قتلني هواكي

مش هاين عليا وهان عليكي
يضيع اللي بينا قدام عنيكي
كدبتي عليا وقلتي اني ليكي
اغلى حاجه وضي عنيكي
احلامنا الجميله بقت سراب
والشوق اللي بينا بقى عندك تراب
وكلام عنينا بقى ليله ضباب
ده كلامك ليا كله نسيتيه
وغرامك بيا ...ضيعتيه...
اصرخ يا قلبي وابكي ع الحب اللي ضاع
دي ما قالت حتى كلمة وداع
وسابتني اغرق في الاوجاع
وحياة عنيكي اللي ما نسيتهاش
وحياة حبي اللي ما بيقساش
وحياة دموعي اللي ما رحمتيهاش
لابعد بعيد عنك وما استناش
اشوف دموعك وما احسهاش
وحتفضلي عندي غاليه وصورتك ما بنسهاش
حضحك وافرح واعيش ومش حرجعلك تاني
من غيرك برضه حعيش وابعد ع القلب الاناني
اصل الحب اللي مات مره مش بيعيش تاني
ومهما ان كانت عيني بتضحك مهما ان كان صوتي بيتكلم
جوه في قلبي صرخه بتحكي عن هوايا اللي بيتألم
وعمري ما حقول نسيتك ولا عمري حستناكي
كنت ماصدقت لقيتك بس قتلني هواكي
ودلوقتي خلاص ما بقاش يفيد بكاكي
ضيعتي الحب الكبير والقلب اللي ليكي اسير
والشوق اللي كان فرحان... بيطير
وجرحتيني في قلبي جرح كبير
حدعيلك بالهدايا في صلاتي وفي دعايا
وحدعي بان دايما تكوني مش معايا
حتجيلي تترجيني نرٌجع اللي كان
وتقولي سامحني وحشتني ايام زمان
بس مش حرجعلك ومش حلوم عليكي
اسف مش حسمعلك مش قادر اشوف عنيكي
مفيش بينا ملام ولا حتى اي كلام
ولا بنفع باننا نرجع تناي للغرام
وكنت ما صدقت لقيتك بس قتلني هواكي
نجوى الحاروني

الرائعة نجوى
قصيدة بالعامية جميلة
سعيد بها
اسمحي بنقلها بجوار إخواتها من العاميات الرائعة
دمت بخير