وصية أب

موضوع: وصية أب الجمعة ديسمبر 16, 2011 9:23 pm

الدنيا ديّا فانيه واحنا فيها ضيوف
ممكن نرحل في ثانية ولا ترحمناش ظروف
وانته ياحب عمري
وصيّتك بكل عمري
انك تراعي ربك
بصلاتك له وقربك
وايّاك تشعر بخوف

الدنيا ديا فانيه واحنا فيها ضيوف
ممكن نرحل في ثانية ولا ترحمناش ظروف

خد بالك من شبابك
ما تفكر في اللي سابك
اوعى يغرك جمالك
وتوه وسط الحروف
دي الدنيا علمتني
في بحورها غرقتني
وكتير كتير ظروف

الدنيا ديّا فانيه واحنا فيها ضيوف
ممكن نرحل في ثانية ولا ترحمناش ظروف

ياحبيبي يا ضي عيني
كلام كلام بينك وبيني
اياك تجرح حنيّني
أو يوم تأسى تعاديني
وتقول حكم الظروف

الدنيّا ديّا فانيه واحنا فيها ضيوف
ممكن نرحل في ثانية ولا ترحمناش ظروف

موضوع: رد: وصية أب السبت ديسمبر 17, 2011 1:37 am

الله عليك يا استاذنا عمنا الشاعر ماهر حامد

وصايا لا يوصيها مثمرة فى سياق شعري جميل لا

يوصيها إلا مؤمن , ويا ليت الآباء يدركون حجم مسؤليتهم تجاه أبنائهم ومن أستأمنهم الله عليهم

شكر وتقدير لك أخى الحبيب

موضوع: رد: وصية أب السبت ديسمبر 17, 2011 4:26 am

الشاعر / ماهر حامد

وصية غالية من أب حنون

جاءت علي لسان شاعر جميل

موضوع: رد: وصية أب السبت ديسمبر 17, 2011 6:08 am

غنوه جميله يا استذ ماهز مغلفه بالحكمه والزؤيه
تحيات لك ولجمال حزفك

موضوع: رد: وصية أب السبت ديسمبر 17, 2011 6:20 am

[center]رجاء من الأستاذ / عطيه شواش

ظبط هذة الشطرة

ياحبيبي يا ضي عيني
كلام بيني وبينك
اياك تجرح حنيّني
أو يوم تأسى تعاديني
وتقول حكم الظروف

ياريت الشطرة التانية

تتبدل كلمة
كلام بيني وبينك

تبقى هكذا

كلام بينك وبيني

واكون شاكر الافضال

موضوع: رد: وصية أب السبت ديسمبر 17, 2011 7:59 am

الاخ الحبيب الشاعر

ماهر حامد

الله ينور اخى ماهر .. اغنيه جميله وتتماشى مع اللون

السائد تلك الايام وخفيفه ومعناها جميل .

تسلم ايدك . واظنك تقصد بكلمة { فنيا } فانيه ..

مودتى وتحيتى ..

موضوع: رد: وصية أب السبت ديسمبر 17, 2011 9:08 am

أستاذ ماهر
رائع شاعرنا الجميل

موضوع: رد: وصية أب السبت ديسمبر 17, 2011 5:39 pm

وصيه غاليه بكلمات بسيطه وجميله

لك كل الحب

موضوع: رد: وصية أب السبت ديسمبر 17, 2011 9:28 pm

أي خدمه يامحترم

تحياتي لحرفك

» وصية من شاب
» وصية أم
» وصية أمي..!
» وصية لرئيسنا
» سايبين وصيّه