يا اهل الفديو كليب الرحمه للزجال محمد سرور

يا اهل الفديو كليب الرحمه ليه بس الاسفاف
ليه اغانيكم هابطه وساقطه وقميصك شفاف

هو الفن يا مخرج عندك اصبح أوده نوم
وبنات تتلوى بأباحيه والله دا عيب الشوم
والتقليد الاعمى عماكم وشبابنا المظلوم
طول ما هو فيه امثال امثالكم قول على الفن عواف

شوف كام واحد كده بيغنى وكام وحده يا حفيظ
تعرف مين كده منهم قولى والله دا حاجه تغيظ
لا احنا فى لندا ولا اميركا ولا حتى فى باريز
حال الدنيا دا والله اتشقلب ولا فيه خشه وعفاف

حتى الشاعر بقى فى كلامه رمز أباحه للجنس
وغيرنا يسقف ليه ويهيص ويقول شاعر نمس
بقى ده شاعر كده بالذمه والله دا شاعر ......
باع موهبته عشان الشهره لطخ قلمه الجاف

لما تشوف واحد يترقص زى الحرمه يا هوه
يعمل حركات والله بتخجل حتى الكلب لولو
ناقص يلبس بدله رقص اوجيبه وسابوه
واللى ما شاف بلويكوا السوده ع الفضائيه اهو شاف

اللى تقولك بوس الواوا وغيرها تقول بشوش
بره البيت دا عملى انا عنتر جواه فرده شيش
خليك فهلوى بيع اعرضنا كله بياكل عيش
ميت الف تحيه لضمركوا اللى فى يوم ولا خاف

بيرم قالها زمان فى المغنى يا اهل المغنى حرام
وانا دلوقتى بقول لجنبكوم بعتوا الفن بكام
لجل ما تبقوا عبيد العمله بتعروا الاجسام
بكره فلوسكوا تضيع والشهره ما تلقوا القمه الحاف

واللى انا قولته بس دا صوره لكليب الاغاوات
يخجل قلمى يكتب تانى ع اللى ضمرهم مات
كل دقيقه نشوف فى فضايح والاسم كليبات
ربنا يستر عرض بناتنا يا خفى الاطاف

يا اهل الفديو كليب الرحمه ليه بس الاسفاف
ليه اغانيكم هابطه وساقطه وقميصك شفاف

الزجال
محمد سرور

حتى الشاعر بقى فى كلامه رمز أباحه للجنس
وغيرنا يسقف ليه ويهيص ويقول شاعر نمس
بقى ده شاعر كده بالذمه والله دا شاعر ......
باع موهبته عشان الشهره لطخ قلمه الجاف

أخي الحبيب الزجال الرائع محمد سرور

والله مهما وصفت لك أعجابي بزجليتك مش حعرف اوصف .. الحقيقة

هي أجمل ما قرأت لك علي الاطلاق ..فيها كل الفن الراقي والابداع

الحقيقي النابع من الشعب والمكتوب ايضا للشعب .. هذا هو فن الزجل

فن قضايا الناس .. تفوقت علي نفسك يا زجالنا الكبير

فعلا ورب الكعبة بقت الفيديو كليب عبارة عن كبارية ويمكن الكبارية

كان أرحم .. علي الاقل كان الكباريه بيرحوا اللي عاوزه ،،لكن دة

بيجيي لحد عندك في بيتك ..لولادك وبناتك .. ربنا يخلصنا منهم

القصيدة كلها رائعة ولكني آقتبست هذة عن الشاعر لاني متفق

معك تماما اللي يكتب عشان واحدة تقلع وتتلوي علي كلامة مش

ممكن يكون شاعر هو (........) بالظبط زي ما قلت

أخي اعتقد ( وبنات تلوى بأباحيه ) انت تقصد تتلوي

وأعتقد (حتى الكلب لولوا ) لولو من غير الف

والله اسعدتني وأمتعتني الليلة

خالص الاعجاب والتقدير

تثبت بواسطتي تقديرا للفن الراقي وأعجابا بالفكر البيرمي الجميل

الوجال محمد سرور
الف تحيه لك ولموضوعك الهادف
كل التحيه

الله الله الله
إيه ياعم الزجليّة البيرميّة الروعة دي.؟؟
الزجّال المُتمكّن...الذي يعشقه فن الزجل.. محمد سرور
جميل هذا العزف الراقي على وتر الواقع الأليم الذي نعانيه من غياب الكثير من الأخلاقيات بين قنوات الفضائيات بما يسمونه بالفيديو كليب..هذا الإسفاف الذي لا يمت للفن بصلة لا في كلماته ولا موسيقاه ولا أدائه ولا عرضه ولكنه دعوة واضحة صريحة للعُريّ وبث الفتنة والإبتعاد عن عفاف الإسلام وأخلاقه
أخي الحبيب..قصيدة زجليّة متكاملة الأركان والجوانب
دُمت بكل الخير

الله يااستاذ محمد
يسلم فمك وزجلك الهادف
تقبل اعجابى وتحياتى يااستاذ محمد يامتمكن
Very Happy

عزيزى الأستاذ الشاعر / محمد سرور
كليب رائع قصدى زجلية جميلة
اتفرجنا وشوفنا صورك الكليبية
انت مخرج كبير صورت الواقع الأليم
بقلم ينم عن حساسية مرهفة كلها مشاعر
من اول الصورة لأخر الصورة
انت فنان وزجال ماحدش قدك
تحياتى

ياهل المغني دماغنا وجعنا .. دقيقه سكوت لله

مش بقولك بيرررررررررررررررمي ؟

بحبك لخفة دمك القاتله .......... تحياتي

محمود جمعة كتب:: حتى الشاعر بقى فى كلامه رمز أباحه للجنس
وغيرنا يسقف ليه ويهيص ويقول شاعر نمس
بقى ده شاعر كده بالذمه والله دا شاعر ......
باع موهبته عشان الشهره لطخ قلمه الجاف

أخي الحبيب الزجال الرائع محمد سرور

والله مهما وصفت لك أعجابي بزجليتك مش حعرف اوصف .. الحقيقة

هي أجمل ما قرأت لك علي الاطلاق ..فيها كل الفن الراقي والابداع

الحقيقي النابع من الشعب والمكتوب ايضا للشعب .. هذا هو فن الزجل

فن قضايا الناس .. تفوقت علي نفسك يا زجالنا الكبير

فعلا ورب الكعبة بقت الفيديو كليب عبارة عن كبارية ويمكن الكبارية

كان أرحم .. علي الاقل كان الكباريه بيرحوا اللي عاوزه ،،لكن دة

بيجيي لحد عندك في بيتك ..لولادك وبناتك .. ربنا يخلصنا منهم

القصيدة كلها رائعة ولكني آقتبست هذة عن الشاعر لاني متفق

معك تماما اللي يكتب عشان واحدة تقلع وتتلوي علي كلامة مش

ممكن يكون شاعر هو (........) بالظبط زي ما قلت

أخي اعتقد ( وبنات تلوى بأباحيه ) انت تقصد تتلوي

وأعتقد (حتى الكلب لولوا ) لولو من غير الف

والله اسعدتني وأمتعتني الليلة

خالص الاعجاب والتقدير

الشاعر الكبير الفاضل
محمود جمعه
والله انا بخل من جمال
تعليقك ومش عارف ارد اقولك ايه
ادام الله محبتنا
وجزاك الله خير استاذى الفاضل
وفعل فيه خطأ فى الكتابه
بس معرفش اصلح لانى ايكونه
التعديل بتختفى بعد نصف ساعه
ارجو من حضرتك تصليح الخطأ
واشكرك على تثبيت القصيده
محبتى وتحياتى

[b]

رافت المصرى كتب:: الوجال محمد سرور
الف تحيه لك ولموضوعك الهادف
كل التحيه

الشاعر الجميل رافت المصرى
تسعدنى دائما بمروك على
اعمالى وازجالى
شكرا ولك تحياتى

رضا محمود كتب:: الله الله الله
إيه ياعم الزجليّة البيرميّة الروعة دي.؟؟
الزجّال المُتمكّن...الذي يعشقه فن الزجل.. محمد سرور
جميل هذا العزف الراقي على وتر الواقع الأليم الذي نعانيه من غياب الكثير من الأخلاقيات بين قنوات الفضائيات بما يسمونه بالفيديو كليب..هذا الإسفاف الذي لا يمت للفن بصلة لا في كلماته ولا موسيقاه ولا أدائه ولا عرضه ولكنه دعوة واضحة صريحة للعُريّ وبث الفتنة والإبتعاد عن عفاف الإسلام وأخلاقه
أخي الحبيب..قصيدة زجليّة متكاملة الأركان والجوانب
دُمت بكل الخير

ربنا يكرمك استاذ رضا محمود
على تعليقك الدائم على ازجالى
لك محبتى واحترامى

حسن الجمال. كتب:: الله يااستاذ محمد
يسلم فمك وزجلك الهادف
تقبل اعجابى وتحياتى يااستاذ محمد يامتمكن

استاذ حسن
شكرا مروك
واعجابك الذى اثلج صدرى

يوسف ابو زينة كتب:: عزيزى الأستاذ الشاعر / محمد سرور
كليب رائع قصدى زجلية جميلة
اتفرجنا وشوفنا صورك الكليبية
انت مخرج كبير صورت الواقع الأليم
بقلم ينم عن حساسية مرهفة كلها مشاعر
من اول الصورة لأخر الصورة
انت فنان وزجال ماحدش قدك
تحياتى

يا استاذنا اخلتم توضعنا
استاذ يوسف مش عارف اشكرك ازى
لك حبى ومودتى واحترامى

م/عطية شواش كتب:: ياهل المغني دماغنا وجعنا .. دقيقه سكوت لله

مش بقولك بيرررررررررررررررمي ؟

بحبك لخفة دمك القاتله .......... تحياتي

والله يا استاذ عطيه انت عسل
وان اللى فعلا بحبك من قلبى
ادام الله محبتنا

الزجال محمد سرور
ودى واعجابى بما قدمت
دمت ودامت مواضيعك الهادفه
ونقدك الرائع
تسلم ايدك
Very Happy

الله عليك يا محمد يا سرور

زجليه جميله ووضحت فيها كرهنا لهذا اللون

من الفن الهابط . عالجت القضيه بظرفك وخفة روحك التى

تعودناها فى ازجالك وخصوصا التى استخدمت البحر البيرمى .

انت عارف اننى اعجب بهذا النوع من الازجال .

احييك واشد على يدك .

مودتى وتحيتى ...

الشاعر محمود قطب كتب:: الزجال محمد سرور
ودى واعجابى بما قدمت
دمت ودامت مواضيعك الهادفه
ونقدك الرائع
تسلم ايدك

الشاعر والاخ العزيز
محمود قطب
دائما تسعدنى بمرورك الجميل عاى ازجالى
دمت ودامت محبتنا

عادل عوض سند كتب:: الله عليك يا محمد يا سرور

زجليه جميله ووضحت فيها كرهنا لهذا اللون

من الفن الهابط . عالجت القضيه بظرفك وخفة روحك التى

تعودناها فى ازجالك وخصوصا التى استخدمت البحر البيرمى .

انت عارف اننى اعجب بهذا النوع من الازجال .

احييك واشد على يدك .

مودتى وتحيتى ...

الشاعر الكبير استاذ عادل عوض
انت استاذ كبير فى هذا اللون وانا
اتعلم منك دائما
ولك زجل مشهور ورائع فى هذا البحر
عن العراق والكويت
لك شكرى ومودتى واحترامى
وحبى