ألف سلامة

موضوع: ألف سلامة الأحد مايو 11, 2008 10:39 am

مع ألف سلامة يا قائد

" رفاعي محمد رفاعي "

تعـــبت كــــتير من التفكـير عشان أكتب لقلب كبير
وكان نفسي أكــون شوقـي وكان نفسي أكون حافظ
وكان نفسي أكــــون بــيرم وأدعى لربي من قلبي
يجــــــمع كــــل دول فــيَّ وفوقهم نعمة التعبير
وخدت العـهد على نفســي وخدت العهد على شعري
وخدت العهد على قــلـــمي لقيته بحب قام يكتب
كـــلامه أحد م السكـــــــين كلامه آحد م السكين
سعـــــيد جدا لكـــني حزين كرهت العمر ف الستين
عشان كل ما صــاحب حــد يفارقني ف غمضة عين
ومين فينا مهوش فرحـــــان ومين فينا مهوش زعلان
عــــشان ح نودع الغـــــالي وح نودع معاه إنسان
يا عشرة عمر ع الغــــــالي يا بسمة وش بتلالي
يا قلب كـبير يساع الكـــــل بعدك ايه ح يجرالي
يا هيئة خسرتي من ناســـك عزيز كان نبض احساسك
(رفاعي) ف طبعه وف أدبه نادر تلقيه ما بين ناسك
ف قــــلب الكل له صــــورة على دقاته محفورة
بتـــــشهد إنــه كــان قبطـــان ف رحلة كلها خــطورة
ولحــــــظة لما يهجــــــــرنا ونشعر انه ح يسيبنا
بنصـــرخ ياما أو بنثــــــــور ولكن سنه يغلبنا
يا سن الســــــن ليه تكــــــبر دا لسه المسك والعنبر
على عودة على ريحــــــــته وشوف واتملى م المنظر
أمامك نــــــور جـــميل ضيّة وفكر كبير مفيش زيه
ولكـــن قــــــوة القــــــــوانين بتبعد يا ما ناس زيه
فراقك صــــــدمة لاحــبابـــك وأنا واحــــــد من أحـــبابك
ولكن هي دي الــدنيــــــــــــا بكيفها تخط ف كتابك
سعـــيد جداً لكني حــــــــزين كرهت العمر ف الستين
عشان كل ما صاحب حـــــد يفارقني ف غمضة عين

أدعو الله عز وجل بدوام الصحة والستر

إلى الأب والإنسان الفاضل / رفاعي محمد رفاعي رئيس قسم الأوفست
الشاعر / أمين عثمان
عضو اتحاد الكتاب
5/8/2007

القدوة والمثل

" رفاعي محمد رفاعي "

مالقتــش كــــــلام يتـقـــــال لاف غــنوة ولا مــــــوال
علشان أهديه لرفاعي
كــــــل ما قال العــــــشـاق ف الحــــب وف الأشواق
أصغر من قلب رفاعي
شوف ف الأحــباب كــام واحــد مقدرش يعيش يوم واحد
من غير ما يكون له حبيب
حتى ان غاب يوم عن عيني في ود مــــــا بينـــــه وبيــــني
ولا يمكن لحظة يغيب
رمــــــز فــــــــوق العــــــادة ف الحب والأخلاق
إنسان وأدبــــــــــه شهــــــادة محفورة ف الأوراق
الهـــــــيئة كــــــــات مدرسته واتخرج الأستاذ
فاقــــــت كـــــتير موهــــبـته ناس قبله كات أفذاذ
جمع قــــــــلوب الكــــــــــــل حبيب ومش حبيب
مهو أصلــــــه لما يهـــــــــــل تلقاله سحر عجيب
وان قــــلنا عـــــــنه كـــــــتير مش ح تخلص الأشعار
بالفعــــــل قــــــلب كــــــــبير والعشق له أسرار
الآلــــــــــة عـــــــــنه تقــــول كـــان عاشق الأحـبار
اللــــمســـــة منه ف لــــــون دي تجنن الأفكار
رفـــــــاعي ابن رفــــــــاعي ف القلب قبل العين
اسمـــــه ح يفضــــــــل باقي ذكري لأحلى سنين
اسطـــــورة لأ دا حــــــقيقـــة ولا ألف ليلة وليلة
مشـــــــوار حـــــياته قصــيدة كل سطورها جميلة
تكــــــــريمـــــه ديــن وإحـــنا واجب نرد الدين
دا يا مـــــــــا فــــرحـــــــــــنا أبو قلب كله حنين

أدعو الله عز وجل بدوام الصحة والستر

إلى الأب والانسان الفاضل / رفاعي محمد رفاعي رئيس قسم الأوفست
الشاعر / أمين عثمان
عضو اتحاد الكتاب
5/8/2007

موضوع: رد: ألف سلامة الخميس مايو 28, 2009 5:05 am

أخى أمين
سيظل الشعر شعرا مهما مرت عليه الأيام
و قصيدتك الزجلية هى من شعر المناسبات
و التى تنتهى بالنسبة للقارىء بعد مناسبتها
و لكنها قد تكون ذات معزة خاصة للكاتب و من كتبت له
مودتى لكما
أخوك

موضوع: رد: ألف سلامة الخميس مايو 28, 2009 5:46 am

أمين عثمان
زجلك رائع
و بستمتع به جدا
لنك بتلقط لقطة بسيطه و تمتعنا بها

Sad

» ألف سلامة
» من اشعار على سلامة
» ألف سلامة على صدفة
» الواد سلامة
» أحمد السراج / ألف سلامة