علي عومكو مانيش عايم .... أشرف البنا

علي عومكو مانيش عايم
= = = = = = = = = =

علي عومكو مانيش عايم
و لا هأرضي بنص حلول
ده لو كان كدبكم دايم
لا كان فيه ثورة
و لا فيه فلول
يناير صحّت النايم
فلا هنخاف من الغولة
و لا م الغول
علي عومكو مانيش عايم

أدي صوتكو اللي كان صايم
مع الجني اللي ف القمم
ده ياما كتير سنين صمتم
رضيتوا الظلم و سكتم
رفض صوتي يكون مذلول
علي عومكو مانيش عايم

علي عومكو مانيش عايم
تقولوا فيه طرف تالت
عياره لسه ليه فالت
و كل الناس عليه قالت
ده غاوي يقلب المعدول

و ليه نفضل كده نماطل
و ليه بنداري ع القاتل
لا .... و نحاسب المقتول
علي عومكو مانيش عايم

أشرف البنا

الله ...أحسنت ياشاعر .... تحياتي

أسعدني مرورك الكريم أستاذي الفاضل عطية شواش

الله انت سباح ماهر

مودتي

أسعدني مرورك الكريم أستاذ ماهر حامد

أخى أشرف
من أجمل ما قرأت لك أيها الشاعر الجميل
شعر راقي و موسيقى جميلة
أحسنت

أستاذي الكبير عاطف الجندي
أسعدني مرورك الكريم ... و تعليقك الرقيق الذي أسعدني كثيرا ..... أشكرك .... تحياتي

» النوّنوة ....... أشرف البنا
» مانيش شاعر
» السمسم عايم ع الميه
» واوات البنا.........
» صمت للأديبة منى البنا