مصر العروسة

يخلق من الشبه أربعين
كلام سمعناه من سنين
ماكناش مسدقينه
لحد ماشفنا من الشبه مليون
واسألوا الميدان
مليون وش
كانهم جسم واحد
لابسين علم
فى عينيهم غضب
فى صوتهم ألم
دقات قلوبهم رصاص
افكار عقولهم لغم
فكروا وفجروا
وكان اللي كان
مليون ايد
مليون قلب
مليون مصري
بيحلموا بالعيد
بيحلموا ببكره
بالعهد الجديد
عهد الحرية والامان
مليون عين بتبكي
على مليون شهيد
مليون ايد فى ايد
كسرت كل قيد
هدت الزنزانة
وسجنت السجان
مليون شمعة منورة
فى تورتة الميدان
جينا للأم الطاهرة
ملينا م الاحزان
الاسم مصر
والدلع القاهرة
اللي الكدابين فهمونا
ان انتي بورتي
ومنك بيهربوا
العرسان
لو بنزف هزفك
واكحل عينك بحزني
وازين خدك بدمي
وعشانك اموت سعيد
واندفن من غير كفن
عشان تلبسي الفستان
ونزفك فى كل ميدان

اخى الشاعر

احمد رجب

فعلاّ اخى .. مليون ايد بيحلموا بالعيد .

الله عليك . صور جميله متتاليه من كاميرا

لا يحملها إلا اخى احمد رجب .

احييك على صورك الجميله وحرفك الثائر .

وانت كتبت :

ماكناش مسدقينه

واظن هنا تقصد { مصدقينه } .

اشكرك وتقبل مودتى ..