مساجلة عادل أصبح جد يا ناس

عاطف الجندى كتب:

طارق منيب كتب:: جدو إزاي ماهو لسة صغير

قدي تمام ولا أصغر وأكبر

طب ماصحيح أنا جد كمان

يبقى أنا ليه باتعب وأفكر

عمنا طارق جد كمان !
يللا انضم إلى المعاشات

العبوا طاوله و غنُّوا أيامكم
مصمصوا حالكم .. قولوا حاجات

يرحم كل شباب كان ضايع
على أيامنا مفيش موزَّات

لما النت نزلنا بحوره
فجأة لقينا التعلب فات !
****
هههههههههه

بس أنا جد صغير شاب

يشهد سني وضي النني

يشهد برضه كل الشعب

إن القرن في نصه أهو فات

أما النص التاني الصعب

عمنا عادل بدأه بعقد

يعني حاقوله برضه ياجدو

أوعى تقول من تاني أنا جد

عاطف الجندى كتب:: شايفة يا أخت إيمان ما جرى له ؟
عادل و الله أتغير حاله

بيقول جد لأول مرة
و هي العاشرة .. يا هنياله
****
أصبح على القهوة بيتسلى
لما معاشه يا ناس قام جاله

طاوله و شيشة على تحشيشه
و حتى الفيس قطع أوصاله !
****
ههههههههه

عقبال لما تشوف احفادك

حوالين منك ويّا ولادك

ييجوا يشدوا الشعره الفاضله

لجل ما يشمت فيك حسادك

تطلع تهرب يوم عالقهوه

تاخد برد ويوم تستهوى

فجأه تلاقى الواد على سهوه

سرق الجزمه بنارها وقادك

عادل عوض سند كتب:: يانهار ابيض .. حصل امتى ده ؟؟؟

عموما مرحباّ بيك حبيبى .. ويا أهلاّ بالمعارك ..

.............................................

والله ياعاطف كتر خيرك

سيبها تكون من واحد غيرك

تنكش ليه عالهم بإبره

تدخل ولاحدش حا يجيرك

أنت حبيبي يا عادل برضو
و انا الأولى إنى أصارحك

عارف هنكش فيك و بشعري
هيبان لينا قساوة جرحك

تصعب تاني عليا .. و تقسي
و انا من طيبتي تملي بسامحك !
***

khaled_dwidar كتب:: لو مهما قالولك كلمه

دا مفيش احلى من الجد

لما انتا يجيلك ابنك

ويجرب يضرب ابنه

تتصدر انتا قصاده

ويتخفى وراك الابن

ويقولك يومها يا جدو

فتحس بكلمه جدو

فتحامى الواد من ابوه ^_^

حاجه بسيطه بقى بمناسبه الحفيد الشاعر وعقبااال الحفيد العشرين ان شاء الله وربنا يخلهملك يارب يا استاذى وتفرح بجوازهم كلهم ان شاء الله

يكرم اصلك يا ابنى ياخالد

عندك اصل وفيه اخلاق

ادعى معايا ما يدخل بيننا

واحد اصله يكون حلاق

حلـــــــــــــــــــــــوه

هع هع هع هع هع هع هع

عاطف الجندى كتب:

طارق منيب كتب:: جدو إزاي ماهو لسة صغير

قدي تمام ولا أصغر وأكبر

طب ماصحيح أنا جد كمان

يبقى أنا ليه باتعب وأفكر

عمنا طارق جد كمان !
يللا انضم إلى المعاشات

العبوا طاوله و غنُّوا أيامكم
مصمصوا حالكم .. قولوا حاجات

يرحم كل شباب كان ضايع
على أيامنا مفيش موزَّات

لما النت نزلنا بحوره
فجأة لقينا التعلب فات !
****
هههههههههه

عقبال لما تشوف أحفاد

تيجه تشخطهم بس ياواد

يشخطوا فيك يقولوك أسكت

مش ناقصين وش الأجداد

تيجي تقول قال أيه أنا شاعر

وسط أحفادك راح تتفاخر

ييجوا يردوا يقولو فين رامي

وأحمد شوقي وطارق الساخر

تيجي ترد وتقول طارق

كان تلميذي وكان على قده

تلقى أحفادك برضه تقولك

بطل فشر ومعر ياجدو

عاطف الجندى كتب:

عادل عوض سند كتب:: يانهار ابيض .. حصل امتى ده ؟؟؟

عموما مرحباّ بيك حبيبى .. ويا أهلاّ بالمعارك ..

.............................................

والله ياعاطف كتر خيرك

سيبها تكون من واحد غيرك

تنكش ليه عالهم بإبره

تدخل ولاحدش حا يجيرك

أنت حبيبي يا عادل برضو
و انا الأولى إنى أصارحك

عارف هنكش فيك و بشعري
هيبان لينا قساوة جرحك

تصعب تاني عليا .. و تقسي
و انا من طيبتي تملي بسامحك !
***

هههههههههههههههههههههههههههههههه

حرام عليك .. انا بساجل 10 شعراء لوحدى ..

واحده . واحده على اهلى .

علشان اعرف اكيفك ..

هههههههههههههههههههههههههههههههههه

واحده .. واحده .. اتفقنا ...

اسماء منصور كتب:: ليه كدا بس يا استاذ عاطف

يالى كلامك تاه فى عواصف

استاذ عادل بأحسن حال

واسمع بقا لو جيت للجد

احلى كلام انه يكون جِد

اسماء برضه اهى جت ويايا

وانت ياعاطف مين وياك ؟؟؟

كل ما بجرى بتجرى ورايا

مش عايز { افتحها } معاك

عادل عوض سند كتب:

عاطف الجندى كتب:: عادل أصبح جد يا ناس
يلا تعالوا افتحوا كراس

باركوا و هنوا له و اتمنوا
يبعد عنه كلام الناس
***
ناس بيقولوا ده صابغ شعره
و ناس بيقولوا مخوَّخ عضم

و ناس بيقولوا مركب طقم
ما يقدر ياكل لحمة راس !
***

جد ولكن .. شايفه الناس

شادد حيلى ومش محتاس

بكره حا توصل سنى ياعاطف

ونشوفك محنى بعجاز

اما الشعر دا لونه طبيعى

وف سنى حا تكون { زلبطه }

لسه غزال وف عز ربيعى

وانت ساعتها تكون { كالبطه }

لما أوصل سنك هتقول لي
هى ( الشاعه ) يا عاطف كام ؟!

ركبي يا ولدي ليه بتلخلخ
مهما أخدت من البرشام

صبغة شعري و طقم ( أشناني )
و قرص فياجرا و برضو بنام

فكرتني بالنوم ده معاده
عدى ( بشاعه ) يا صاحبي تمام !
***

ههههههههه
حبيبى هتركك لأنى خارج الآن
و سأحضر لك ليلا و هى فرصة تكون رديت
سلام الآن

عاطف الجندى كتب:

اسماء منصور كتب:: ليه كدا بس يا استاذ عاطف

يالى كلامك تاه فى عواصف

استاذ عادل بأحسن حال

واسمع بقا لو جيت للجد

احلى كلام انه يكون جِد

أحلى كلام منك يا جميل
و الله ما له فى الزَّي مثيل

لكن عادل سلم نِمَرُه
و نفسه يا عيني يلاقي زميل !
****

لسه حبيبى نمرى بحالها

وبشارك { ماتشات } عالميه

وانت يادوب عالدكه اهو قاعد

وكفاءتك عشرين فى الميه

ماهر حامد كتب:: جدو ولكن الصحة شباب

وبصوبعين يفتح ميت باب

ولو أشتعل الشعر في راسه

قبل ضروسه في أنياب

يأكل لحمة وكمان كفيار

وجبنة قريش وزيتون و خيار

وإن طلبت يحشي الممبار

ويشوحه بالزيت الحار

انا حاضر عن المتهم

هههههههههههههههههه

قوله ياماهر .. زيد فى القول

احسن صاحبك ما بيسمعشى

بيحطوله ف قشر الفول

يستطعم ويقولك محشى

واهو نازل تأليس على سنى

وانا ساكت دا عشان اكمنى

عمر العيبه ما تخرج منى

بس اسمحلى .. عليه ما اسكتشى

طاهر الصوفاني كتب:: جدو ياجدو يااجمل دوله
هما بجد عيونك حوله؟
ليه تِشبهني بقولك شَبهي
خوفي يقولوا اتقسمم فوله

هههههههههه
ليه تشيبني وانا دوب بيبي
جدو وقلت رضيت بنصيبي
ومين في الدنيا اختار له جد
لاهوكان ذنبي ولاكان عيبي

ههههههههه

اصل عيونك قالبه الحال

وانت عينيك فى الاصل شمال

عمرى ما قلت انك تشبهنى

ليه { تشبهنى } بجد ياخال ؟؟؟

والله ضحكت ب قولة { بيبى }

وانت بعيد جداّ ياحبيبى

دا انت يا دوب سنتين بالعافيه

وحا توصل فى الشكل لشيبى

طاهر الصوفاني كتب:: ههههههههههههههههههههههههههههه

الله يكون في عون البيبي

ههههههههههه

طبعا هكملها بقي وابعتهالك هديه

واي خدعه

ههههههههههههههه

ياجدووووووووووووووووووو

منتظرك يا حبيبى

وهات صحابك اللى على القهوه معاك يساعدوك ..

ههههههههههههههههههههههههههههههههههه

يا مسهل .. ياللا يابابا ..

طارق منيب كتب:: جدو إزاي ماهو لسة صغير

قدي تمام ولا أصغر وأكبر

طب ماصحيح أنا جد كمان

يبقى أنا ليه باتعب وأفكر

قوله ياطارق عيد ف كلامك

احسن صاحبك واخده غروره

قوله حا تيجى عليك ايامك

بس اهو كل لواحد دوره

بسمة الورد كتب:: جدو ياجدو يااجمل جد
قول واتهنى واسعد رد
انت بقلبك جد حنان
ياللى مافيش لحنانك حد

الف الف مبروك شاعرنا القدير عادل عوض

ويارب عقبال ما تشوفه عريس

ربنا يسعد لك ايامك

بسمة ورد بجد يا سومه

نورتى { المعركه } بكلامك

رباعيه ولكن .. مرسومه .

...................................

الاخت الفاضله / بسمة الورد النديه

اشكرك على تهنئك الجميله ..

وعقبال ما تفرحى بأولادك يارب ..

شكراّ وتقديراّ ...

ماهر حامد كتب:: جيت في الدنيا ما لقيت جد
ولا فيه ماما ولا فيه ست
ولا في صاحب زي الناس
وجوه أفكار شد ومد

كل دهو إكْمن أنا جد

كل الناس بتحط عليَّه

وجهة نظر العالم المخفي

جات في القلب بطعنه قوية

دنا غلبان والله ياخونا

وبصوم وبصلي الفجرية

باعد روحي عن ُقلنا وقال

وبتدلع على وش الميّه

ورغم طبيعتي وقلبي الطيب

عاوزيني اخرط ملوخية

حاجه غريبه والله ياناسي

أحوال الناس العصرية

واللي تاعبني وتاعب روحه

قال عاشق الست بهية

واللي دموعه نزفه ولمعانة

كبدي عليه قال بخته شوية

واللي حبيب لل القطقوطة

و عشنها باع العربية

لأ لو حد يقرب منها

إداله علقه إنما هيَّ

واللي عاملي القلمْ الروميو

ويسيب دي ويغازل ديَّه

آه من وجع القلب يا جدو

محلاها عيشة اليابانية

نفسي أعيش والله ياجماعه

ليه دنيتي ظالمة وغبيَّه

كان مالي بالنت يا عالم

ومواقع الشعر المغْريَّّة

حاضر عن المتهم

بسم الله ماشاء الله

هيئة الدفاع بالحق المدنى بقوا ياما اهو ..

ههههههههههههههههههههههههههههههههههههه

الفايده اتعرفنا عليك

على شخصيه بجد جميله

وانا صدقنى بنفرح بيك

لما بتبقى قليل الحيله .

هههههههههههههههههههههههههههه

ادخل بقى يا حبيى وشخلل جيبك ..

منتظرك ...

yousry_osman كتب:: اللى انتم مش عارفينه بنت ابن عدوله خلفت
يعنى عدوله بقى جد الجد ياناس دا روبابيكيا
وأسأ لونى انا دا عنده 14 حفيد اوعوا تقولوله

انت هليت يا جميل

الله عليك .. ايه المعلومه اللى زى الزفت دى ؟؟

قصدى زى الفل ..

نهارك لون قلبك .. اسود طبعاّ .

ههههههههههههههههههههههههههههه

وغلاوة وسيم منا عاتقك .. بس اشووووووووووووووفك ..

يورينى فيك يوم ...

بكرة تجيب له خال أو عم
أصغر منه خفيف الدم
لسه يا عادل والله بخيرك
ولا تعرف إيه هو الهم
ربنا يبعد عنك شره
أصل الهم ده زى السم
عاطف قصده يداعبك برضه
ويقولك عقبال ما تجيب
عيل تانى وتالت زيه
يبقى مهندس يبقى طبيب
ياله اتجوز تانى يا دوله
الشرع محلل لك ستة
كل بنات الدنيا تحبك
قالو انك نوارة الحتة
....................
الف مبروك يا استاذ عادل ربنا يرزقك منه الخير والبر ويكون ولد صالح

عادل عوض سند كتب:

الشاعرة عزة الزرقانى كتب:

عاطف الجندى كتب:

[center][size=24]عادل أصبح جد يا ناس
يلا تعالوا افتحوا كراس

باركوا و هنوا له و اتمنوا
يبعد عنه كلام الناس
***
ناس بيقولوا ده صابغ شعره
و ناس بيقولوا مخوَّخ عضم

و ناس بيقولوا مركب طقم
ما يقدر ياكل لحمة راس !
***

مين قال كدا دوله لسه شباب

واللى يقول غير كدا كداب

وان مقدرش ف لحمة راس

يقدر ياكل أحلى كباب

وغلاوتك بناكلها ياعزه

والعزال منها المحرومه

بمضغها استطعم بالذه

بس اكيد بتكون { مفرومه }

طيب خبى انها مفرومه

كدا ح يقولوا سنان مقطومه

وطيفه قاعد لك بقى ع الوحده

ومحضر لك دوم ف عزومه

[/size][/center]

يا ولا الذييييينا....

ههههههههههههههههههههه

كده بردو :

معقوله صحيح معقولة

أصبحت بجد يا دولة

الجد لعاشر مرررررة

ولا دا م الغيرة المرة

من دوله ودوله ودوله

علشان مش قادرين زيك

يهزموا في الجولة الأولى ؟؟

عادل عوض سند كتب:

ماهر حامد كتب:: جيت في الدنيا ما لقيت جد
ولا فيه ماما ولا فيه ست
ولا في صاحب زي الناس
وجوه أفكار شد ومد

كل دهو إكْمن أنا جد

كل الناس بتحط عليَّه

وجهة نظر العالم المخفي

جات في القلب بطعنه قوية

دنا غلبان والله ياخونا

وبصوم وبصلي الفجرية

باعد روحي عن ُقلنا وقال

وبتدلع على وش الميّه

ورغم طبيعتي وقلبي الطيب

عاوزيني اخرط ملوخية

حاجه غريبه والله ياناسي

أحوال الناس العصرية

واللي تاعبني وتاعب روحه

قال عاشق الست بهية

واللي دموعه نزفه ولمعانة

كبدي عليه قال بخته شوية

واللي حبيب لل القطقوطة

و عشنها باع العربية

لأ لو حد يقرب منها

إداله علقه إنما هيَّ

واللي عاملي القلمْ الروميو

ويسيب دي ويغازل ديَّه

آه من وجع القلب يا جدو

محلاها عيشة اليابانية

نفسي أعيش والله ياجماعه

ليه دنيتي ظالمة وغبيَّه

كان مالي بالنت يا عالم

ومواقع الشعر المغْريَّّة

حاضر عن المتهم

بسم الله ماشاء الله

هيئة الدفاع بالحق المدنى بقوا ياما اهو ..

ههههههههههههههههههههههههههههههههههههه

الفايده اتعرفنا عليك

على شخصيه بجد جميله

وانا صدقنى بنفرح بيك

لما بتبقى قليل الحيله .

هههههههههههههههههههههههههههه

ادخل بقى يا حبيى وشخلل جيبك ..

منتظرك ...

وأنا برضك بتشرف بيك

ويهمني ديما أحوالك

ويوماتي عيني بتفليك

كان مالي أنا بس ومالك

ماشي يا عم عادل

التفلية هنا بمعنى الفحص الشامل

ههههههههههههههههه

لا بعدين حد يفكر حاجه كدا ولا كدا

يا ولا الذييييينا....

يا ابو عاطف خف اتمهل
دا حبيبك بدري اتأهـــــل
والمولى اتعطف سهــــل
وبسرعة جه المولـــــود

عدولة صغيــــر لســـــه
ما شبعش مناغشة بسة
ح تكبروا ليه ف الراجل
والقلب أخضر ف العود

محبوب م الكل حقيقي
رغم انه وقف ف طريقي
كان عاوز البت بتاعتى
وطريقها طلع مسدود

إيمان الروبى كتب:: الأستاذ الجميل والقدير الشاعر / عادل عوض سند

تحية - أولاُ- معطرة بمناسبة انك وحشتنى وكل اعضاء المنتدى فى غيابى
وثانياً : الف الف مبروك على الحفيد العاشر ههههههههههههه وعقبال الحفيد المائة
فى حياتك ان شاء الله . خالص المودة إستاذى .

الاخت الفاضله

ايمان الروبى

وانتى والله وحشتينا جدا . وياريت نشوفك ونتشرف بيكى

يوم السبت .. واشكرك على تهئتك الرقيقه وعقبال ما تفرحى

بأولاودك وذريتهم ان شاء الله .

كل الشكر والتقدير ...

طارق منيب كتب:

عاطف الجندى كتب:

طارق منيب كتب:: جدو إزاي ماهو لسة صغير

قدي تمام ولا أصغر وأكبر

طب ماصحيح أنا جد كمان

يبقى أنا ليه باتعب وأفكر

عمنا طارق جد كمان !
يللا انضم إلى المعاشات

العبوا طاوله و غنُّوا أيامكم
مصمصوا حالكم .. قولوا حاجات

يرحم كل شباب كان ضايع
على أيامنا مفيش موزَّات

لما النت نزلنا بحوره
فجأة لقينا التعلب فات !
****
هههههههههه

بس أنا جد صغير شاب

يشهد سني وضي النني

يشهد برضه كل الشعب

إن القرن في نصه أهو فات

أما النص التاني الصعب

عمنا عادل بدأه بعقد

يعني حاقوله برضه ياجدو

أوعى تقول من تاني أنا جد

ماشى ياطارق زور سنك

وابعد كل الشك عليك

ولا دا يعنى عشان اكمنك ؟؟

لسه صغير ؟؟ اصلى قاريك

طيب لما حا تصبح قدى

ايه راح تعمل لما اباريك ؟؟؟

عاطف الجندى كتب:

عادل عوض سند كتب:: يانهار ابيض .. حصل امتى ده ؟؟؟

عموما مرحباّ بيك حبيبى .. ويا أهلاّ بالمعارك ..

.............................................

والله ياعاطف كتر خيرك

سيبها تكون من واحد غيرك

تنكش ليه عالهم بإبره

تدخل ولاحدش حا يجيرك

أنت حبيبي يا عادل برضو
و انا الأولى إنى أصارحك

عارف هنكش فيك و بشعري
هيبان لينا قساوة جرحك

تصعب تاني عليا .. و تقسي
و انا من طيبتي تملي بسامحك !
***

وانت حبيبى ياعاطف برضه

نازل سلخ ف اخوك عدوله

بكره حا تصبح جد ياعاطف

والناس تعرف ايه الفوله

عندك كله حا يبقى صناعى

من راسك حتى لرجليك

تصبح زى تحتمس يومها

فى المتحف نتشرف بيك

» مساجلة بلكونة عادل
» بدلة عادل - مساجلة شعرية
» دكان عادل ( مساجلة شعرية )
» كرسي عاطف
» مساجلة شعر العامية