قصيدة عامية - بقلم الشاعر أسامة سند

تحت الحصار

والطيارات غطت على الشمس

العبيد

واقفين ف ريح النخاسين

والدّلالات

زى الناموس ف الأرض

وتراب الوطن

أحمر

بلون رائد فضاء

نازل من المريخ

وانا

بكل طيبتى الممكنه

ببص للدجال

وعينه العورا بصّالى بتحدى

بيمحى أسمى

من كشوف المؤمنين
.........................


بالإنصياع

وكسرة النفس البتول

الفكره حيّه

والخيال ميّت

وصلت

لحد اخر مرحله ف حب الجسد

والبنت نبض الجنّه

وحبال من مسد

خليكى شئ مش مستحب

خليكى رمز لكسرة القالب

وعمر

كل اما يطوّل يمشى بالسالب

وعيت ف المسرحيه

المأساويه

ان العروسه بتكره الإشبينه

والإشبينه

متحبش فساتين الزفاف

لإنها

بتحيى الآم العنوسه ف جسمها

الخوف وطن

والجوع بيهتك قعدة السامر

وانا

بكل حتّه ف جسمى مش متكفّنه

بحبك

اوعى تقولى لأ

انتى وانا

قبل اما نخلق ربنا

حبينا بعض

وكنا بنحب الحياه

الأقنعه

ميراث قديم

وتبريرات للعنعنه

أبويا زنجى وأمى زنجيه

ومصير كل الزنوج

ف أدين شيطانك

لكن مصيرى ف قلب غجريّه

اسمعى

سؤال قديم .. جديد اوى

ليه الوطن

تحت الحصار ؟

كلام جميل ...و لكن جملة ( قبل اما نخلق ربنا ) ليس لها داعي فنّي بالإضافة

لمخالفتها الشرعية ...و أنا لا أحب أن يتهمك أحد بالخروج من الملة بسبب الشعر

و الخوف من الله يجب أن يحركنا ...فإن الله أهم من الفن و أهم من كل شئ في

الوجود...أليس كذلك ؟!

و لأضرب لك مثالا من شعر نزار قباني - للأسف مش فاكره بالضبط - :

بس هو بيقول :

إن كلامه في الشعر يفوق كلام الله في التوراة ...!!

و شاعر يقول :

ما شئت لا ماشاءت الأقدار ....احكم فأنت الواحد القهار ( و كان يمدح أحد الخلفاء)...انظر و فكر

فكرتك جميلة فعلا و قصيدتك رائعة

نفسك طويل و استرسالك جيد جدا ...و لكن احترس...إن رضا الله عنك خير من مليون ديوان من الشعر و جائزة نوبل في الأدب

عاطف

تحيتى و تقديري
للشعر الجميل أستاذ اسامة
الله الله

الاخ العزيز اسامه سند
اتفق مع الاخوه فيما قالوا
فالجمله مستفزه وجازحه ولا داعى لهازغم يقينى انك لم تقصد سوء
الزجاء تعديل ما يلزم
وفقكم الله لما يحبه ويزضاه

اتقي الله الذي خلقك من عدم
سبحانه أول بلا ابتداء وأخر بلا انتهاء منزه عن كل الأشياء
واذا ذكرت اسم الله سبحانه وتعالى فلتذكره بكل خشوع وخضوع ومذله
ولفظ الجلاله الله له كل الاحترام فاذا ما وضع فى بيت من الشعر ازانه واناره
وله كل احترام
فلا تتلاعب بلفظ الجلاله فى عنوان القصيده لجذب الانتباه اليك
فالشاعر الحق يحترم نفسه ويحترم الاخر في شعره ولو اختلف معه
فما بالك من اله الكون جل وعلا
استغفر ربك وتب اليه وان كنت مسلما فجدد اسلامك وانطق الشهاده
مع العلم بأني أعلم نيتك فى هذا البيت الذي أثار الضجه
ولكن لله عز وجل كل التقدير والاحترام فليس كمثله شىء وهوا العلي العظيم

عادل عوض سند كتب:

استخدام الكلمه التى تحتمل التأويل

وتحمل اكثر من معنى . وخاصة ما يخص الذات العليّا .

مع ثقتى ان لديك اكثر من تبرير . ولكن انت كتبتها وتقصد اثارة

تساؤل حتى تجيب وتستفيض بالرد المسبق لديك . ثم تستعرض بإيجاد

مبرر بإستخدامك لتلك الكلمه . رغم علمى بإنك تستطيع تغييرها بسهوله

ولكن ..... لإثارة الجدل .. اقحمتها فى نص كان سيبقى الاروع لولا تلك الكلمه .

يا اسامه .. الفرق بين العقل والجنون شعره وبين الحرية والقيد شعره

وبين الإيمان والكفر شعره . فلا تتلاعب حتى حتى لاتُقطع ..

مودتى وتحيتى ..

استاذ عادل : المره دى بقى انا مش هشرح دوافع كتابة الشطره .. المره دى هقول لكل الناس جمله واحده .. مش مسموح لأى حد المزايده عليا فى دينى .. ده خط احمر والكلام عنه مرفوض .. وعلى فكره .. انا مش بكتب نصوص شعر عشان اعرضها ف المنتدى هنا بس .. والا ابقى بحكم على نفسى بالفشل

ماهر حامد كتب:

أولا فاليسمح لي جميع الأخوة
أن اجدد أسلامي وأقول

أشهد ان لا إله إلا الله وأشهد ان محمد رسول الله صلى الله عليك وسلم

هو الاول وليس قبله شيىء
والاخر وليس بعدة شيىء

وهو الخالق قبل أن يخلق الوجود


بعيد عن أي شيىء

أنا

احب الشعر وليس الشعر بالنسبة لي مجرد صراع لغوي
أو فوازير أو الغاز تقال
وأنما أعشق البساطة
الشعر رساله يا جماعة

الشعر

انك تحس بالفقير
تحس بالجوع
تحس بأحساس الناس البسيطة



بس خلاص

تقبل الله منك .. شكرا

رضا عثمان كتب:

اتقي الله الذي خلقك من عدم
سبحانه أول بلا ابتداء وأخر بلا انتهاء منزه عن كل الأشياء
واذا ذكرت اسم الله سبحانه وتعالى فلتذكره بكل خشوع وخضوع ومذله
ولفظ الجلاله الله له كل الاحترام فاذا ما وضع فى بيت من الشعر ازانه واناره
وله كل احترام
فلا تتلاعب بلفظ الجلاله فى عنوان القصيده لجذب الانتباه اليك
فالشاعر الحق يحترم نفسه ويحترم الاخر في شعره ولو اختلف معه
فما بالك من اله الكون جل وعلا
استغفر ربك وتب اليه وان كنت مسلما فجدد اسلامك وانطق الشهاده
مع العلم بأني أعلم نيتك فى هذا البيت الذي أثار الضجه
ولكن لله عز وجل كل التقدير والاحترام فليس كمثله شىء وهوا العلي العظيم

استاذ رضا : انا حزنت كثيرا واصابتنى خيبة امل للهجوم الغير محترس عليا.. انا لم اذكر لفظ الجلاله فى جمله مسيئه ولن افعل ما دمت على قيد الحياه .. ومش مستنى حد يطلب منى تجديد اسلامى وتجديد شهادتى .. انا لو زى ما تم وصفى وتشنيعى كان زمانى اتداريت منكوا ف الحيط .. ولكن نظرا لما يحدث فأنا لازم التقى بيكم ف الندوه الجايه عشان نتعرف على بعض على الأقل كلنا .. انا مش متعمد اثارة الجدل .. لكنى متعمد اهانة المتسلطين والغوغائيين فى المجتمع .. كان لينا رب ديكتاتور وعزلناه وبقى عندنا رب جديد لابس كاكى وبرضه ديكتاتور .. وانا و اى حد مش هنرضى بالوضع ده