إيه يعني تمويل اجنبي

نبات علي مهزله
ونفوق علي كارثه
لما العلاج معضله
ليه ف السكوت نكسه

******
ياعم صلي ع النبي

إيه يعني تمويل اجنبي

مابلاش كلامنا اللولبي

دا انت لو عيل غبي

تفهم معاني المسأله

جاتنا كمان تلا تين بلا

علي بال نلملم شملنا

سوقنا الهبل ع الشيطنه

وديبنا حارس ع الصبي

نصرخ ونعمل بلبله

فـاَلحين في كتر الولوله

دي فلوس وجايه متلتله

فين القضيه المعضله

ايه يعني هِربوا كام جاسوس

عايزينها ايه حرب البسوس

عوزنها تصبح معركه

ياعم قولنا دي أمركه

افهم بقي دي فَبركه

هىَ الحكايه فزلكه

ولا كلام طق الحنك

مابلاش نجيب سيرة القضا

احسن دي نقطه محرمه

كـَنك هتسبح ف الفضا

او قـُلت مريم مجرمه

للقاضي كُنيه مُحرمه

تشبه كرامة الاوليا

لا قول جميع الانبيا

ماهو اصله وارث عن نبي

حتي النبي عاتبه الكتاب

لما عبس

والاعمي في قانونا انحبس

والامر عالقاضي التبس

فالجاني والي نعمته

مشدود وعارف سكته

فازاي هيفضح جتته

سموا وصلوا ع النبي

(طاهر الصوفاني)ِ

الف صلى عليك يانبى

وتحيتى لحرفك الساخر

الجميل والذى يوصف لنا الكتير من التفاصيل

دمت بحب شاعرنا الراقى طاهر الصوفانى

دمت بخير

الكاتب الساخر طاهر الصوفاني

لك اسلوبك الخاص

ونحترم وجهة نظرك

دام الابدع

دمت بخير

عليه افضل صلاه واتم تسليم

سلم قلمك وتعبيراتك الصادقه
احسنت والله القول

شاعرنا القدير طاهر الصوفانى
رائع ما قدمت تقبل مرورى واعجابى بقلمك

احسنت ياطاهر ... ياعم بلا كرامه بلا نيله المهم الفلوس

بس ياريت امريكا تدفع فلوس للعيال المصريين اللي في القضيه

ولا حتلاقي الناس تقولك كرامتنا ياعم في دول كمان ؟؟؟

هجيت عمرو ... فلما مات عمرو ... ترحمت علي ايامه

امال كنا شايلين حسني مبارك علي روسنا ليه وزاعقين ؟؟؟

سلملي علي الشرعيه .... ههههههههههههههه

تثبت بواسطتي

اللهم صلى وسلم على سيدنا محمد
............................
صوفانى يانى يالهوتى
هيموتونى بحسرتى
وادى القضا
جاب القضا
وباقول ف وطنى ياغربتى
...................................
ياجماعة حد يقول مين دول ؟؟
طيب تبع مين ؟؟
ياعم الصوفانى مايكونش احنا ولاية مصر التابعة ل ................
والله خلاص احنا بقينا مش عارفين مين مع مين على مين
والا ايه الحكاية بالظبط
أعذرنى ياعم طاهر الواحد بقا مش عارف حاجة فى اى حاجة
لك تحياتى ياعم الصوفانى

من كل صنف ولون هبل كمان وكمان
واطلق عنان كلمتك وسمعنا يا فنان
ليه يا هبل تبقى ناس على ناس
و تخلى الروس كدا هو (بتنجان ) ؟

مساء الفل أستاذ طاهر

أهو الدنيا كلها بتستهبل

مودتي

ياعم قولنا دي أمركه

تحمل معاني كثيره جدا ومين الي فاهم
جينا نخرم ودانّا اتكرتنا علي قفانا
ولا عزاء للفتونه

سخريتك بطعم المرار كأغلب نصوصك
نفسي ييجي اليوم وتبدع انت وكل وطني للوطن بلون الفرحه
تحيه لابداعك طاهر بك

مش عايز اقول ان اللى حصل

كان بالامر .. لاننا لانملك قوتنا .. فكيف نملك حريتنا ؟؟

قلبت المواجع ياطاهر .. لكن الايام القادمه سوف تحمل الكثير .

مودتى وتحيتى ...

عليه الصلاة والسلام

والذي قال صلى الله عليه وسلم أعقلها وتوكل

فمنطق العقل هو الذي ينبغي أن يُحكم الأول

عمل جميل ياأستاذ/ طاهر

الله عليك يا استاذ طاهر شويه كلام فى العضم

والقصيده اكثر من رائعه

تسلم ايدك ياشاعر

تحياتى

» سائح اجنبي يقبل حائط المبكى / للشاعر العروبي لطفي الياسيني
» يعني كان لازم لجل ما اللمح ضحكتك؟؟
» تعديل يعني إيه يا مصر إسمك تلبية لطلب أساتذتي هنا
» سيرتي الذاتية ...مش مهمة اوي يعني
» *كتمان الحب لا يعني مقبرة له**