مبارك علينا المشير

صحيت فى يوم سوزان


على صوت صراخ وعويل


لقت حسنى بيبكى


ودموعه بلت المنديل


قالت له أيه الحكايه


قال لها ميدان التحرير


إنفجر وبالشباب بيميل


وبعتوا رساله على الإميل


قالوا فيها يسقط مبارك


ونظامه العميل


مش ده الشباب إلى قال عز


إنه لجمال بيميل


وحبيب العادلى قال


دول شويه شباب عويل


وبكره هيكون فى أمن الدوله ذليل


قالت له فين رجالتك


إلى سرقوا البلد


أنا عاوزه على ولائهم دليل


قال لهامحدش مراعى شيبتى


ولا جسمى العليل


وفجأه قطع كلا مهم


دخول المشير


قاله تعالى ياطنطاوى


وعليا شير


قاله الثوره نجحت


ورحليك أول التباشير


والنهارده 11 فبراير4 أمشير


أخريوم فى حكمك


بناْء على طلب الجماهير


وبعدها طالب الشعب بمحاكمه قتله الثوار


ووضع كل إلى سرقوا البلد خلف الأسوار


وإكتشفنا بالتحقيق إن الكل حراميه


وحرك النائب العام الدعوى العموميه


ضد مبارك ورؤساء المجالس النيابيه


والوزراء ومن كانوا فى مناصب حزبيه


والمحاكمات بقت على القنوات الفضائيه


عبره وعظه لكل القتله والحراميه


وفجأه أثناء المحاكمه نزل مبارك من فوق السرير


وضحك من ورا القضبان وطلع منه زفير


فكرنى بحماره عمى صميده الخفير


وقال ثوره إيه أمال فين التغيير


والوضع متغيرشى وإسألوا المشير


عن إلى بيحصل فى العباسيه وميدان التحرير
































ا

هههههههههههههههههه

اسمحلى اضحك لانة هم يضحك هم يبكى فعلا

انتا سردت لينا كل الى حصل فية قصيدة عبرت فيها عن الاحداث بدقة وتفصيل

احييك يا شاعرنا على مواكبتك للاحداث وسرعة التفاعل

تحياتى

طول عمرك جميل يأبو الشوق
أحمد فؤاد

والله هى حقيقة بس خايف عليك

شوقي موسي الشاعر الرائع اد ايه جميلة كلماتك وحسك الوطني وخوفك على حلمك وحلمنا لان كلنا خايفين وربنا يسترها . تقبل مروري