قصائد قصيره

اوعاك تيأس

اوعى تخاف من بكره وبعده
اوعى الظالم مره تساعده
اوعاك تيأس كن متفائل
جاهد لجل حقوقك...ناضل
خليك دايما كده على طول
أحسن بكره اليأس حيكبر
يصبح فينا زى الغول
ياكل يا ابنى فى كل حياتك
يملا الدنيا أنين قدامك
يقضى كمان على كل أحلامك

حبى ليكى

حبى ليكى شىء ضرورى
لوأرادتى فى يوم تثورى
أرفضيه لوتقدرى
وإنسى إسمى ومنظرى
إنسى صمتى وإنفعالى
ولما تتزنقى تعالى
وإبحثى وسط الزحام
عن طفل عمره الف عام
طفل مل من الكلام
طفل مل من السكوت
وف نهاية قصته
ما أقبلشى يدخل فى التابوت

حدوته كبيره

وبحبك حدوته
كبيره ومش منسيه
وعلى إيدك بتعلم
معنى الحريه
بتعلم أفكار بنايا
وببعتلك بمشاعرى حكايه
بتمنى من قلبى
تقريها معايا
وتحسى بالحب
الكامن جوايا

شكرا للشاعر الكبير الأستاذ/عادل على المرور الذى
أثلج صدرى