كلمه الى المجلس

* كلمه للمجلس العسكرى/


ــــــــــــ،،،،،،،،،،،،،،،،،،،،،،،،،،،،،ـــــــــــــــ


إوعى يا مجلس يوم تتناسا ،


إن الشعب دا بيه القيمه ،


فاكر يومها جيتنا بتبكى ،


وجنابك مستور بهزيمه ،


قمنا ساعتها نشد فى إيدك ،


نمسح دمعك جوه وريدك،


عشنا الازمه بكل خشوع ،


ورفضنالك اى خضوع،


إرفع راسك شد ف ناسك ،


نهيدك من الارواح ملايين ،


توهنا فى جوعنا ودقنا المر،


ما أحنا زيك أصلنا حر ،


صرخة نصر كانت جوانا ،


وملائكة ربك سندانا ،


شدينا فى حيلك وعبرنا ،


شفناك ليلة الضلمه قمرنا ،


أنا مش باحكى لاجل ازلك ،


لو هتدور تلقانى خلك ،


لكن يوم ما ترد
جميل ،


صون العرض ما أنت اصيل ،


مش قاتل لشباب وتجور ،


خلى الطابق بقه مستور ،


أوعى يا مجلس يوم تتناسا ،


أن الشعب عظيم وجسور ،


ودمك يجرى ما بنا بحور ،


أصحى لنفسك بقه واتلم ،


فيك الاخ فيك
العم ،


فيك الخال فيك الصحبه ،


لسه مراعى صلة الدم ،


وأوعى يا مجلس يوم تتناسى،


إن الشعب د بيه الٌقيمه ،


وإستر عرضك يا ابو هزيمه ،

الأستاذ/ياسر الغايش
نرجوا من الله أن يسمع المجلس كلامك
ويفهم ما تقصده
نص جميل من قلم مبدع
تقبل مرورى وخالص تقديرى

اهانة المشير اهانة للمجلس العسكري
واهانة المجلس اهانة للجيش المصري
واهانة الجيش اهانة لكل الشعب المصري
حكم المخلوع قضي علي جيلين جيل كان شباب
فى اول حكمه واصبح كهل لا يقدر على شئ
وجيل ولد فى عهده واصبح فى طريقه الى الكهولة
والان نحتاج الى جيل اخر كي نعبر تلك الهزيمة
ياسر الغايش احييك على قلمك واختلف معك
واعذرك لانك من مواليد النكسة
فان كان هناك مهزوم فكلنا هذا الرجل
دمت بخير ودام الود

أخى ياسر
مرحبا بك و بقلمك فى بيتك و منتداك
قصيدة جميلة و لكن ختامها لم يعجبنى
فيه أسلوب المعايرة
أنا ضد ما يفعله المجلس و المماطلة فى تحقيق مطالب الشعب
و التهاون فى الحفاظ على الأمن و لكن أن نعايره بموضوع انتهى من 67
و أصبح الجيش هو المدان مع أن زعيم الجيش فى ذلك الوقت مازال يهلل و يطبل له
فكيف يقدس البعض عبد الناصر و هو المسئول الأول عن البلاد فى ذلك الوقت ثم نعاير الجيش على الهزيمة و هو يأتمر بأمره و أمر من ولاهم عبد الناصر
دمت بخير