رسالة لرئيس مصر القادم_ للشاعر مصطفى هاشم .

رسالة لرئيس مصرالقادم

بقلم مصطفى هاشم
تم إذاعتها على قناة يوتويب وعلى إذاعة صوت العرب بصوت الإعلامي الكبير أ/ محمد الناصر

إليكم القصيدة مكتوبة ومسموعة تم عمل مقدمة الفيديو بصوت أ/ محمد الناصر من برنامجه الإذاعي بصوت العرب

----------------------

[center][center]

رسالة حب برسلها

للي يحب مصر بجد

----

للي يخاف على تربها

ولا عمره يبيعه لحد

----

للي لو حكم فيها يوفيها

ويرسم ليها أجمل غد

----

رسالة حب بهديها

لحاكم عدل يجي فيها

----

يخليها

متحتاجش في يوم لحد

----

يا بلدي يا شمس كان نورها معبي الكون

يا أجمل أم في الدنيا يا حضن حنون

----

بحسك كل ما بمشي على الشاطئ

وأنا مهموم

----

تناديني وفي صوتك دفئ دفاني

تقولى اصبر يا ولد النيل

----

أنا أمك , وآنا همك , ولا يهمك

سحابة ليل

----

وأنا ع الشط كان صوتها

صداه في النيل

----

تداعبه الموجة والنسمة

ينسيني مرار الويل

----

يفكرني بأصول أمي

وإني عربي حر أصيل

----

سمعتك يا حبيبتي بجد

نسيت همي وأحزاني وجهد إتمد

----

نسيت اللي في يوم بعني

بمعاهدة إني أرخص حد

----

نسيت انه عمـــل مني

بضاعة في كل سوق تتمد

----

جواز سفري صبح شبكة

وختوووم الدنيا فيه تتــــعد

----

تعبت يا أمي من الترحال

وبحلف لك ما زيك حد

----

يا أجمل شمس دفنني في عز البرد

يأ نهر حنان مرريني بطعم الشهد

----

يعاهدك إنه صبري يطول

لأني بحب بلدي بجد

----

ونفسي في أب يكون إنسان

رئيس مخلص وعنده إيمان

----

يحس بغربتي والجوع

يحسسني إني ليا كيان

----

يشل هم اللي مات محروق

على السكة في قطر جبان

----

يربي طفل وطفلة أيتام

أبوهم مات في يوم عرقان

----

ونشعر أن لينا أب

يعالج طفل من السرطان

----

يحبك زى ما بحبك

سعتها الدنيا تبقي أمان

----

وأحس بأني مصري صحيح

تعود هيبتي في كل مكان

----

رسالة حب برسلها لأب لمصر

مش لحاكم ولا سلطان

----

قبل ما يمضي عقد الحكم

يمضي عهد للرحمن

----

بأنه يكون علينا أب

ولا يظلم في يوم إنسان

اللهم ولى من يُصلح

ويخاف على هذا البلد .. ويعمل من اجل البناء

وليس من اجل الهدم . كما بلينا من قبل .

مودتى وتحيتى ..

» نهلة . شعر مصطفى هاشم
» كوم جـابر . شعر مصطفى هاشم
» أنا من قنا .. للشاعر مصطفى هاشم الجابري
» الله اكبر . للشاعر مصطفى هاشم
» شرطة مصر . شعر مصطفى هاشم