة

ده أنت في قلبنا حتـــــــة

فسام ستة كان أقوى صاروخ هدم بارليف وجابله شروخ

وقع جيشهم وكان بيدوخ لقى نفسه كمان ملبوخ

وفرق جمعه للأشتات صحي وفاق تاني من الخرافات

وفكر تاني مين إحنا

ضرب أخماسه فـ الستات

‏.............................

واهو أكتوبر وجه تاني

وصوته عالي حياني

يقول مش موسى دا فرعون وقادر أني أهد الكون

ماأصله كان شايف نفسه وبغروره صبح مجنون

لقى أجله وعمره فات فـ لحظة انضم للأموات

وساب في ضله يحكمنا

وكانت خاتمة الستات

‏.........................

فـ ست أيام خلقنا الرب

وحملت رسله كلمة حب

وليه بيننا ولاد العم وجودهم بيننا أكبر غم

نقول ياأخوانا اتلموا نلاقي الغم مابيتلم

يارب يغوروا دول أوغاد سواء رجالة أو ستات

ومتهيألي مـ الحكمة

بلاش أحكي عن الستات
...............................................

اخى الحبيب الشاعر الجميل

طارق منيب

ايه حكاية الستات معاك ؟؟؟

ههههههههههههههههههههههههههههههههه

والله تسلم ايدك .فكم كتبت عن تلك النوعيه الجميله

من { الستات } فجمعت ما امكن من رقم سته ووضعته

بحرفيه فى نص جميل وشامل .

احييك على فكرك وحرفك الجميل وطرحك الذى سرنى .

مودتى ياغالى ...

عادل عوض سند كتب:: اخى الحبيب الشاعر الجميل

طارق منيب

ايه حكاية الستات معاك ؟؟؟

ههههههههههههههههههههههههههههههههه

والله تسلم ايدك .فكم كتبت عن تلك النوعيه الجميله

من { الستات } فجمعت ما امكن من رقم سته ووضعته

بحرفيه فى نص جميل وشامل .

احييك على فكرك وحرفك الجميل وطرحك الذى سرنى .

مودتى ياغالى ...

أخي الحبيب وأستاذي/ عادل عوض سند

يمكن ده التعديل الأخير للقصيدة اللي كتبتها لأول مرة من ثلاث سنوات.. وذلك بعد اكتساب الخبرة منكم والبصمة بصمتكم وبصمة أساتذة المنتدى الجميل..

فخور بمرورك وتعليقك

أخوك

طارق منيب

أخي الحبيب القريب الشاعر الرائع طارق منيب

جميلة هذة التورية بين ستات وستات .. أحييك عليها

أمتعتني وأسعدتني خاصة وهي تذكرنا بأمجاد جيشنا الباسل في حرب

اكتوبر المجيدة في أيام يحاول بعض البلهاء تصويره علي أنه عصابه

من المنحرفين المعتدين علي الشعب وأغتصاب النساء

أحييك أخي الحبيب وأثبت النص أحتراما للجيش المصري وتقديرا

لشعرك الجميل وشخصك الكريم

خالص الحب في الله والتقدير والاحترام

محمود جمعة كتب:: أخي الحبيب القريب الشاعر الرائع طارق منيب

جميلة هذة التورية بين ستات وستات .. أحييك عليها

أمتعتني وأسعدتني خاصة وهي تذكرنا بأمجاد جيشنا الباسل في حرب

اكتوبر المجيدة في أيام يحاول بعض البلهاء تصويره علي أنه عصابه

من المنحرفين المعتدين علي الشعب وأغتصاب النساء

أحييك أخي الحبيب وأثبت النص أحتراما للجيش المصري وتقديرا

لشعرك الجميل وشخصك الكريم

خالص الحب في الله والتقدير والاحترام

أخي الحبيب وتوأم فكري حودة

على فكرة.. أحنا الجيل اللي عاصر الستات دي لا يمكن ننساها

وأحنا الجيل اللي عاصر بطولات الجيش العظيمة لا يمكن ننساه

وحرب أكتوبر وستاتها يشهدوا على ذلك

فخور بمرورك وتعليقك وتسجيل إعجابك بالقصيدة

أخوك

طارق منيب

احيّك على الفكرة
والكلمات
وسياق القصيدة
ابدعت فعلا اخى الاستاذ طارق

تنويه بسيط فقط
نسيت موقعة 6/1
ودى من اهم الستات برضو
ههههههههههههههههههه
تقبل تحياتى

فارس مصر كتب:: احيّك على الفكرة
والكلمات
وسياق القصيدة
ابدعت فعلا اخى الاستاذ طارق

تنويه بسيط فقط
نسيت موقعة 6/1
ودى من اهم الستات برضو
ههههههههههههههههههه
تقبل تحياتى

شكراً كثيراً ياأخي فارس مصر على مرورك الجميل وتعليقك الأجمل

الشاعر الجميل / طارق منيب

أحييك علي ( زنقتك ) للستات في قصيدة زجلية رائعة

جمعت فيها فضائل الستات علي مصرنا الحبيبة

وذكرتنا بستات تاريخية لا تنسي

مررت من هنا لأري أجمل الكلمات لأجمل ستات .

محمد عبد الواحد كتب:: الشاعر الجميل / طارق منيب

أحييك علي ( زنقتك ) للستات في قصيدة زجلية رائعة

جمعت فيها فضائل الستات علي مصرنا الحبيبة

وذكرتنا بستات تاريخية لا تنسي

مررت من هنا لأري أجمل الكلمات لأجمل ستات .

الزميل العزيز الأستاذ/ محمد عبد الواحد

خالص تقديري لمرورك وتعليقك

وطبعاً كعسكري حتشعر بجمال الستات دي

وهي جزء جميل من تاريخنا

خالص مودتي وتقديري

طارق منيب

رائعة أ. طارق دمت كذلك ^_^

شريف العجوز كتب:: رائعة أ. طارق دمت كذلك ^_^

بارك الله فيك وفي قلمك ومرورك الجميل

جميل أ . طارق

عمل جيد

الابن البار@ضياء الادريسي كتب:: جميل أ . طارق

عمل جيد

وانت الأجمل دائماً أيها الإبن البار

أستأذن مشرفي العامية في إعادتها للصفحة الأولى بمناسبة ذكرى أهم ست فيهم 6 أكتوبر

رائع شاعرنا المبجل نص رائع تسلم ايدك

محمود الشاعر كتب:: رائع شاعرنا المبجل نص رائع تسلم ايدك

شهادة أعتز بها ياأستاذ/ محمود
خالص مودتي وتقديري

كل سنة وانتم طيبين

وأخص بالذكر كل من عاصر حرب 6 أكتوبر

وحرب 67 وذاق مرارة الهزيمة

وحلاوة النصر

الذي تحقق أمام إسرائيل (ربيبة العالم المتقدم كله)

عقبال النصر الأكبر بعودة الأقصى والقدس

إن شاء الله

ما أروع تلك الستات
بصراحه
لك منى نص دستة إعجاب
دمت مبدعا أيها العملاق

أحمد عطا كتب:: ما أروع تلك الستات
بصراحه
لك منى نص دستة إعجاب
دمت مبدعا أيها العملاق

بارك الله فيك ياشاعرنا الكبير

بس ده بعض ماعندكم

شوف ياعم طارق

بعيداً عن ستاتك
كل ماأستطيع أن أقوله :

الشاعر طارق منيب كتب فأبدع
وأنا قرأت فاستمتعت

بس خلاص

شكراً أستاذى الشاعر طارق منيب
بمقدار إستمتاعى بـ ( ستَّات مصر )

لك منى كل المودَّة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

شاعرنا الرائع طارق منيب
تحيه طيبه لحضرتك
لقد افادتنا بهذا الرقم وما يحويه من موضوعات نحن فى غفله عنها
صح لسانك وافادنا قلمك
ودمت لنا شاعر متألق
تحياتى وتقديرى لحضرتك
دمت مبدع

شكراً لمرورك وفخور بتعليقك

وفعلاً مفارقات كبيرة حول رقم 6

مودتي وتقديري

أخي الكريم الشاعر / طارق منيب
بصدق أبدعت
قصيدة ممتعة
وخاتمة ولا أروع
الروح المصرية تنبعث من بين حروف تلك القصيدة
في انتظار جديدك أخي

عماد عبد الحكيم كتب:: أخي الكريم الشاعر / طارق منيب
بصدق أبدعت
قصيدة ممتعة
وخاتمة ولا أروع
الروح المصرية تنبعث من بين حروف تلك القصيدة
في انتظار جديدك أخي

بارك الله فيك ياأستاذ/ عماد

وربنا يخليك ليا ترفع معنوياتي تمللي

سعيد بمرورك وتسجيل إعجابك بالقصيدة

مودتي وتقديري

» مع الستات-ستات لاتنسى في ذاكرة طارق منيب
» بيرم منيب يعارض بيرم سند "مهداه للرئيس مرسي - طارق منيب
» صعب....تشوفنى
» خطر ..قطر- طارق منيب
» هي كده.. لأ مش كده- طارق منيب