في الميدان

في الميدان
***
ولاقيتني باصص في السما

صابني العمي

ما بقيتش شايف

غير سحاب

شايل هموم متسرسبة

كان فيه ضباب

والتلج داب

لما طلع شمس النهار

بان الميدان

والشوف كمان في عنيا بان

وحاجات كتير

بين السطور

متبعطرة

من شلالات الحقد

والخوف الجبان

أصل المكان

رمز الأمان

والحق راجع

والمستحق في عيون شباب

لما هتف وبعلو صوته

زي الآدان زي الجرس

وفـ بور سعيد الألتراس

كانت مؤامرة بدون حرس

صابني الخرس

والا إنعدام الرؤية

جاني من جديد

سبعين شهيد

وشويتين

وحلفت أرجع للميدان

وفـ جوه خيمتي

قررت أموت

م الإنهزام .
...