غزة ... ( من يوميات العدوان والحصار )

غزة ... ( من يوميات العدوان والحصار )


قناص واقف ع العتبة
بيعد الانفاس
كل شغلانته
يدبح يقتل فى الناس
ومش محتاج تبرير
يقولك فيه
قتلك ليه
قتلك وخلاص
ومن غير احساس
القتل بالنسبة له هواية
والقتلى أرقام مكتوبة ف كراس
مش مصدق
اسأل نشرات الاخبار

(عشرة قتلى فى غزة صباحا
عشرة قتلى فى غزة مساءا )

بنيران طيار قناص
جريمتهم ايه متعرفش
تهمتهم ايه متفهمش
والامم المتحدة بتشجب
والجامعة ع النيل بتندد
والرباعية بتقولك يهدوا
ويساوا بين القاتل والمقتول
واحنا بنكتب قصايد شعر
ونقول هتهون
ونصحى على ضربة تانية
نكتب من تانى قصايد
ونقول هتهون
ونسمع نشرات الاخبار
وغزة زى ما هى فحصار
ومحدش عارف اخرتها
ومين هيطفى النار
خبر عمرهم ما قالوه
فى نشرة اخبار

شعر / احمد صلاح مشالى

رابط القصيدة على اليوتيوب
https://www.youtube.com/watch?v=HtJzcAvfh5Q