ولتذهبى يامصر أقرب مقبرة ( زجل )

بسم اللى عز ناس كتير سفوا الترا
بسم اللى ذل من تفرعن وافترا
بسم الذى خلق السماء بل عمد
والحمد له صلوا على خير الورى

بعد الصلاة والحمد بعد البسملة
هحكى حكاية ناس خيبتها مجلجلة
وياريت فقيه يوصف لى حل المسألة
بهرات محاشى جوه كوسة مقورة

بم إن بعد الثورة توجد معمعة
وكراسى مضروبة ف كلوب وزوبعة
ومنظمات على أمريكات على بردعة
وبلاوى ياما فوق صدورنا معسكرة

بم إن عسكر ساب معسكر وامتطى
ظهر البلددى وصبحت اخرمرمطة
طنطاوى ناوى يسيب أسودها مقطقطة
وناس تقول يسقط وناس متضررة

هل هيه لعبة مع العميل لما انخلع
إوكالها للمجلس يكون طعم اتبلع
ويذلنا ونصيبه هوا يكون دلع
والثورة وهم وعيشنا فيه ياهل ترى

قالوا الفلول على إيد خفية بتعتدى
متخفيين فى ليل بلدنا السرمدى
ياخيبة هلى بشط ذلى اتبغددى
بالذمة مانتوش مكسوفين م المسخرة

قولنا الحلول بالبرلمان المنتخب
نلقى الفلول على كم عزول شايطين غضب
والعلة قلة مأجورين فخ اتنصب
وكأنما قعدة حصيرة ف مندرة

إعلامنا راخر جى وبيضرب إبر
عوكشة وحبوكشة واسمه إيه نق ونبر
بالإسم وطنى وهوا جاى يهبر هبر
تضليل تقيل وادى العقول مستعمرة

وادى اللى طالعين ع الشاشات آخر جمال
قد ولوا أنفسهم رموزا للنضال
ولكل واحد حاشية من حبة عيال
ع النت ف تويتر وفيس مشوشرة

اللى يسب فلان عشان قال رؤيته
وللى يسب ف حزب ماهوش سكته
واللى يسب السنة ويقول لحيته
طب مانت نـا.ف حد قال انك مرة

والنكسة والعار جو لنا من عند القضا
إركع وطاطى لأمريكات لبى الندا
ولا كان فى بالى ييجى يوم يعمل كده
ياهل العدالة ف مصرنا ماذا جرى

آدى قضائنا المستقل بينضغط
لا للمساس بهيبته لا. لا لل لغط
أكيد محاكمة حسنى شئ آخر عبط
نهايته يعنى نيمونا فى الدرا

فليحيا عسكر ويا حسنى والقضاء
فلنحيا نحن بالتشتت والغباء
فليفعل الدلدول منهم مايشاء
ولتذهبى يامصر أقرب مقبرة
...................................
حسبنا الله ونعم الوكيل

الله عليك شاعر مقتدر ياحسن زي عوايدك

بس انت سخرت من كل الناس الا اللي بالي بالك

طب ايه رأيك في مجلس الكاركتير ده هوه نايم ولا مش واخد بالو

او يمكن الاتنين مع بعض ههههههههههههههههههههههه

تثبت فورى بواسطتي ... تحياتي احترم رأيك بس قوله كله بلاش كسوف

أخى حسن
أسلوب بديع
و شعر رائع أيها القدير
أحسنت

ههههههههههههه يا سلام عليك يا حسون دايما شايط ف الجون يا شاعر
زجليه عميقه المعنى بسلاسة المحكى
وبيني وبينك كل الي قلته صح والي قاله عمنا عطيه كمان حيث اني لا أثتثني أي تيار من هذه المسخره التي تضرر فيها كالعاده المواطن المصري في النهايه
أبدعت يا حسون

حسن الجمال. كتب:: بسم اللى عز ناس كتير سفوا الترا
بسم اللى ذل من تفرعن وافترا
بسم الذى خلق السماء بل عمد
والحمد له صلوا على خير الورى

بعد الصلاة والحمد بعد البسملة
هحكى حكاية ناس خيبتها مجلجلة
وياريت فقيه يوصف لى حل المسألة
بهرات محاشى جوه كوسة مقورة

بم إن بعد الثورة توجد معمعة
وكراسى مضروبة ف كلوب وزوبعة
ومنظمات على أمريكات على بردعة
وبلاوى ياما فوق صدورنا معسكرة

بم إن عسكر ساب معسكر وامتطى
ظهر البلددى وصبحت اخرمرمطة
طنطاوى ناوى يسيب أسودها مقطقطة
وناس تقول يسقط وناس متضررة

هل هيه لعبة مع العميل لما انخلع
إوكالها للمجلس يكون طعم اتبلع
ويذلنا ونصيبه هوا يكون دلع
والثورة وهم وعيشنا فيه ياهل ترى

قالوا الفلول على إيد خفية بتعتدى
متخفيين فى ليل بلدنا السرمدى
ياخيبة هلى بشط ذلى اتبغددى
بالذمة مانتوش مكسوفين م المسخرة

قولنا الحلول بالبرلمان المنتخب
نلقى الفلول على كم عزول شايطين غضب
والعلة قلة مأجورين فخ اتنصب
وكأنما قعدة حصيرة ف مندرة

إعلامنا راخر جى وبيضرب إبر
عوكشة وحبوكشة واسمه إيه نق ونبر
بالإسم وطنى وهوا جاى يهبر هبر
تضليل تقيل وادى العقول مستعمرة

وادى اللى طالعين ع الشاشات آخر جمال
قد ولوا أنفسهم رموزا للنضال
ولكل واحد حاشية من حبة عيال
ع النت ف تويتر وفيس مشوشرة

اللى يسب فلان عشان قال رؤيته
وللى يسب ف حزب ماهوش سكته
واللى يسب السنة ويقول لحيته
طب مانت نـا.ف حد قال انك مرة

والنكسة والعار جو لنا من عند القضا
إركع وطاطى لأمريكات لبى الندا
ولا كان فى بالى ييجى يوم يعمل كده
ياهل العدالة ف مصرنا ماذا جرى

آدى قضائنا المستقل بينضغط
لا للمساس بهيبته لا. لا لل لغط
أكيد محاكمة حسنى شئ آخر عبط
نهايته يعنى نيمونا فى الدرا

فليحيا عسكر ويا حسنى والقضاء
فلنحيا نحن بالتشتت والغباء
فليفعل الدلدول منهم مايشاء
ولتذهبى يامصر أقرب مقبرة
...................................
حسبنا الله ونعم الوكيل

شاعر الحسن والجمال / حسن الجمال

ليس زجلاً فقط بل سحراً وجمالاً

أمتعتنا يا رجل

بارك الله في قلمك

ولا أملك إلا أن أقول الله عليك .

الاخ الحبيب الشاعر

حسن الجمال

الله ينور وبدون مجامله انت زجال من العيار الثقيل .

وزجليتك كطلقه موجهه اصابت كبد الحقيقه المزعجه

التى ارهقتنا فكراّ وتعجباّ وتساؤلاّ لم نجد له اجابه .

تسلم ايدك ويسلم قلمك الواعى الجميل .

مودتى وتحيتى ...

بعد مانسمي ..باسم ربنا الخالق
ونصلي ع الرسول ..بنهي ونبارك
زجلية جامدة ..يا عم يااللي كاتب
وصفت الكوسه و البطيخ والعبيط والسارق

فكل التحية ..إليك يا شاعر

زجلية ولا اجمد شاعر جامد حقا

قلت رايك بكل صراحة

كلمات ساخر بعيدة عن الوقاحة

زجلك موزون معني ومضمون

تحية لك ايها الشاعر الجميل

دمت بخير

م/عطية شواش كتب:: الله عليك شاعر مقتدر ياحسن زي عوايدك

بس انت سخرت من كل الناس الا اللي بالي بالك

طب ايه رأيك في مجلس الكاركتير ده هوه نايم ولا مش واخد بالو

او يمكن الاتنين مع بعض ههههههههههههههههههههههه

تثبت فورى بواسطتي ... تحياتي احترم رأيك بس قوله كله بلاش كسوف

...................................................

الله يبارك لك ياهندسة
وبعدين انا هاروح جنبكم فين دانا تلميذ جنبكم ياهندسة
اما بالنسبة للى بالى بالك فانا لا اتبع اى تيار لا اسلامى ولا غير اسلامى الا انى انحاز للاسلاميين لعل وعسى ربنا يصلح الحال على ايديهم ودا طبعا مايمنعش انى انتقد مواقفهم الهزيلة فى الوقت الراهن وبعض التصرفات الغير مسؤلة من بعض الافراد. ولنمهلم ياهندسة وربنا يقدم ما فيه الخير
تسلم لى ياهندسة
تحياتى واحترامى لك
Very Happy

عاطف الجندى كتب:: أخى حسن
أسلوب بديع
و شعر رائع أيها القدير
أحسنت

بارك الله فيكم اخى الاستاذ عاطف
واسعدكم الله بقدر سعادتى بمروركم وردكم المحفز
تحياتى استاذنا
Very Happy

عمل جميل جداً

وأوعى تقول مطنشك تاني

السبب المشاغل وضيق الوقت.. وده شئ عارفه كل أحبائي في المنتدى

أحمد عبد الرازق كتب:: ههههههههههههه يا سلام عليك يا حسون دايما شايط ف الجون يا شاعر
زجليه عميقه المعنى بسلاسة المحكى
وبيني وبينك كل الي قلته صح والي قاله عمنا عطيه كمان حيث اني لا أثتثني أي تيار من هذه المسخره التي تضرر فيها كالعاده المواطن المصري في النهايه
أبدعت يا حسون

حمود حبيبى
انا معاك ياحمود
بس أحيانا انا باعذرهم على قلة حيلتهم
بسبب ضغوط عليهم اولا الحصار الاقتصادى الغير معلن الى بيطبق علينا
نستورد احتياجاتنا وماحدش بيستورد مننا
الداخلية وقلة حيلتها وعدم قدرتها على السيطرة حتى على بعض العاملين بها
المجلس العسكرى المستبد والمتفرد بقرارات مش بتخصه لواحده
وضغوط كتير هاقول لك ايه
ودا برضه مايعفيهمش من المسئولية
المفروض يخدوا مواقف وقرارات جادة
فى النهاية ياحمود انا باشكرك ياحبيبى على مرورك وتعقيبك اللى اسعدنى
دمت لى ياحمود ودامت المودة
Very Happy

أخي الشاعر الزجال المبدع حسن الجمال

أولا أعتذر تماما أنني لم أصافح هذة الزجلية الرائعة من قبل ،،

ثم أستعين بالله وأقول

إذا كان الزجل هو فن الشعب ،، النابع من الناس كما عملنا اياه فطاحل

الزجل الكبار ،، فقذ نجحت أخي الكريم في التعبير عن الناس

ببساطة المصري وتلقائيتة وجمعت كل الاطراف في زجلية نقدية رائعة

الجميل فيها أنها عرضت كل الاراء المتضاربه علي الساحة المصرية

في زجلية واحدة .. وتركت القاريء في بحر حقيقي من هذة الاتجاهات

وهو نقد لاذع لما آل اليه الحال .... خاصه وعلي رأسه إعلام غير حيادي

وغير منطقي وموجه ومسيس ..

أحييك أخي حسن وأشد علي يديك علي هذا العمل الرائع الفاهم الواعي

بقضايا مصر الحبيبة

خالص التقدير والاعجاب والاعتزاز

الله عليك يا أستاذ حسن
جميل جدا هذا النقد وأعجبنى كثيرا
شرفنى مرورى بين سطوريكم
دام الأبداع وتسلم الأيادى
خالص تحياتى

اولا بتأسف لتأخيرى يا ابو على

ثانيا انتا عارف رأيى من قبل ما اقوله لانى نصوصك كلها من العيار التقيل بس النص ده بجد من اجمل النصوص الى قرتهالك من وجهه نظرى

تسلم ايديك بجد يا ابو على

تحياتى يا كبير ^_^

الله عليك
الشاعر الرائع حسن الجمال
كتبت فعبرت بحرفية راقية احسنت اخى

تقبل مرورى واعجابى بقلمك

عن جد الجد رائعة

رائعه بكل المقايس
ومعلش النت بقاله يومين اخر مسخرة

دمت بكل حب وتقدير

اقتباس :: شاعر الحسن والجمال / حسن الجمال

ليس زجلاً فقط بل سحراً وجمالاً

أمتعتنا يا رجل

بارك الله في قلمك

ولا أملك إلا أن أقول الله عليك .

الله عليك انت وعلى مرورك اخى محمد
كل الجمال والحسن فى مرورك الذى يسعدنى دائما
اسعد الله قلبك اخى الغالى
تحياتى لك ياصديقى
Very Happy

عادل عوض سند كتب:: الاخ الحبيب الشاعر

حسن الجمال

الله ينور وبدون مجامله انت زجال من العيار الثقيل .

وزجليتك كطلقه موجهه اصابت كبد الحقيقه المزعجه

التى ارهقتنا فكراّ وتعجباّ وتساؤلاّ لم نجد له اجابه .

تسلم ايدك ويسلم قلمك الواعى الجميل .

مودتى وتحيتى ...

استاذنا الحبيب عادل عوض سند
تسلم من كل سوء
ووالله يااستاذ عادل مجرد تعقيبك باستحسان نص من نصوصى هو يوم عيد بالنسبة لى
بوركت استاذنا الغالى
تقديرى وتحيتى ومودتى
Very Happy

محمد كمال كتب:: بعد مانسمي ..باسم ربنا الخالق
ونصلي ع الرسول ..بنهي ونبارك
زجلية جامدة ..يا عم يااللي كاتب
وصفت الكوسه و البطيخ والعبيط والسارق

فكل التحية ..إليك يا شاعر

بوركت اخى الغالى الشاعر محمد كمال
اسعدنى مرورك واعجابك بالنص
لك منى اجمل التحايا
Very Happy

أحمد رجب معيط كتب:: زجلية ولا اجمد شاعر جامد حقا

قلت رايك بكل صراحة

كلمات ساخر بعيدة عن الوقاحة

زجلك موزون معني ومضمون

تحية لك ايها الشاعر الجميل

دمت بخير

بارك الله فيك اخى الاستاذ احمد
ووالله يااخى انت من الناس اللى بتهمنى أراءهم فى كتاباتى
دام مرورك الراقى استاذ احمد
تحياتى واحترامى لك
Very Happy

» أقرب محطة
» فى انتظار الربيع
» مقبرة الأحزان
» يامصر
» *كتمان الحب لا يعني مقبرة له**