من يوم ما عرفت الشعر

من يوم ما عرفت الشعر
وانا حالى معدشي يسُر

لا بقيت مظبوط ف الشغل
ولا نولت بشعري الدُر

وبقيت زي اللى اتعلق
لا بيطلع ولا يتزحلق

ورقصت كمان عالسلم
والناس بتشوفني تقُر
...
قال إيه فاكرنني .. بقيت
سلطان الشعر ف مصر

والشعر وقع بالبيت
واتصاغ ف حروف النسر

والعاطل ويا الباطل
بقا يكدب فيه ويماطل

وبيعمل فيها مناضل
وبيلبس توب العصر
...
بالعربي الناس مش فاهمه
والحس معادلوش لازمه

الناس مالهيه ف حالها
والشعر اتحط ف أزمه

ليه اتعنتر ولا اكدب
أنا شكلي هبطل اكتب

وارجع لمحلي ونفسي
وبناقص عود م الحزمه
...

طب ما تهجر الشعر حا نحلى بايه ؟؟؟

هههههههههههههههههههههههههههههه

ايه يا رضا حالة الاحباط دى ؟؟؟

لالالالالالالا .. خليك زى ما عرفناك واجه المصاعب بقلمك

واوعاك تيأس .. خليك على رأى فؤاد المهندس { عُتل }

مساء الفرفشه حبيبى .. روق كده دا انت كنت نجم يوم الندوه .

مودتى وتحيتى ...