أخـر خيـــــــــط

قبل ماتقطع أخر خيط
كنت لأخر لحظه شاريها

كنت بحاول اشد الإيد
سحبت أخر طرف إديها

كنت بحاول اقرب أكتر
كنت بتوه ف عنيها وافكر

لو هوا اللي ف نفس مكاني
كان هايطول باله عليها
....
كان بيخونها وناسي هواها
ياما جرحها وهيا معاه

واما وحشها سابتني وراها
وراحت تصرخ تاني وراه

وادي الطرف التاني هسيبه
حتى اديا ماهِش طيقاه

إزاي يجرح قلب حبيبه
وافضل عايش مع ذكراه
....
اوعا يا قلبي تفكر فيها
إياك تيجي معاها عليا

مهما تحاول تاني عنيها
ترمي الخيط وتنادي عنيا

لو فكرت تحن هادوسك
وانزع من شرايينك خوفك

وانسا ضلوعي اللى انت مابينهم
لو حنيت هتكون ف إيديا
....
قبل ماتقطع أخر خيط
كنت لأخر لحظه شاريها

كنت بحاول اشد الإيد
سحبت أخر طرف إديها

فضلت إيد مرفوعه تنادي
وإيدين راحت تنهي الماضي

وعيون قاسيه ما بصتليش
وانا غرقان بدموعي عليها
.

الله عليك يا رضا يا عثمان

رعم الموضوع مكرر إلا انك صغته بطريقه جميله

وبمهاره وحرفيه . اصلك انت طيب زى حالاتى .

هههههههههههههههههههههههههههه

ايوه كده التنويع حلو .. منتظرين الاجمل .

مودتى وتحيتى ..