لون علمك يا مصر

جميل ما كتبت
دمت بخير
دام الابداع
تقبل مروري

رائع ما كتبت سيدى الفاضل واسمح لى ان اهديك قصيدة كنت قد كتبتها فى هذا المعنى تقول

لون البياض فى العلم
خرطت عليه الوان
الاسود اما ظلم
و الاحمر اما اتهان

و النسر طار م الخوف
لاعن ابوها ظروف
غمض وبطل شوف
صعبان عليه لانسان

الضرب كان تهويش
صوت بس دم مفيش
وبدال ما كان تلطيش
بقى كله فى المليان

النسر طار مفزوع
هاجر ما ناوى رجوع
مش من طبيعته خضوع
ولا ينفعوش سجان

النسر كان مجروح
سمع اليمام بينوح
وبدال حلاوة الروح
معرفش يبقى جبان

النسر ده كان جدع
الا ان قلبه انخلع
شاف ناس بتنزف وجع
لجل النهار ما يبان

النسر مخه تخين
قرر يعود للطين
قرر يكون زيهم
قرر يكون انسان

دمت بكل ود اخى الشاعر

الشاعر الكبير
أحمد عبد العزيز
تحية طيبة
طبعا قصيدة رائعة
من شاعر محترف
تلين له الكلمات
وألف شكر للهدية
ولمرورك الكريم

أطيب التمنيات

[quote]

لون علمك يابلادى
أحمر بلون الدم
ولادك وإخواتى
الل ياما شالوا الهم
لون علمك يابلادى
أبيض بلون الكفن
مليان أو فاضى
مسيره يوم يندفن
لون علمك يابلادى
أسود لون الحداد
ماالحزن بقى عادى
مفروض ع العباد

الشاعر الدكتور / مراد سليمان

كنا نفخر بالعلم ولكنك أصبت فى تحليلك لألوانه

فهذا ما نشعر به تجاهه الأن . الصبر جميل

دمت مبدعاً

وداد الهـــــــوارى

هكذا صار العلم وصرنا



تحيتي لك