احمد ولد

[b]

الشاعر الكريم الأخ ناصر صلاح
رائعةالقصيدة راقي لي المرور على حروفها وفكرتها
بارك الله لك فى أحمد ورزقك بره ونفع به الأمه
وقد جعلتني أطرح سؤال تعقيباً علي كلماتك العزبة
لماذا لا يربي كل منا على أن يقود ابنه هذه الأمة فإن لم يصل إلى امامتها سيكون بلا شك رجل يتحمل المسؤلية فى مكانة
نعم نحتاج لثقافة تربيوية نتعلمها لنربي أبنائنا
كل الشكر والتقدير لك يا عزيزي

الأخ الشاعر محمد عبد الواحد
اشكر لك مرورك الكريم وتفاعلك الأكرم واشادتك الغاليه 00 مودتى وتقديرى

الأخ الأديب محمود بسيونى
خالص مودتى وتقديرى اولا لشخصك الكريم ثانيا لسؤالك الهام والذى يتفق تماما مع تعاليم ديننا الحنيف 00 بارك الله فيك ومنك واليك

الحبيب الغالى المبدع اخى عادل سند
اولا لو احمد بقى رئسش فتأكد ان انا وانت وكل شعراء المقاومه هيتعلقوا فى المشانق وهيلغم ميدان التحرير00 هو قال لى كدا بالأمس
ثانيا توقعات الشعراء غير المقصوده رهيبه حقيقة وراجع قصائدك من 2خ سنه ستجد العجب هذا ما حدث لى وانا اعد ديوانى الأخير لعل الله يتقبله قبولا حسنا ويظهر للنور
محبتى الدائمه وتقديرى الموصول

الحبيب المبدع عطيه شواش
اشكر لك مودتك وكرمك واعبر عن سعادتي باعجابك بالنص القديم الحديث

الحبيب الغالى عبد القادر أمين
ياعم دانا زبون عتيق بس باروح مأموريات طويله وارجع هههههههههه
انا اللى سعيد بوجودك فى منتدي اخى عاطف الجندى والذى يحتوى على زهور يانعه وروائح طيبه نادرة
شكرا لمرورك يا اعز الناس

أبو ناصر الجميل
نورت يا رجل فينك ؟
و الله أنا هعطيه صوتى يا عمنا
على الأقل الواحد يضمن وزارة
ههههههههههههه
أحسنت يا جميل
و ربنا يبارك لك فيه

يا عم عاطف وزارة ايه ربنا يستر ومايعلقناش فى المشانق وطبعا يتوصى باحباب ابوه هههههههههه
شكرا لمرورك ايها البهى

الشاعر/ ناصر صلاح كتب:

احمد ولد

كتبت فى1997وتنبأت فيها لأحمد أن يكون رئيس جمهوريه وكان عمره ساعتها شهور ولها موقف ظريف حيث ألقيتها بنقابة الصحفيين امام ابراهيم نافع فقال لى ابنك ريس بعد الرئيس ان شاء الله فقلت له انا مش مستعجل بعد ولاد واحفاد الريس كمان وضحك الجميع 00 ويبدو فى تلك الظروف والمنافسه على الرئاسه ان احمد هيصبح رئيس فعلا فهو يمتلك مواهب رئاسيه هامه اهمها تكبير الدماغ00 والى القصيده
احمد ولد
ولا ألف ميت مليون ولد
أحمد سند
عكاز 00 مدد
يوم ما اتولد
رفع الإيدين فوق للسما
لله سجد
أما الطبيب يومها اندهش
قرب على ودنى وهمس
الواد دا يظهر انه شيخ
وفرحت حبه وبعدها
خوفت الحسد
رديت عليه
يعنى هيطلع شيخ لمين
ملس عليه
وباس ايديه
طلب المدد
احمد ولد
وباجهزه لحكم البلد
دايما اقول له
اوعاك تغش
اوعاك تخون
خليك صريح
فاهم وواعى ومش قبيح
وحب شعبك يحرسك من غير عيون
تضمن حقوق الشعب يا ابنى
راح تكون برضاه عليك للحكم ضامن
وتنام مأمن
وتنام مأمن للجميع
والكل نايم لك مأمن
فى مره رد على قال
بف00إغ00 هاهاهاها
هزيت دماغى ما بين كتافى
وقلت أه منك يا خوفى
احمد تعب
جه ألف طبيب
بعد الفحوص والذى منه
قال الولد ولا ألف حصان
لكن باينه الواد حبيب
نسيت اقول
احمد دا ابنى
يتعد عمره بالشهور
9 ما فيش غيرهم يعنى
بسلامته فى عمر الزهور

الشاعر ناصر صلاح
طبعاً نبايع ونؤيد الرئيس الجديد وخصوصاً إننا محتاجين شاب مخلص
زي احمد .
قصيدة رائعة تستحق التصفيق

يا مسهل الحال يارب بس انت كده دبسته يا ابو احمد ربنا يستر

الأعزاء
احمد ابراهيم
حمدى شيبه
محمود جمعه
شكرا لمروركم الكريم وابدأوا فى تجهيز الهدايا لاحمد تحسبا ماحدش عارف الايام فيها ايه ههههههههههههههههههه