حلاوة روح !!!

[center]كله عايش فيها مجروح
شوارع حياتنا ضلمة
العتمة قاسية وظالمة
نفوسنا هايمة وحالمة

ومين فينا قادر يبوح
مين فينا لساه انسان
مين فينا حاسس بأمان
مين فينا هينجى من الطوفان

بعد ما رحلت سفينة نوح

أحلامنا بتصغر وبتصغر
وقلوبنا بتقسى وتتكبر
وبنحرق الزرع الاخضر
وزي ما بنيجي زي ما بنروح

الأسية بقت مليالنا
والخيانة بقت كسيانا
والنسمة بتجرح فى هوانا
ومش باقي منا غير حلاوة روح

الأخت الفاضلة سارة
مرحبا بك فى بيتك و منتداك
و أهلا بنبضك الجميل
لديك موهبة و مشاعر دافئة وجدتها هنا
تنقصها بعض الموسيقى الشعرية لتصبح شعرا جميلا
هى خطوة نرحب بها و فى انتظار خطوات أجمل
دمت بخير
و أهلا بك

حلاوة الروح فيك انتي اختي

جميلة اختي