وِحْياتك يا مصر

أتحفتنا الأخت العزيز / إيمان عبد الفتاح بهذا العمل الجميل

....وحياتــــك يا صحـــــــرا....


الوادي الجديد فرحان
** بولادنا من الشبان

ع الوادي الجديد رايحين
** راح نزرع ونبني كمان

بسواعد فتية عفيه
** من سينا لحد اسْوان

***
وحياتك يا صحرا يا غاليه
** لارْويكي بميَّه هنيّه

وحديدك يلين في إديّه
** وبْزَرْعِك أكون في أمان

بسواعد فتية عفيه
** من سينا لحد اسْوان

***
الصَّحْرا دي خيرنا فيها
** ومنسيّه بقالها زمان

دلوقتي بقت حاجه تانيه
** ولا جنّه من الرضوان

دي أرض الحب في بلادي
** من سينا لحد أسوان

وادي حُضنك يدَفي أولادي
** من سينا لحد أسوان


وخيرها كتير ع الوادي

إيمان عبد الفتاح