الأسامى أسرار محيرانى

مخلوق غريب ومريب
طلع لنا شيطانى
قال إيه.! إسمه حبيب
والعادلى مضيقانى
قتل وسرقة وتهليب
ناقصله إيه تانى

والشريف عندنا آفاق
أستاذ نفاق وعدوانى
حياته دهاليزوأنفاق
ياريت يغوروينسانى
مش عايز وراه أنساق
ويفلت أدبى ولسانى

وأبو طويلة نظيف
قالوا إسم على مسمى
أهو طلع؟ مش لطيف
وعايزثانى يتسمى
نجيب مسحوق تنضيف
نليفه ويستحمى

وطبلجي عماه العز
عنده أنيميا الحديد
أخد على أكل الوز
طلعله لسان جديد
قعد يرقصه ويهز
ولبسلنا بدلة حديد
سبحان المعزالمذل
أهو راح لأبوحديد

وشهبندر التجار
رشيد إبن رشيد
يافرحة أهل الدار
بهارون الرشيد
أهو طلع زيهم
حرامى غتيت
مهما كان عندهم
هل من مزيد

والشيخ... والفقى
الل إختشوا ماتوا أكيد
لازم فيهم نتقى
ونشوف إسم جديد

وجرانة وسجوانى
لازم وشئ أكيد
يتعقبوا ع الأسامى
بعشر سنين ويزيد
..........

وعطوف ملة العبيد
عبد عند البيه
واللى للمال عبيد
البلاهة ساحت عليه
ضيع القطاع العام
لما حلى ف عينيه
ومع الجنيه عام
وغرقه ف إيديه

و أبوبمخ تخين
محيى أى دين ؟؟؟
الله يرحم غباه
قعد منفوخ وبقفاه
قال حابيع مصركلها
أتارى مامته مفهماه
إن مصرهى ورثها
مين يلوم عليه

والفقرى ليه نغليه
مليون دولار
من قوتنا لعينيه
كان مخه أولى
وإترحمنا من إيديه
لوكان ده غالى
الرخيص نشتريه

وكوبرى الفساد
سي السيد قراره
القانون يمربثغرات
وهواللى يغطى عليه
مسرورالغم ومراره
موافقة ورافع إيديه

وقال سامح فهمى
أسامحه على إيه
ضيع بترول وغاز
وبينفض إيديه
بنزين وبوتاجاز
والبركة فيه
..............

وده إسمه المغربى
زى الموزأبونقطة
طلع رفاعى مغربى
وجاب لنا نقطة
وزير بدبلوم وضايع
وقالواعليه لقطة

وحوستها الجبلاوى
دخل طب بالواسطة
خنازير وطيور
وبلاوي
وزيرالسقطة واللقطة
هيف معاه م البلاء
الفول بالخلطة

ومتولى ووالى
على الخارطة
خلونا نلالى
واحد عينوه خولى
سممها وسرطنها
والثانى باعها
لكل نصاب فرطة

وتشكيلى منظرة
سمسار آثار
يبيع لوحة مسخرة
عليها تمثال هدية
بمليون دولار
لاتشكيلى ولاأشكيلك
ده هم علينا ودار

ورئيس ديوان
اللف والدوران
عزمنى وأفتالى
إن الفساد نوعان
للركب وفوقها كمان
ياسلام لم ياجدعان
أبوالفساد إتكلم
وبقى بغبغان

واللى نحسنا
ونحس البلد كله
إسمه مبارك
وكان نفسه
يورثها للولد
عشان أحفادنا
برضه تتبارك
يا حستى
إنت سبب بلاوين
وشيوخ المنصر
وول صبينك
كان نهارإسود
يوم السادات
ماعمى وإختارك

أنت شاعر واعد اختياراتك جيده وصورك معقوله

شويه تعب في الوزن حتبقي شاعر مشكله

تحياتي

موضوع: شكر وتعقيب الأحد يناير 22, 2012 8:40 pm

أستاذنا الكبير
عطية شواش شكرا لك
كلماتك الراقية والمشجعة

بس فيه غلطة مع الإستعجال
معرفش حصلت إزاى
ونفسى أصلحها
وول صبينك
هى (دول صبيانك)
وأيضا بلاوين
هى(بلاوينا)
أعمل إيه دلوقت؟؟؟
عشان أصلح غلطتى

هات وزه وانا اصلحهالك

هههههههههههههه

من رأي ما تصلحش حاجه هيَّكدا حلوه

لان الاستاذ عطيه

مش ح يصلحها الا اذا اخذ وزتين ودكر بط سوداني

الشاعر الكبير
ماهر حامد
شكرا لمرورك
والله إنتم تستاهلوا
أكثر من كده بكتير
يكفى هذا المجهود الجبار
لهذا المنتدى العظيم
غزير الأنتاج قوى الأبداع
حقيقى مشرف جدا
تحية لكل أعضاءه
وتقدير لكل مشرفيه

اخى الحبيب دكتور

مراد سليمان

لو حا سبناهم على اساميهم ياخدوا اعدام ..

وسبحان الله العادلى ما يعرفش الرحمه والشريف طلع حرامى

والنظيف طلع قذر والعز افقرنا وسرور احزننا .

زجل جميل والله ولاينقصه إلا الاهتمام بالوزن ..

مودتى وتحيتى ...

أستاذنا العظيم
عادل عوض سند

أشكر لك مرورك وتقديرك
لكلماتى المتواضعة
أنا لم أكن أحاسبهم
ولكنى أتعجب للتناقض الواضح
بين أسماءهم وأفعالهم
اللعنة عليهم جميعا
وعلى كل من ساهم
فى الإضرار بالشعب المصرى

مراد الرائع
لا فض فوك
جميل هذا النبض
تقبل ودى و تقديري

أستاذنا الكبير
عاطف الجندى
أغلى تحية
وشكر وتقدير
لتشجيعكم لى
بارك الله لكم
مع أطيب التمنيات
بدوام التوفيق

» أسرار آية الكرسي
» القلوب أسرار
» من أسرار لغتنا الجميلة
» توضيح بشان أسرار أو جلنار
» 7 أسرار ليصل عمرك لمائة سنة