مش هنخاف

مش هنخاف

اتعلمنا ..... و اتكلمنا
و مش هنخاف
جوعتونا .... و جيتوا علينا
و استكترتوا العيش الحاف
فسرقتونا ....... و نهبتونا
و قولتوا علينا
لذاذ ... و لطاف
يمكن كنا زمان بنخاف
اتعلمنا .... و اتكلمنا
و مش بنخاف

راح نحاسبكم .....
علي مكاسبكم
الاف ..... و الاف
راح نواجهكو ....
و أدي تاريخكو
للي م يدري ....
و اللي م شاف
فجأة كتيرتوا زي السوس
و احنا علينا الغلا بيدوس
جيبتوا منين
عمارات ..... و فلوس
و احنا جيوبنا
جالها جفاف

راح نسألكو
ف اللي عملتوا
و مش هنخاف
قولتوا كتير ...
و الفعل قليل
و فرشتولنا الأرض حرير
بكلام مبهم ... مش شفاف
صدقناكم ..... و خدعتونا
و شبعتوا انتوا ...
و جوعتونا
و استكترتوا العيش الحاف
احنا فهمنا ... و اتعلمنا
اتكلمنا و مش هنخاف

ده حتي كلامكو
ف حب بلدكو
جايز فيه
الشين و الكاف

ماهو ضاع صوتنا
لما سكتنا
و قولتوا علينا
اننا بنخاف
ظلم .... و دوقنا
و خلاص فوقنا
عرفنا حقوقنا .... و مش هنخاف
م احنا فهمنا .... و اتعلمنا
اتكلمنا ...... و مش هنخاف


أشرف البنا