أنا سلفى على إخوان وليبرالى وقبطى كمان

مش عايزين نزعل بعض
وياريت نخاف على بعض
كفاية اللى إتعمل فينا
بقينا فرجة لطوب الأرض

أنا سلفى على إخوان
وليبرالى وقبطى كمان
عايزين نرجع اللى لينا
يا إخوانا بلاش جنان

قاعدين يقسموا فينا
ويشككونا فى بعضينا
عايزين يوقعونا
وف الآخر ينضحك علينا

إحنا شعب نام وإتنهب
من على بابا وعم دهب
ولما فوقنا لنفسينا
الكل خاف وإترعب

لسه ياناس قاعدين
وف النهيبة متبتين
لافلوس بيطلعوها
ولا أرض ولافدادين

وطلعلنا وزير مشكور
بيتكلم كلام موتور
عايزنا نعمل المحشى
بمكرونة لسان عصفور

إتعلم ياشعب التوفير
خليك عاقل وبلاش تبذير
الحكومة تجيب منين
كفاية عليها الطراطير

خمسة تريليون دولار
فى تلاتين سنة ياشطار
آشتون فتنت عليهم
وسايبنا ف الدين والعار

وكل من هب ودب
عايز يتريس علينا
كإننا معيز بندب
ومالناش اللى يراعينا

حا نستنى اللى يعدلها لنا
يبقى نستاهل اللى يجرالنا
قال رئيس توافقى قال
وإحنا ولا على بالنا

دستور توافقى ماشى
ورئيس ما يتمنهاشى
مش يعكسوا الآية
المرة دى ما نعديهاشى

الفكرة جميلة

نص ساخر خفيف الظل

دام الابداع

دمت بخير

الشاعر الكبير
أحمد رجب

أنا دخلت خطف
لأ نى فى المستشفى
عندى حالات
قرأت قصيدتك الجميلة
عن المراية ولكن لايسعفنى الوقت
للرد.....ولازم أتمعن

شكرا لمرورك
ولنا عودة أنشاء الله

ا

نص جميل ومفيد جدا
دام الأبداع يا سيدى
خالص تحياتى

الله الله يا دكتور

دنتا طلعت زميل

وابن كار

صدق من قال

لو لم اكن اسكندرانيا لوددت ان اكون اسكندرانيا

معلش رد سريع اصل عندي حالة مستعجلة

مساء الفل

ولهذاخُلق الزجل ليعالج المشاكل الاجتماعيه

ونص به التهكم والسخريه اللذان يميزان الكتابه الزجليه .

اخى الاستاذ / مراد سليمان

مررت وراقنى نصك الجميل .

مودتى وتحيتى ..

هههههههههههههههه اضحكتني يادكتور

فلولا مصر لما ضحكنا في مصر

تحياتي

أستاذناالشاعر
عادل عوض

تحية طيبة

طبعا أنا أقصد السخرية
مما نعيشه الآن ومما نراه
من العجائب فى التصريحات
والأفعال أيضا وفعلا متألم
من إنقسام المظاليم إلى
إلى فئات متعددة قبل حتى
أن نصل إلى منتصف الطريق لحقوقنا
شكرا لمرورك الكريم

آدام الله سعادتك

» إخوان جنكيز
» أصبحنا مش إخوان
» أنا إخوان (رداً على الجخ )
» ........الغوله كمان وكمان ( 3 )
» حتى الحلم كمان قتلوه