وبحلم ليـــــــــــــــــه؟!

أنا المدبوحه والمجروحه والهاينه
أنا اللى الآه من الناس بس مسموعه ومن قلبى الحزين باينه
وأصرخ جهد ما أصرخ يبصولى
كأن مفيش بشر واقف بيتألم
وأصرخ تانى مش قادره انا اتكلم
يبصولى
ياعينى فى عيونهم صولى أو جولى
وردى عليا يمكن تسمعى كلامهم تقوليهولى
بيحتقروا الهوا فى جوفى
وينبسطوا من النزف اللى فى كسوفى
ويا خوفى
يكون العكس هو أصح..حبّونى
ويزعلوا أو يخاصمونى
واخبّط كفى على كفى ينام الحزن فى كفوفى
ويا خوفى
يكون عقلى من التفكير صبح شاتت
يكون الحلم مش ثابت
واكون ضايعه فى بحر اليأس فى عيونهم
لا بعرف أعوم ولا اعرف حرف فى حروفى
وياخوفى من الأيام دى وياخوفى
يكون عمرى بدأ ينزف سنين عمره
لا لاقى طبيب ولا داق الأمان عمره
وبحلم ليه وانا حاسه بإن الموت على رموشى
يطيّر رمش من رمشى
يطبطب بيه على عيونى وقوام يمشى
ويرجع تانى من بدرى يطيّر رمش من رمشى
وانا لسه فى بحر الحلم غرقانه
وعن دنيايا عميانه
هغمض عينى مش باصه دا قدرى وربى كاتبولى
لا انا متابعه فى عينهم ضى ولا عتمة ولو حتى يبصولى

الأستاذة أميرة

هكذا يفعل المدبوح

فكرتيني بقصيدة كتبها

بعنوان

انا المجروح

حنزلها قريبا ان شاء الله

تسجيل قراءة واعجاب

لكي لغتك الخاصة

وشعرك الخاص

وألمك الخاص

ورومانسيتك الخاصة

شعرك فيه حاجة غريبة

وألمك له طعم تاني

وجرحك مش زي اي جرح

وشعرك مش زي اى شعر

لكي تركيبتك الشعرية الخاصة المميزة

التي تدل على قدرة وتمكن من أدواتك الشعرية

أنتي فنانة حقيقية فاستمري فى الكتابة

فلديك المزيد لتمتعينا به

تقبلي مروري واعجابي

الاخت الشاعرة المتألقة اميرة
هكذا يكون الشعر وهكذا يكون الابداع
كلمات رائعة من شاعرة متمكنة
أبدعت ياأختى اميرة
ادام الله عليك ابداعك وبارك فيك
Very Happy

حتوجعي قلبنا تاني ؟؟؟

ماشي يا اميره اوجعي

تثبت بواسطتي

جميلة اوى يااميرة
ومأثرة جدا
بجد اثرت فيا اوى لابعد الحدود
تسلمى

وليه الحزن ايامك ياقمره وانت لساكى ف عمر الطير
بلاش الهم يهواكى وعيشيها بكل حب وخير

اميرتنا الجميله
ذات المشاعر الشجية المؤثرة فى النفوس

احسنتى غاليتى ودام ابداعك ويارب ايامك تكون هنا وسعاده وتفائل

مودتى وحبى

وياخوفى من الأيام دى وياخوفى
يكون عمرى بدأ ينزف سنين عمره
لا لاقى طبيب ولا داق الأمان عمره
وبحلم ليه وانا حاسه بإن الموت على رموشى
يطيّر رمش من رمشى
يطبطب بيه على عيونى وقوام يمشى
ويرجع تانى من بدرى يطيّر رمش من رمشى
وانا لسه فى بحر الحلم غرقانه

المؤمنون فقط هم الذين يتذكرون الموت ولكنهم أيضاً يحلمون

ويآملون الخير من الله وانتم الشباب والأمل والحلم للأفضل والأجمل

أميرة أوعى تبطلى تحلمى .

( لوبطَّلنا نحلم نموت ) أنتى ماسمعتيش الأغنية دى

تقبلى منى أحلى الأمنيات

دمتِ مبدعة وبخير

وداد الهـــــــــــــوارى

كلمات جميله يا اميره بالرغم مما فيها من حزن وألم
تحياتى لكى

ماهر حامد كتب:: الأستاذة أميرة

هكذا يفعل المدبوح

فكرتيني بقصيدة كتبها

بعنوان

انا المجروح

حنزلها قريبا ان شاء الله

تسجيل قراءة واعجاب

أستاذى
فى انتظار قصيدتك الرائعة بلا شك
مرور شرفنى وأسعدنى
بارك الله فيك

أحمد رجب معيط كتب:: لكي لغتك الخاصة

وشعرك الخاص

وألمك الخاص

ورومانسيتك الخاصة

شعرك فيه حاجة غريبة

وألمك له طعم تاني

وجرحك مش زي اي جرح

وشعرك مش زي اى شعر

لكي تركيبتك الشعرية الخاصة المميزة

التي تدل على قدرة وتمكن من أدواتك الشعرية

أنتي فنانة حقيقية فاستمري فى الكتابة

فلديك المزيد لتمتعينا به

تقبلي مروري واعجابي

مرور أبهرنى
وتعليق زاد من سعادتى
واعجاب تشرفت به
جزاك الله خيرا

مشاعر جميله وبوح صادق

احييك عليه

لمــــاذا كل هذا يا أميره
حتى اسمك الرمزي محير
احساس رائع من قلب أظنه يتألم .... إن لم يكن فهو ابداع رائع

يعنى يا اميره لما انتى تقولى كده

احنا نقول ايه ؟؟؟

والله اوجعتنى حروفك .. ولكنى سعيد بنصك ومحتواه الجميل .

واحييكى على الانتقاء الرائع لمفرداتك الخاصه .

تحيتى ايتها الشاعره الجميله ...

نص ررائع ومفرده قويه موظفه بحرفيه
استاذه اميره
تحاياى لكم وللحرف الجميل

حسن الجمال. كتب:: الاخت الشاعرة المتألقة اميرة
هكذا يكون الشعر وهكذا يكون الابداع
كلمات رائعة من شاعرة متمكنة
أبدعت ياأختى اميرة
ادام الله عليك ابداعك وبارك فيك

مرور معطر بحلو الكلام
أدام الله تواصلكم
بارك الله فيك

م/عطية شواش كتب:: حتوجعي قلبنا تاني ؟؟؟

ماشي يا اميره اوجعي

تثبت بواسطتي

وجع القلوب أول خطوات احساسها بطعم الفرح
جزيل شكرى أستاذى الفاضل على التثبيت
جزاك الله خيرا

سارة سعيد كتب:: جميلة اوى يااميرة
ومأثرة جدا
بجد اثرت فيا اوى لابعد الحدود
تسلمى

شرفنى مرورك جدا يا ساره
ربنا يكرمك

بسمة الورد كتب:: وليه الحزن ايامك ياقمره وانت لساكى ف عمر الطير
بلاش الهم يهواكى وعيشيها بكل حب وخير

اميرتنا الجميله
ذات المشاعر الشجية المؤثرة فى النفوس

احسنتى غاليتى ودام ابداعك ويارب ايامك تكون هنا وسعاده وتفائل

مودتى وحبى

دائما يروقنى حضورك
وتعجبنى كلماتك التى ألمسها
فأشعر بك قريبه
بارك الله فيك

وآه يانى
وجعت القلب من تانى
اتوجع بوضوح
ليه يا اميرة الامرا بيوجع صوت نغم شعرك
فؤاد موجوع
اقولك ايه
يسامحك ربنا ويغفر
ويمسح دمعك السايل على خدودك
ويرحم قلبي المدبوح
انا اللى قلت حاتنيل واخد الصمت من كومى
بترجم كلمة من قلب لقيت روحي
بضم البوح

وداد الهوارى كتب:: وياخوفى من الأيام دى وياخوفى
يكون عمرى بدأ ينزف سنين عمره
لا لاقى طبيب ولا داق الأمان عمره
وبحلم ليه وانا حاسه بإن الموت على رموشى
يطيّر رمش من رمشى
يطبطب بيه على عيونى وقوام يمشى
ويرجع تانى من بدرى يطيّر رمش من رمشى
وانا لسه فى بحر الحلم غرقانه

المؤمنون فقط هم الذين يتذكرون الموت ولكنهم أيضاً يحلمون

ويآملون الخير من الله وانتم الشباب والأمل والحلم للأفضل والأجمل

أميرة أوعى تبطلى تحلمى .

( لوبطَّلنا نحلم نموت ) أنتى ماسمعتيش الأغنية دى

تقبلى منى أحلى الأمنيات

دمتِ مبدعة وبخير

وداد الهـــــــــــــوارى

لأ طبعا سمعتها
وان شاء الله مش هبطل أحلم
الا بحاجه واحده
انى اشوفك دايما
شرفتينى

» وبحلم ... بيكى
» وبحلم لك تعود شمسك