نبع الحياة

إجرى يا نيل بالحياة

ووزعها على عباد الله

ما إنتا رمز الحياة الجميلة

وفوقك تجرى النسمة العليلة

وقت الغروب بتبقى بنى فيك لؤلؤ بيلمع

لما أشوفك يا نبع الحياة قلبى يدمع

لأن بميتك بنزرع الأراضى

ورغم كده بنأذيك وانتا راضى

على ضفافك فيه من الحب وادى

قامت بفضلك أجمل حضارة

كانت للعالم نور ومنارة

فيضك بقدرة الله يحول أرض بور

لجنة ونور ،لخير بحور

لولاك كانت مصر بور

يا كنز مصر يا شلال سرور

فى بطنك دهب بيتاكل

ومن فيضك صنعنا صناعة تستاهل

يكفى إنك حضنتنا لسنين

رغم إن مش كله معاك أمين

قالى والدى عايزاك متسامح وكريم

عشان يبقى الخير فى قلبك زعيم

قلتله أتعلم كده من مين

خدنى عند إللى فضله على المصريين

قاللى شايف جمال النيل

النيل كريم مش بخيل

بنرمى فيه إللى مش عايزينه

وبننسى خيره إللى شاربينه

وبننسى دهبه إللى واكلينه

ولأن ربنا إدى النيل هبة الكرم

كمل عطاءه وبنى من الخير هرم

فزرعنا وكلنا وصنعنا

وربنا خلقه عشان يدينا متعنا

يا رب إحفظه من شرورنا

وزود نعمه فى ربوعنا

يا رب يوصل لأبعد نجع فى نجوعنا

عشان ينهى دموعهم زى ما نهى دموعنا

الابن الجميل مصطفى
تحية لك و لنبضك الجميل
من جميل إلى أجمل
تقبل ودى