إغضــبي ....

الشاعر محمود قطب كتب:

الغالى والقدير والرائع
رضا بك محمود
لا كلام بعد ما قلت ايها الغاضب
دمت ودامت نبضات قلمك الثوري
واحرفك الغير قابلة للانصياع
اطربتنى وامتعتنى ايها المتمكن
ودى وتحياتى واعجابى بما قدمت

أخي الحبيب وأُستاذي..الشاعر والزجّال المتفرّد بالجمال...محمود قطب
يكفيني مرورك شرفاً أبا سلمى
وأدعو الله أن أكون أهل لثنائك وإعجابك
تقبّل ودّ وحبّ أخيك وباقات الزهور

فى الحقيقه يا استاذ رضا , بقالى كام يوم شايف النص , وكنت احبذ عدم التعليق عليه من منطلق ان الإشاده بيك هتكون نمطيه او اعتياديه , وخصوصا من شاب حديث السن زيى , لكن انا بعد ما رجعت من ميدان التحرير من حوالى نص ساعه , كان عندى تدفق شعورى هائل , ودخلت وقريت النص مره تانيه , والحقيقه انه أثارنى وأعطانى دفعه للأستمرار واعتقد ان دى اهم سمات النص الجماهيرى , دمت مبدعا يا استاذ رضا

إغضبي...


أول طريق النصر بيكون الغضبْ


والمعدن الحُــرّ الأصيلْ..


ما بنعرفوش..


غير لمّا بيزيد الـلَهبْ


إغضبي..


من كل واحد..


عاش غبي..وهيموت غبي


ـــ من كل خاين مُغتصِبْ ـــ


كل اللّي باع دمّ الشهيد من غير تَمنْ


وبرغم إنّـه مُؤتَمنْ..


لكن.. بيسرق.. ثورتك


من غير كفاح..من غير تعبْ


واللّي بيجني ثروتك..


وبيحمي أنصار الشَغَـبْ


ــــ يااااادي العجبْ ــــ


لمّا الخيوط تبقى فـ إيديه


واحنا عرااايس من خشبْ


طب إيه أساس المشكـلة ؟؟


طب فين جواب الأسئلة


ثورتنا لسّة مكــمّلــة..؟؟


ولاّ خلاص.... عزمك هِرِبْ..؟؟


قومي اسأليهم عن سببْ


ولو يثور من كلمتك بركان غضبْ


مايهمّكيش..


ولا ترجعيش.. عن سكّـتك..


ولا تسمحيش...


للوهم تاني.. يسكّـتك


وبلاش تخافي وتهربي


لمّي شتاتك واغضبي..


أول طريق النصر بيكون الغضبْ


لحظة ميلاد اليأس في قلوب البشرْ


زي اغتراب اللحن في غياب الوترْ


لون انتحار الضيّ في عيون القمرْ


خُوفك من الفجر الوليدْ


أول طريقك..


بين متاهات الخطرْ


مين اللّي قال إنّ الحَـذَرْ


يمنع قَـدَر..؟؟؟؟


مهما الخريف..


يفرض ملامُحهْ عـ الشجرْ


لسّة الجدور...


عايشة بتحلم


بالربيع المُـنَتـظَرْ


لسّة السّحاب بين الغيوم


شايل مطرْ..


ومدام قدرتي تحلمي..


ما تضيّعيش حلمك هَـدَر


بس إغضبي..


أول طريق النصر بيكون الغضب

.
انا مش عارف ازاى انا ماخدتش بالي من القصيده دي
يابو رياض اعزرنى انا اليومين دول مش مواضب عالحضور
الله عليك يا شاعر يا جامد ما شاء الله عليك
اراك غيرت اسلوبك هذه المره ومازلت مبدع ورائع
تحياتى لك يابو رياض