خلاص نسيت

إتحملت كتيرمعاك
وقاسيت عشان أنساك
قولى ليه أرجع لحبك
ولاليه أرضى بآساك

كنت بتتسلى بهواك
لما يزيد الشوق معاك
وتحتاج لحضن دافى
ترجع للى هواك

دلوقت بأقولها لك
لو طيفى مر بخيالك
إعتبرها غلطة منه
ومتحطهاش ف بالك

إنسانى زى مانسيتك
وإرجع ثانى لدنيتك
إسهرعد الليالي
وأحصد ثمارأنانيتك

لوقربت صدفة منك
ماتمدش إيديك
إعمل مش شايفنى
دارى عنى عينيك

مش عايزأحن ليك
وأرجع ثانى أشتريك
وقلبى يفتكرنى
سايبه لعبة بين إيديك

دورعلى رفيق لدربك
لسه ما جربش حبك
وكل مايقرب
تبعده إنت و قلبك

لحد ما تلف حواليك
ماتلاقيش غيرأمانيك
وحطام دنيا جميلة
هدتها إنت بإيديك

وتكمل حياتك وحدك
إنت وإنت ف مرايتك
تكلمها عن أيامى
وخليها ترد عليك

أنا مش بأعاتبك
عشان عشقتك
ولانادم على عشرتك
أنا صعب علية
أنى ما قدرش
أصلح دنيتك

الشاعر الكبير
إبن قنود

شكرا لكلماتك الرقيقة
ولمرورك الكريم
تشرفت بك كثيرا
مع خالص مودتى