اكتب وقول يا قلم الموت للي ظلم
واللي بايده بيحاول يهدم الهرم
ايد واحده ونفس واحد نمشي خطوه قدام
كلنا مسلم ومسيحي عايزين نعيش في سلام
ده الشعب كله يريد اسقاط ....النظام
قول يا قلم الحقيقه على يفط في ايد الولاد
وفي وش الظالم قوله حنطهر البلاد
قول وما تستسلمش ولا تخاف من الموت
قول احنا ما بنخافش في النار والحديد بنفوت
واكتب النهارده وبكره وبعده عن مصر جديده
قول انها هيا وولادها حيعيشوا عيشه سعيده
وخلي اشعارك واغانيك بيحكوا امجادها
واحكي وقول الحقيقه قول عن الرجاله ولادها
وقول ان مصر متصانه وحراسها هما احبابها
كلمات الشاعره نجوى الحاروني
الأحد نوفمبر 17, 2024 9:53 pm من طرف 
موضوع: قول يا قلم 