رجعيني عشر سنين

ملحوظه .. مأنججين تعطش الجيم الثانيه
رضـا عثمــان

رضا عثمان كتب:

متخافيش م الحب مدي
قربي لي بخطوتين
دي السنين عماله تجري
واحنا لسه صغيرين
يلا نتحدى الزمان
قلبي وقلبك فرحانين
وارجعي لبنت الجيران
رجعيني عشر سنين
،
انسي عمرك وانسي سني
انسي كل الدنيا ديا
خلي فكرك فيا وحدي
خلي حبك كله ليا
واحضنيني وطمنيني
دانتي روحي ونور عنيه
بلقا نفسي لما اشوفك
واما احسك بين ايديا
،
الفروق ف السن
مش هي المحال
المحال ف الحب
هوا الانكسار

واللي فات م العمر
مش قد اللى جاى
والهروب م الواقع
يعني الانتحار
،
يلا نتحدى الزمان
يلا نرجع بالسنين
قبل ما يفوت الأوان
واحنا نبقا الخسرانين
ارجعي لي عشر سنين
نمشي واحنا مأنججين
يحسدوني الناس عليكي
نبقا أجمل محبوبين
.

ملحوظه .. مأنججين تعطش الجيم الثانيه
رضـا عثمــان

الله الله الله يا شاعرنا الجميل أمال بقا لو اقرع مثلي كنت قولت ايه ( والله موش بحسد )
رائعة جداً القصيدة
وهل للعواطف صلاحية تنتهي
هذا لعمر الله محال
إنها النفوس التي لا تكل من أحساسها مهما طال بها العمر
دعوة جميله للتفائل وللرجوع للزمن الجميل
وما اسعد ان نجدد تلك المشاعر فى بيوتاتنا
وهل سيخسر الزوج شىء إذا اعطي لزوجتة وردة هدية كل حين ؟
جريت رقنا ياعم رضا
رائع ما كتبت يا صديقي العزيز دمت بخير وتقبل مروري

جميله غنائيتك استاذ رضا ورقيق احساسك الذى بدا جليا ف رقة كلماتك
احسنت يا شاعر

وارجعي لبنت الجيران
رجعيني عشر سنين
** مقطع جميل مليئ بالرومانسية .
الفروق ف السن
مش هي المحال
المحال ف الحب
هوا الانكسار

واللي فات م العمر
مش قد اللى جاى
والهروب م الواقع
يعني الانتحار
** رؤية فلسفية رومانسية شاعرية انكسارية انتحارية ، ايه الجمال ده
ده تاني عمل اقرأه ليك ولاحظت حاجتين اجمل من بعض :
1- عندك ايقاع موسيقي متزن تدل على شاعر متمكن من الكلمة
2- مواضيعك جديدة مش مستهلكة وده اللي يميز اي شاعر عن غيره
ملحوظة ونصيحة مهمة : استمر فى كتابة الشعر بتلك الروح حتي تصل الى سماء الشعر ، وابقي اكتب يا عم اي حاجة فيها غم فيها فراف جرح هجر اى حاجة تبعد عنك العين عشان صواريخ الأر الأر اللي نازلة عليك دي . تقبل مروري واعجابي .

أصدقائي وحبايب قلبي
وكل من شرفني بمروره الكريم
اشكركم جميعا على مروركم الطيب وروح الدعابه الجميله
والبهجه التى ادخلتموها علي قلبي ههههههههههههههههههه
انا والله مقدرتش امسك نفسي من الضحك ربنا يجعل ايامكم كلها سعاده يا رب
واعزرونى على انى مقدرتش ارد على كل واحد فيكم
وده لانى عندي دور برد شديد شويه ومش مركز
دمتم جميعا بكل خير وحب

اخى رضا اهنئك على عملك الرومانسى الجميل
كما تعودنا منك دائما , الله عليك ياجميل
راق لى ماكتبت
تحياتى

الشاعر والاخ رضا عثمان ما اجمل الرجوع الى الماضى الجميل البسيط احيك على كلامك البسيط الملىء بالكثير من المعانى الشفافة الطيبة تحياتى لابداعك دومت بكل الخير

رضا عثمان كتب:

أصدقائي وحبايب قلبي
وكل من شرفني بمروره الكريم
اشكركم جميعا على مروركم الطيب وروح الدعابه الجميله
والبهجه التى ادخلتموها علي قلبي ههههههههههههههههههه
انا والله مقدرتش امسك نفسي من الضحك ربنا يجعل ايامكم كلها سعاده يا رب
واعزرونى على انى مقدرتش ارد على كل واحد فيكم
وده لانى عندي دور برد شديد شويه ومش مركز
دمتم جميعا بكل خير وحب

شفاك الله وعفاك يا حج رضا
الف سلامة عليك يا حبيبي
شكلك كبرت بجد ولا أيه
لا بأس طهور بأذن الله

أخويا رضا عثمان بسم الله ماشاء الله
أرى تطراً ملحوظاً

فى إبداعك الراقى

وبجد سعيدة جداً بهذا التطوير

يارب دايماً كده عالطول

رومانسية طاغية فى حرفك

شاعرنا الاستاذ /رضا عثمان

راق لى تواجدى فى متصفحك الجميل
احترامى لقلمك

اخي الشاعر الجميل يوسف ابو زينه
اشكرك على مرورك الجميل والطيب
ودمت بكل خير وحب

اخي الشاعر الجميل وائل سعد
اشكرك جدا على مرورك الطيب والعطر
ودمت بكل حب

اخي الشاعر الجميل محمود جمعه
شرفت جدا بمرورك المشرق
وبالنسبه للواقع ممكن نخليه == والهروب م الحب يعني الانتحار
دمت بكل خير

الشاعر والاديب الجميل محمود بسيوني
اشكرك جدا على سؤالك الطيب والكريم
وانا الحمد لله بقيت تمام ومكبرتش يا عمنا انا لسه صغير ههههههههههههههه
دمت بكل خير وصحه

الاخت الشاعره الجميله رشا فؤاد
انا سعيد جدا بمرورك الجميل
واشكرك على احساسك الرائع
دمتى بكل خير

الاخت الشاعره الجميله بسمه
سعدت جدا بمرورك المشرق والعطر
دمتى بكل خير