أطمن أوي يابا

أطمن أوي يابا
.......................بلدنا ماهيش غابه

ماشي مع الناس فى الشارع
.......................مش حاسس بغرابه

ولادنا وبناتنا
قساوسنا ومشايخنا
في وشوشهم طيبة مقرية
........................مش محتاجه كتابه

بلدي بغنيها
بأمان عايش فيها
ولا تصدق اى كلام عنها
.......................دي أكيد ناس كدابه

النيل لسه بيجري
والليل روح بدري
والشمس طالعه بتغني
.......................بس ناقصها ربابه

النخل بيتمايل
وبنعدل فى المايل
وهنرجع أحسن م الأول
.....................زي ما رجعت طابا

اطمن أوي يابا
انا واخواتي رجاله
عاشقين لبلدهم دايبين
.....................دوب بيحبوها صبابه

محمد عبد الواحد الشاعر الجميل

يسعدني دائما مرورك وقراءتك

لنصوص وكلماتك الرقيقة

محمد السيد ابو حجاج كتب:

الجميل أحمد رجب إن شاء الله نطمن كلنا في أقرب وقت ممكن

لك كل الود

شكرا مرورك وتعليقك الرقيق

عادل عوض سند كتب:

الاخ الشاعر

احمد رجب معيط

ربنا يسمع منك .. ونكون عند حسن الظن .

لكن ما يحدث الآن قد كسا الجو بالغيام .

ربنا يستر على مصر .

مودتى وتحيتى ...

استاذي والشاعر الكبير مصر اكبر من كده

بكتير وياما دقت على الراس طبول

أحمد الشرقاوى كتب:

اطمن أوي يابا
انا واخواتي رجاله

الله ياشاعر
سلمت الأيادى يااستاذ أحمد
دائماً مبدع
أشكرك تحياتى

اشكر مرورك الكريم الدائم والمتكرر

وكلماتك الرقيقة التشجيعية