بجد مصري ؟

هو إنت بجد مصري ؟
لو مصري بجد أصلي ؟
وطي صوتك عارف
مكتوب في بطاقتك مصري
****
المصري مش بس صوت
المصري دهب وياقوت
رجولة في وقت الشدة
فدى أرضه كمان بيموت
****
المصري ذكاء بالفطرة
مهموم بخريطة بكرة
متعود يبقى القمة
وفي كل مكان له ذكره
****
المصري في دمه حرارة
وأمانه في ظل بطالة
وبرغم ظروفه الصعبة
متربي وعنده كرامة
****
مش بس مجرد اسم
مرسوم في بطاقتك رسم
ولا عندك ذرة فكر
ومحسوب على بلدك جسم
****
لو مصري إتحرك حبة
اعمل إنتاج بمحبة
فكر في أمور الدولة
واركن مصلحتك حبة
****
عامل وطنك بضمير
ادعم جواك الخير
فكر تديله الأول
وهو ها يديك وكتير
****
ازرع في الأرض خضار
زود عدد الأحرار
ولو مرة حكومتك نامت
أرفع علم الثوار

الاستاذ الشاعر

وليد ناصف

الله ينور هذا النص يختلف عن ما قراته لك سابقاّ .

به موضوع وحرفيه فى استخدام التفعيله .

مودتى وتحيتى ...