فين حقي

حقي فين لنجوى الحاروني
عند مين الدم ده عند مين
اخد بتاري ازاي بقى طب حقي فين
يعني ايه
لما الصحاب يتجمعوا بيقرروا ويخططوا
مسكين سلاح بيقطعوا فينا ويخرطوا
وبياذوا مين
والاقي بيوت متكسره وشوارع وميادين متدمره
وبدال ما تملى عيوني فرحه ارجع وروحي متمرره
والاقي ابن باكي حسره على ابوه
الاقي اخ مقتول بادين اخوه
طب اشكي بس لمين انا عصفور جناحه مكسور حزين
خايف يروح لاي صاحب ليرجع ماليه جرح وانين
والقاني مش سامع نفسي ولاشايف دمعي الحزين
جاوبني قوللي يا صديق خونت ليه ارضك سماك
كنت رفيقي في الطريق اتاري ضحكك ليا وراه هلاك
ازاي ما صعبتش عليك ياللي انت مني
سال دمي بايديك مع انك مش غريب عني
فين الامان يا بلدي ادفى في حضن مين
خايف اامن لولدي لابات في حضنه واصحى القاه مرفعني بسكين
كلمات الشاعره نجوى الحاروني