بتقول لي بحبك يا حمار

بتقول لي بحبك يا حمار
قولت لها بحبك يا جموسه

ضحكت لي وقالت ده هزار
وادتني يا بوي حتت بوسه

سهمت وروحت ف دوار
وانطلقت أحاسيس محبوسه

قولت لها حمار وابن حمار ؟؟؟؟
اللي ما يلهطشي البسبوسه
،
ورجعت من النار عالدار
مدهول بـ دماغي الملحوسه

زي ما اكون مضروب بالنار
أو روحي غريقه ومنفوثه

لـ انا داري بليل ولا بنهار
ولا داري بـ زعاقات نفوسه

وصحيت على صوتها يا ستار
قوم يلا عشان تطفح كوسه
،
رديت بين نفسي يا مختار
معقول تتجوز مهووسه

ده مفيش ف جيرانك ولا جار
بيصاحبك علشان منحوسه

بتشك تملي ف نسوانهم
علشان مدكوكه ومكبوسه

وبتضرب فيهم وعيالهم
وتنخور فيك زي السوسه
،
واتلففت وبصيت ليها
قومت لقيتها على الطبليه

حاطه مشنة عيش جمبيها
وبتاكل وتبرق ليـــــــــــــا

قولت الله يسامحك يا نزيهه
شكلك كنتي بتدعي عليا

إلا ما حد بيشكر فيها
ولا علشانها بيسئل فيا
،
وانت يا واد بقا طول العمر
هاتتنك ف الهم معبي

كل دقيقه عليك بتمر
تفضل تندم فيها وتبكي

وتشوف ويا نفيسه المر
وتقول أه يا نصيبي وبختي

ما تروح لام شفايف حمر
يمكن تبقا ايامك وردي
.
رضا عثمـــان

يخرب بيت عقلك ضحكتني وانا ماضحكتش من يوم الانتخابات

هههههههههههههههههههههههههههههههههههههههههههههه

اهم حاجه عندنا يا باشا مزاج سعاتك ههههههههههه
اضحك من قلبك واضرب نار كمان

هههههههههههههههههههه
خدني معاك ياسي مختار
منا زيك محتاس ميت حوسه
بدعي ليلاتي ليل ونهار
يخلصتني منها بسبوبه
سحنتها تشوها ياستار
ك جاموسة لبسه جلابية
وحياتي بعشها في مرار
ولا دايق طعم الحرية
اما البق والله جبار
تشوفه تقول دا قصريه
وسنانها زي المنشار
وعينيها حوله ومهرية
ومناخرها شبه المنقار
والخرم يفوت عربيه
ساعة النوم بقرا القرآن
وبدعي عليها ساعة الفجرية
خدني معاك لام شفايف حمرا
عيني عليه بختي شوية
خدني قوام الله يخليك
واعيش اللحظة الورية

الشاعر الجميل / والساخر / الأستاذ رضا عثمان كم اضحكتي وكم استفذتني قصيدتك لحد التواصل واعلم ان خربشتي لا تليق بمام قصيدكم الاكثر من رائعة

الله عليك حاجة والله تخلي النجار يقول اشعار
مساؤك فل
وخدني معاك

والى الأمام لارجوع

هههههههههههههههههههههههههههههه

يانهارك ابيض يا ابو الروض ايه دة هي قلبت سعد الصغير كدة لية

لابس جامدة بجد تسلم ايديك ياعم والتجديد مطلوب

دايما تمتعنا بكل جديد ومختلف يا ابو الروض تسلم ايديك

بتقول لي بحبك يا حمار
قولت لها بحبك يا جموسه

الله على الرومانسية
هههههههههههههههه
كمات خفيفة جميلة ياأستاذ رضا
دمت مبدعاً

دمت بكل خير
أبهى تحياتىى

لازم تحلف لك يعنى علشان تصدق انها بتحبك ؟؟؟

ههههههههههههههههههههههههههههه

وبعدين جاى تشتكى بعد ايه ؟؟؟ استحمل يا جميل ..

بس قصيده جميله ومرحه واتهيألى حصلت ..

ههههههههههههههههههههههه

ياللا مكتوبالك يا رضا ...

شاعرنا الجميل أ.ماهر حامد
شرفني جدا مرور حضرتك
واعجبتنى كلماتك الرائعه المرتجله
تحياتى لك

الشاعر الصاعد خالد دويدار
أسعدنى كثيرا مرورك العطر يا جميل
دمت بكل حب وخير

الشاعر الجميل احمد الشرقاوي
شرفت كثيرا بمرورك الراقي والطيب
هههههههه عجبتك اوي بحبك يا حمار وبحبك يا جموسه
دمت بكل حب

رضا عثمان كتب:: بتقول لي بحبك يا حمار
قولت لها بحبك يا جموسه

ضحكت لي وقالت ده هزار
وادتني يا بوي حتت بوسه

سهمت وروحت ف دوار
وانطلقت أحاسيس محبوسه

قولت لها حمار وابن حمار ؟؟؟؟
اللي ما يلهطشي البسبوسه
،
ورجعت من النار عالدار
مدهول بـ دماغي الملحوسه

زي ما اكون مضروب بالنار
أو روحي غريقه ومنفوثه

لـ انا داري بليل ولا بنهار
ولا داري بـ زعاقات نفوسه

وصحيت على صوتها يا ستار
قوم يلا عشان تطفح كوسه
،
رديت بين نفسي يا مختار
معقول تتجوز مهووسه

ده مفيش ف جيرانك ولا جار
بيصاحبك علشان منحوسه

بتشك تملي ف نسوانهم
علشان مدكوكه ومكبوسه

وبتضرب فيهم وعيالهم
وتنخور فيك زي السوسه
،
واتلففت وبصيت ليها
قومت لقيتها على الطبليه

حاطه مشنة عيش جمبيها
وبتاكل وتبرق ليـــــــــــــا

قولت الله يسامحك يا نزيهه
شكلك كنتي بتدعي عليا

إلا ما حد بيشكر فيها
ولا علشانها بيسئل فيا
،
وانت يا واد بقا طول العمر
هاتتنك ف الهم معبي

كل دقيقه عليك بتمر
تفضل تندم فيها وتبكي

وتشوف ويا نفيسه المر
وتقول أه يا نصيبي وبختي

ما تروح لام شفايف حمر
يمكن تبقا ايامك وردي
.
رضا عثمـــان

هههههههههههههههههههههههههه
أسعد الله قلبك وأضحك سنّك وفرّج كربك..وأزاح همّك
أخي وصديقي الشاعر الرائع أينما تكون كلماته..رضا عثمان
قصيدة تحمل بصمتك التي لا يضاهيك فيها أحد..بسم الله مشاء الله ياابو الروض أصبح لك طعم ومذاق خاص يجعلنا نعترف ونشهد بأنك مُبدع بكل ما تحمله الكلمة من معنى
دُمت ودامت إبداعاتك ياحبيبي

تثبت بواسطتي

اممممممممممم
لا أنصحك ماتروحشى
ليس كل مايلمع ذهبا
استحملها بقى وارضى بنصيبك
دا الرضا بالمقسوم عباده
وبعدين صدقنى والله
الجميله التانيه دى
ديتها بس تعرفها كويس
هتلاقى كله زى بعضه فى الآخر
نفس النكد يعنى

قصيده جمالها يضحك
راااااااااااااااائعه

هههههههههههه منتظرين المزيد

الشاعر الغنائي الرائع رضا محمود
دائما اتشرف وتستنير صفحتي بمرورك العطر والمشرق
وصداقتك شرف كبير جدا حظيت به
دمت بكل خير وحب

ههههههههههههههه
قلبى معاك يا صاحبى
هههههههههههههه
تسلم لنا وتسلم خفة ظلك يا جميل
ودى وتحياتى وسلاماتى لنفوسه
ههههههههههههه
Very Happy

رائـــــــــــــــــــــــــــــــــــــــــــــــــــــــــــــــــــــــع إلى أبعد الحدود

الشاعره الجميله اميره
اولا انا سعيد جدا بمرورك
ثانيا القصيده دي مبتحكيش حالي شخصيا ههههههههههه
هي من وحي خيالي ولاول مره وانا بكتب اتخيل نفسي صعيدي
وانا بكتب.... وبكتب على لسانه ولهجته وهذا يعني اعجابي الشديد
باخوانى الشعراء الذين ينتمون الى صعيد مصر
تحياتى لكى اميره

اخي الحبيب سلامه رجب
ان شاء الله فيه مزيد وسعيد هههههههههه
نورتنى بمرورك يا قمر
تحياتى لك

الشاعر الواعر محمود قطب
والله يا اخى ما اسمها نفوسه ههههههههههه
ولا عنيفه ولا شرسه دي أغلب من الغلب
نورتنى والله حبيبي
تحياتى لك يا حوده

الشاعر الجميل أبو عدنان
الروعه في مرورك الراقي والعطر
تحياتى لك

كل التحيه لهذا القلم الرائع والابداع الذى الجمنى بالصمت

فما يجوز لى ان اعلق على هذا الحضور الراقى

تقبل مرورى

والله عندك حق
دى دواها المأذون زى ما جوز يطلق

ههههههه

تحياتى الاستاذ رضا عثمان

أخى رضا
دائما لديك الجديد و المدهش
أحسنت أيها الرائع
تقبل خالص ودي

اولا انا سعيده جداااا بزيارتى و تسجيلى فى المنتدى هنا بين عظمااااء الشعر و عمالقه الكلمه بجد بستمتع جدا بكلماتكم الجميله الممتعه و ضحكت جداا من قلبى لما لقيت الجو مش بيخوف و فيه بحبك يا حمار و شاعر جميل زى رضا . و الهط يا عم البسبوسه حقك طالما الحكايه فيها جاموس و حمير مفيش عليك لووووووووووم هههههههههههههه

» عيش حمار
» (( مذكرات حمار )) قصة قصيرة من سلسلة الآبدة
» حمار بلدنا
» حمار العنب
» حمار سمسطاوى