(المصري حر) قبل الثورة ب52 يوم

يوم الجمعة 3\12\2010

(‎المصري حر)
مهما تكتمو صوتي
مهما تعلنو موتي
مهما تمنعو قوتي
لو حتي هاكل تراب
لو حتي هعيش فعذاب
انا مصري والمصري حر
لو هتوكلني حنظل وتشربوني المر
انا مصري والمصري حر
لو خليتو ثمني رخيص
وعيشتوني بدون قميص
وغفيركم بات مني حريص
لو قفلتم ف وشي كل باب
وشطبتو اسمي من الكتاب
وشربتوني كاس المر
انا مصري والمصري حر
لو طلمتو دنيتي
لو رفضتو حجتي
لو ضعفتو قوتي
لو غربتوني جوه بيتي
وبأديكم وسختو صيتي
لو شربتوني كاس المر
انا مصري والمصري حر
لو نيمتوني عالرصيف
وخلتوني انسان ضعيف
لا انطق الا كلامكم
لا اعمل الا عمالكم
لا ارفع الا علمكم
لا القي الا سلامكم
اهتف بيكم وليكم
ومنكم فيكم
اللي تختاروه مختار
واللي ترفضوه طار
تسجنوه تضربوه تعدموه
والتهمه عاصي رفض القرار
رفض يعيش فالظلام وياما اقسمتو انه نور
يبقي ليه نرضي بنظام ارضه بور
انا
رافض كلامكم
رافض قراركم
رافض نظامكم
رافض حياتكم
بس اللي هرضا بيه إني أآخد ثأري منكم
ولو شربتوني المر
انا مصري والمصري حر
غربتو ليه ابويا
سجنتو ليه اخويا
قلعتو اختي النقاب
عيشتونا فعذاب
مفيش انبيب غاز
ولا بنزين ولا جاز
ولا حد يئلف كتاب
عايز عيش هناك التبور
مستعجل يالا غور
ولا اقف زي الكلاب
انا مصري كلي حب
وعمري مكنت كلب
موظف بميتن جنيه
ثمن جزمة راجل بيه
فاتورة الميه بميه
فاتورة الكهربه مكهربه
وفصلنالك التيلفون
مش عاجبك ولا إيه
اسف رافض يابيه
لو شربتوني المر
انا مصري والمصري حر
عايز تاكل لحمه
العيد الكبير هايجيك
لوتسمع قناة الرحمه
هنقدر نغمض عنيك
احلق لحيتك واخفض صوت الأذان
إكتم كلمتك ، متبعيش في الدكان
مش لاقي تاكل خلاص جرب تبات جعان
وبيتك دا مش بيتك
وادي الإدله كمان
هو انا مش منكم
ولا دمي دا دمكم
ولا انا مش انسان
انا عمري مابات جعان
لو شربتوني المر
انا مصري والمصري حر
كام سجين مظلوم
وكام برئ متهوم
والله لييجي يوم
نشرب من نهر النيل
ونخلي نهاركم ليل
المصري لو مرض عمره يوم مايموت
مش شاهد مشفش حاجة ولا عمره كان سفروت
لو شربتوه المر
دا مصري والمصري حر
diaa

drunken

احسنت ياضيا ........ يمكن عشان الكلام ده قامت الثوره

بالمناسبه عايزين كلام زي ده تاني .... يمكن

تحياتي

الابن الشاعر

ضياء الادريسى

الموضوع كويس ولكنك اقحمت كلمات للقافيه فقط

فأضعفت النص . الاهتمام بطريقة الطرح مهمه جدا وكذلك الوزن .

ننتظر نص اجمل وانت قادر على هذا .

مودتى وتحيتى ..

م/عطية شواش كتب:: احسنت ياضيا ........ يمكن عشان الكلام ده قامت الثوره

بالمناسبه عايزين كلام زي ده تاني .... يمكن

تحياتي

اشكرك م . عطية

لكن ولا نصي ولا اي نص
الثورة قامت بيد الله
اشكرك شاعرنا الكبير

هههههههههههه

» الثورة دى جـِدّتى..!!.،تواصل مع الثورة دى بنتنا لمحمود جمعه
» بعد الثورة ( صباح الثورة )
» انا المصري
» أنا المصري
» سايكو المصري ؟؟؟؟