نشاطركم .... الأحلام

الله الله الله عليك يا كبير وعلى الكلمات بس مش عارف انا شامم حاجه فى الكلمات ^_^


تسلم ايديك ياكبير

الشعر موزون وزنة معلم
اما المضمون فلا وزن فيه
لانك وزنت اليمين بميزان اليسار
وعايز ابشرك مش هيبقوا خمس سنين هيبقوا اكتر بالتأكيد

*دع الأيام تفعل ما تشاء
وطب نفسا إذا حكم القضاء*

*ولا تجزع لحادثة الليالي
فما لحوادث الدنيا بقاء*

*وكن رجلا على الأهوال جلدا
وشيمتك السماحة والوفاء*

*ورزقك ليس ينقصه التأني
وليس يزيد في الرزق العناء*

*ولاحزن يدوم ولا سرور
ولابؤس عليك ولا رخاء*

*إذا ما كنت ذا قلب قنوع
فأنت ومالك الدنيا سواء*

*ومن نزلت بساحته المنايا
فلا أرض تقيه ولاسماء*

*وأرض الله واسعة ولكن
إذا نزل القضا ضاق الفضاء*

*دع الأيام تغدر كل حين
فما يغني عن الموت الدواء

دمت بخير

أخي الرائع م/عطيه شواش
اللي مابيفهمشي بيتعب
واللي بيفهم بيتعب أكتر
حاول تسيب الجرح مقفول
وبلاش نخربه !!!!!!!!!!!!!

حلمك ياشيخ شواش
سمعته منك ف ى الاتحاد وعجبنى الالقاء والنص جدا جدا .. ولما قريته حسيت انى باقرا نص تانى ..

ياحلم في المقبره
إفرد إيديك حتنول
(استفتاح جميل ومعبر)
بلدنا متضفره
داخله في بطن الغول
"حلوه الصوره والمفرده )
شبعنا م المسخره
والنعمه بكره تزول
"جميله لو وجهت لمن لا يريد الخير لهذا ابلد )..........
ياحلم في المدرسه
ماتعلم التلاميذ
أللمه تعمل وتد
تغلب جيوش جنكيز
والفرقه تقتل أسد
تركب كلاب ومعيز
(اللى عنده همة قتل الاسد بيركب احسن فرس والكلاب والمعيز لامثالهم ادعياء الفروسيه)

..........
ياحلم في المبتدا
مطرح ماتجري نروح
ينزل علينا الندا
نضحك حلاوة روح
طبطب علي كتفنا
ننسا القفا المدبوح
(صورر ا ئعه مع اختلافى معك فى المقصد)

..........
يامخوفين البنات
وهما جوا الدار
من إمتي لنتخابات
تحكمها جنه ونار؟؟
"كذبه اخترعها الفاشلسن وديولهم)
يامولعين الفانوس
يامطببين الميزان
وحياة مقام النبي
عنيكوا ع الدكان
(الله اعلم بما فى النفوس)
نزل رفوف الأمل
إنتوا الهلال والجمل
إنتوا الحديد والزان
أيوب دا لما صبر
مبقاش يهمه فروق
"اسف استاذنا شبهت صبرنا بصبر ايوب عليه السلام وايوب صبرعلى محنه وامتحان وهو نبى اما نحن فصبرنا صبرخوف وقلة ايمان)
ونعسه لما كبر
(السبب كان البلاءايتلاء مش عجز فارى شىء فى التشبيه)
نزلت عليه السوق
باعت شعور القمر
عشان ريال مخروء
..........
ياحلم في المندره
لولاك علينا نموت
حيرجعونا ورا
بالسيف وبالنبوت

(الحق احق ان ستبع والعارف لربه هو الاعرف بحقوق العباد ايا كانت ملتهم او انتماءتهم ومجبرر على احترامها بنص كتابه وسنة نبيه الذى قال صلى الله عليه وسلم (من أذى ذميا "فانا خصمه يوم القيامه)
ويشغلوا المعصره
ويركبوا الكبوت
"خوف مش فى محله)
خايفين علي مصرنا ؟؟
قال يعني بنت بنوت

"ولو على ابنها البار ان ياخذ بيدها لطريق الطهر -ملحوظه -الصوره ررائعه)
ديب(ديك) البراري رجع
كسر علينا الدار
وقالي روح إنتخب
إما تروح النار
(ما حصلتش معايا ولا حد قالها لى)

ميزان في قلبه فانوس؟؟
النور ياناس بفلوس
حتي أسألوا السمسار
حلم الكبير ياكبير
نحلم وإحنا جلوس
وان نمت فوق السرير
الحلم يبقا كابوس
..........
ياحلم قلة أدب
قل لم أدبكوا كمان
البغل لما ركب
يقعد سنين همدان
لا تشوف له خلفه دكر
كل اللي جاي نسوان
..........
الحلم في السلم
زي الرز في الكوسه
لو نمت جوه الفيلم
راحت عليك بوسه
دست الزرار نورت
واللعبه مدروسه
خمس سنين ياوطن
نتعاص كمان عوصه
..........(اتفق معاك وخايف خوفك زاختلف فى رؤيتك)
ياحلم لولا كده ؟؟
طب مش كده راضيين
فتوحه بالمقدره
طول عمركم شاطرين
ياحلم صحصح لنا
الشعب لسه جعان
(وقفت معايا عروضيا))
ولا انت جاي عندنا
تشطب الدكان
(لك حرية الرأى و الايام بكره تقول)
ياحلم في المبتدا
خد من كلامي ورد
ولما تيجي العدا
تلقي طحالي يصد
""رائع )
إمنع كلام الدجل
أصل الكلام بيخض
..........
ياحلم زي فلوس
جايه لنا في المينا
حلمت بيها في يوم
معمره سينا
أتاري حلم الشيخ
يصرفها في الزينه
(عندك حق بتوع الوطنى كانوا بيصرفوها ع الن0000)
يفط نيون نورت
شعارات كتير سيطرت
علي كل تراسينا
يارب نطلب دعا
يهديه ويهدينا
.........."أممممممممممممممممممممممممممممممين)
ياحلم في المنتزه
جثه ورا جثه
مفيش ولا موعظه
من تلتميت حصه ؟؟
ملعون ابو المدرسه
ملعون ابو الناظر
إزاي حتحكم بلد
وبتاخد البزه ؟؟
(اللى بياخد البزه بتاع نعمين مش اللى اتبهدل سنين فى قولة لأ)
عدت سنه من سنه
ولا التقينا رجال
لميت جوافه وبلح
وحدفت في الغربال
نزل البذور والنقا
أكلته للوزه
..........
ياحلم يا عبقري
ليه الحمار بيجر
لما الميدان يتخنق
والدم فيه بيشر
صدر الصبايا انفتح
عدي الرصاص المر
وانت في قلب القفص
تمسح دموع الشر
ملعون ابو الافترا
خد من قلوبنا وصر
انتا قلبت ولا ايييه ههههه)
(بس فعلا لك تحيه للحياديه)
..........
ياحلم في المنتزه
كسر الرخام بيفوت
في الضهر ومركزه
تشبه سنان الحوت
كل اللي ماتوا هنا
الوش كان مبسوط
مظهرش فيه الالم
وانت اللي خايف موت
..........
ياحلم شفت القمر
سايل علي الحيطه
والشقيانين فرفشوا
ام رقعوا زغريطه
قالوا دا حزب الامل
حتي اسألوا تيتا
وكل شئ مكسور
حنرده في الزيطه
ونركب الحنطور
ويسوق ابو شريطه
نقسمها خلف خلاف
الراس مع الاكتاف
واللعبه مشروطه
البطن والمصران
نديها للأخوان
والرجل ويا الباط
نحدفها للاقباط
والكليه نسرقها
والاليا فرقها
وتبقي قسمة حلال
الكل اهو ... داقها
"تصفيق حاد )
استاذنا ان اختلفت معاك او اتفقت على ما ورد فى النص فانا فعلا استمتعت بنص جميل وشاعر قدير
تحاياى

أخى العزيز
عطية
أسجل مرورى و إعجابي بشعرك الجميل
أيها الرائع
دمت بود

التناول جميل
والننفس الشعري محسود عليه من أمثالنا قصار القامة والنفس والابداع
ولكن أرى أن هناك اختلافا ان شاء الله
وأنه المخاض الثورى الذي تسبب فيه المنتفعين من النظام السابق ..
ولا شك أننا لسنا ملائكة ولا نملك المفتاح السحري لأى مشكلة ولكن يكفي أننا نسعي إلي الحلول ..
أتكلم عن الجنس الانسانى لا عن فصيل ولا اتجاه أو توجه فكرى
ولكن الأمل موجود ان شاء الله
رغم غلو بعض المغالين وتشدد بعض المتشددين
لأننا في الاولى والاخيرة بشر
مودتى مع التقدير لقلمك الأصيل ابداعا
عاطف

ياحلم في المقبره
إفرد إيديك حتنول
بلدنا متضفره
داخله في بطن الغول
شبعنا م المسخره
والنعمه بكره تزول
..........
ياحلم في المدرسه
ماتعلم التلاميذ
أللمه تعمل وتد
تغلب جيوش جنكيز
والفرقه تقتل أسد
تركب كلاب ومعيز

عندك حق في كل اللي بتقوله وكلام جميل

يامخوفين البنات
وهما جوا الدار
من إمتي لنتخابات
تحكمها جنه ونار؟؟
يامولعين الفانوس
يامطببين الميزان
وحياة مقام النبي
عنيكوا ع الدكان
نزل رفوف الأمل
إنتوا الهلال والجمل

اتفق معك في هذا الكلام.بس لفئه واحده مش الاثنين..حدث ماتقول عليه..اما الهلال والجمل..اعتقد دا مستحيل..وبكره الايام تثبت دا
ياحلم في المندره
لولاك علينا نموت
حيرجعونا ورا
بالسيف وبالنبوت
ويشغلوا المعصره
ويركبوا الكبوت

لا لا ابدا مش هايحصل

الحلم في السلم
زي الرز في الكوسه
لو نمت جوه الفيلم
راحت عليك بوسه
دست الزرار نورت
واللعبه مدروسه
خمس سنين ياوطن
نتعاص كمان عوصه

كلنا خايفين زيك بالضبط ربنا يستر

ياحلم في المنتزه
جثه ورا جثه
مفيش ولا موعظه
من تلتميت حصه ؟؟
ملعون ابو المدرسه
ملعون ابو الناظر
إزاي حتحكم بلد
وبتاخد البزه ؟؟

اختلف معاك ف الكلام دا وان شاء الله الايام والافعال سوف تثبت غير ذلك

ياحلم شفت القمر
سايل علي الحيطه
والشقيانين فرفشوا
ام رقعوا زغريطه
قالوا دا حزب الامل
حتي اسألوا تيتا
وكل شئ مكسور
حنرده في الزيطه
ونركب الحنطور
ويسوق ابو شريطه
نقسمها خلف خلاف
الراس مع الاكتاف
واللعبه مشروطه
البطن والمصران
نديها للأخوان
والرجل ويا الباط
نحدفها للاقباط
والكليه نسرقها
والاليا فرقها
وتبقي قسمة حلال
الكل اهو ... داقها
هنا انا بدعي ربنا ان كلامك دا ميتحققش لانها هاتبقي كارثه...مجمل كلامي وردي اني لا انتمي الي اي جزب من الاحزاب ولكني مواطن مصري لي وجهة نظر..ربما اختلف معك واتفق في بعض النقاط.وكل منا يفسر الاحداث ويقرا مايدور برؤيته الشخصيه
اخيرا.....ابدعت ياهندسه والله في هذه الاحلام....وهذا ليس بغريب علي شاعر يمتلك كل الادوات وعنده في جعبته الكثير من الرؤي والتحاليل
شرفت بالمرور ...ودي وتقديري