الصوره من بعيد

الصوره من بعيد
مش زي اللي ف اديك

بتبان أجمل أكيد
وتكون أحلى ف عنيك
...
وأول ما عنيك تشوفها
تحس بسحر فيها

ويشدك ليها لونها
وتروح تجري عليها
...
الصوره من بعيد
مش واضح غير جمالها

لما تطولها باديك
هاتبان أكتر عيوبها

وتبان كل الرتوش
واللى انت ماشوفتهوش

وهاتبقا تقيله جداا
فاديك تفتح تسيبها
...
وتروح من تاني تلقى
مليون صوره وطريق

وتعدي ف كل سكه
تدوس فوق الصور

وتفضل طول حياتك
مش لاقي اللي ف خيالك

وتلقى ف ذكرياتك
صوره بتوصف قمر
.

رضا عثمـــان

الـــلــــــه عليك
الفيلسوف الشاعر...رضا عثمان
قصيدة تحمل بين طيّاتها رسالة موجّهة إلى كل من لايشعر بالرضا ولا يحمد الله على ما قسمه له فيظل تائهاً يطارد صوراً من نسج خياله ولا يجدها فيشعر بالألم يعتصره ولا يجد أبداً طعم السعادة
أحييك على النظرة العميقة والحكمة التي نسجها قلمك المُبدع في قالب شعريّ متكامل الأركان فكرةً..وطرحاً ووزناً إلاّ أنّني أرى هنّة في قولك...(وأول ما عنيك تشوفها) فأرى أن حرف الواو في البداية زائد
ثانياً..إستوقني قولك..(فاديك تفتح تسيبها) فلا أدري معناها....وأعتقد أن بها خطأ كيبوردي

أخي الحبيب..دُمت بهذا الإبداع الراقي الذي تعودناه منك

الجميل الشاعر رضا عثمان

أحييك اولا علي فكرة الصورة من بعيد ،، فكثيرا منا يحكم علي الصورة

دون ان يكون علي مسافة قريبة للحكم المتوازن الصحيح

أحييك ثانيا علي جمال الطرح والاسلوب والصور التي جاءت سلسة رغم

ما في الفكرة من عمق

اتفق مع أخي رضا في الاولي وهي الواو الزائدة .. أما الثانية فنقصها ياء فقط

حسب فهمي ..فأيديك تفتح تسيبها ...صح ؟؟

خالص التحية والتقدير

الشاعر الجميل رضا محمود
يشرفنى دائما مرورك الطيب والكريم
وفعلا كما ذكر الاستاذ محمود جمعه عنيت بها فا ايدييييك تفتح تسيبها
المقصود منها ان الصوره لما تصبح ملكه وف ايده هتبقا تقيله عليه وملوش نفس يشيلها فاتفتح ايده وتسقط منها لعدم اهميتها
دمت بكل خير اخي الحبيب ويبقالنا عندك واو ههههههههههه

اخي الشاعر الجميل محمود جمعه
يشرفنى دائما مرورك الطيب والكريم
والذي دائما يسعدني
دمت بكل خير وحب

ايه يا عم رضا الفلسفة دى جميل يا باشا ابداعك تقبل مرورى

احسنت الفكره والعرض ذات المغزي

احييك ... تثبت بواسطتي[b]

مش ليه حاسس انك خلبوص !!!!

ههههههههههههههههههههههههه

الاخ الحبيب الشاعر الجميل

رضا عثمان

الانسان احيانا يمل مابين يديه . وعندما تشتهى النفس

الشيء فنمتلكه فنزهده . ودائما نتطلع للافضل والاجمل .

مش دى تبقى فراغة عين بالذمه ؟؟؟؟؟؟

ههههههههههههههههههههههههههههههههه

مساؤك عاطر ...

الله الله
صور وجمال سلسل فى صورتك الحلوة احسنت
شاعرنا الرائع رضا عثمان
تقبل مرورى واعجابى بما تقدم

ياعينى ياعينى ياعينى على الحلاوة والحكم والكلام اية الفلسفة دية ياجدع اقولك اية بس خدنا معاك فى ديلك وانتا طالع لفوق على رأى عمنا عطية شواش

ربنا يوفقك يا شاعرنا الرائع واستاذنا الكبير مقاما مش سنا طبعا رضا عثمان

احييك على نصك ودمت مبدعا

استاذ رضا
حلوة صورتك عجبانى
جميلة فكرة رائعة
احييك
دمت بخير

يابو الروض تسلم وتسلم دماغك
بس خلاص
هاقولك ايه ؟؟؟
بسم الله ماشاء الله عليك
دمت مبدعا اخى الحبيب رضا عثمان
Laughing

يا صوره مرسومه وبتدارى وراها اسرار
يابسمه يا نسمه يا همسه وكتاب اشعار
باسرح فيكى فى نهارى وليلى نهار
ومشغول بيكى وعليكى وقلبى ف نار
على صدرى با دفيكى وف كتابى بداريكى
وباتمنى دموع عينى ولهفة قلبى تشجيكى

فنان وطلعت اللى جوانا

» ابعد بعيد
» الصوره مش واضحه
» بعيد عني
» طوق النجاه
» وانت بعيد