سادد ودانك

موضوع: سادد ودانك الثلاثاء نوفمبر 01, 2011 4:48 am

سادد ودانك و لاوي جبهتك على فين = يا مجلس الحكم رامي مصرنا ف بحرين
قلنا السياسة تسيبها لشعبنا الثاير = وتطيع ارادته و تحسم في غراب البين
يا مجلس الحكم داحنا عمرنا م شفنا = واحد من العسكر بيتحاكم بقاضي الدين
احسم امورك ومتسبهاش كدا عايمة = ودا كان رئيسكم يا سيدي وكلكم فاكرين
والشر لسة بمصر الغالية متربص = د شجرة االمر مادة في الجدور عمرين
متربصين والشعب خايف في انتخابتنا = يلاقي روحو بكفو طيب دا شالها سنين
احنا في حالة استثنناء يا مجلسي الغالي= لازم قوانينها تكون استثنا وانت برضو معين
الظاهر ان انكتب على مصرنا تدفع = دفعنا دم الشباب في ثورة الملايين
لكن جنابك مصمم اننا لسة = مرحشي منا الكتير لازم يروح ألفين
ايه الحكاية بقى لسة الضلاال هوا = متشكرين ياسعادتك واحنا اهوه جاهزين
نروي العزيزة دمانا ومهرها لاحمر = هيغرَّق الظلم زي م غرَّق الظالمين
سايب فلول النظام الظالم الجاير = يولعو في البلد و يروَّعو الأمنين
والأدهى يا مجلسي تدِّيهم الفرصة = يمصُّو من دمِّنا في مجلس النايبين
يااخويا يا عسكري هوا انته مش مصري = و شعبنا اللي اندبح مش برضو مصريين
طيب سعادتك سايبهم ليه يا أُمْبَاشا = والشاب لمَّا اندبح قام زهَّرِ البساتين
أصدر قانون العزل ياللا كفايا تتأخر = حرام عليك دمِّنا من ربنا تروح فين
لو كنت عادل يا سيدي ليه متسمعش = ناس أخلصت نصحها في ثورة الميادين
للصح نشكركم لكن غلطكم لا = الحق حق و صراحة -فين آخركم فين
حوار من الطرشان سايب دياب جاهلة = طب مَ انتَ دُقت الغدر بالبلطجة والشين
ماسبيرو أحداثها مش برضه مات منكم = و انضرّْ إخوة نصارى ودمُّهم قسطين
حابب أذكر وافكر في اللي جاي بكرة = يمكن نلاقي العقول الحية منكم زين
ناخد ثواب مصرنا و نريَّحِ التعبان = والشعب ياخد بتاره من غراب البين
اللي انقتل دشباب -أغلى شباب فينا = أُقبض على اللي ظلم وريَّح الشاكِّين
ما يروح شبابنا هدر يا سيدي المجلس = مقسوم على نفسك ليه بس بقى نصين
و انهي أذاهم لأن النار دي لو شبت = م تخلي في مصرنا غير الندم وأنين

نسأل الله السلامة لمصرنا الغالية وان نعطى افضل نموذج العصر في الديمقراطية والحرية
وجنب مصر ويلات الفتن والبلطجية والفلول
امين

اخى الشاعر الكبير

الطنطاوى الحسينى

تلك الدرايه الكامله بجوانب القضيه . والتى سجلتها فى قالب شعرى رائع .

لابد ان يتفهمها كل مصرى . وماوراء تلك المماطله من جانب المجلس

العسكرى ونتائجها الغير مرضيه والخطه الموضوعه لتجنب محاكمة

المخلوع ورؤوس الفساد لهى معروفه لدى الشعب بكامله .

نسأل الله العلى القدير ان يجنبنا ومصرنا الغاليه كل سوء .

تحيتى اخى لكلماتك الواعيه وفهمك السياسى الرائع .

مودتى وتقديرى ...

الرائع الشاعر الكبير الطنطاوي الحسيني

هذة قصيدة رائعة بكل المقاييس .. شعرا ووعيا وفهما لتفاصيل وخبايا الامور

ولعل المجلس العسكري ينتصح بنصيحتك الغالية

ويصدر قانون العزل ،، ويوضح صورة المرحلة بدقة ،، ويراعي دماء الشهداء

اللذين ضحوا من أجل مطالب مازالت في محلك سر

أرجو ان المشير ينظر لشهداء مصر بعين الاعتبار وعلي الاقل

لا نخذلهم فيما ضحوا من أجلة

أحييك علي روعة الطرح وشمول الفكرة وجمال الشعر

خالص التقدير والاحترام

تثبت القصيدة بواسطتي تقديرا للشاعر الكبير ،،والشعر الرائع

الله الله على الكلمات الجميلة والحس الوطنى والمعانى والطرح الجميل الى شدنى جدا حضرتك لميت اغلب المواضيع وحطيتها فى قصيدة جميلة

احييك على نصك الجميل يا استاذ الطنطاوى

تحياتى

الله الله الله عليك
الشاعر والمُبدع الكبير..أستاذنا الطنطاوي الحسيني
كما عهدناك دوماً فأنت ترصد الحقائق كاملة وتسوقها في قالب شعريّ متكامل الأركان لا يدع مجال لإضافة أو توضيح
دُمت بهذا الإبداع والصدق سيدي الشاعر

الله عليك يا استاذنا
والله جبت من الاخر
ولميت الالم والخوف
كله فى سله واحده
اقصد فى قصيدة واحدة
ودى واعجابى بما قدمت
Very Happy

الله عليك شاعرنا القدير

كلمات ثائرة راقية الاحاسيس

نساله سبحانه الرحمة والسلامة لمصرنا الغالية

احترامى لقلمك

عادل عوض سند كتب:: اخى الشاعر الكبير

الطنطاوى الحسينى

تلك الدرايه الكامله بجوانب القضيه . والتى سجلتها فى قالب شعرى رائع .

لابد ان يتفهمها كل مصرى . وماوراء تلك المماطله من جانب المجلس

العسكرى ونتائجها الغير مرضيه والخطه الموضوعه لتجنب محاكمة

المخلوع ورؤوس الفساد لهى معروفه لدى الشعب بكامله .

نسأل الله العلى القدير ان يجنبنا ومصرنا الغاليه كل سوء .

تحيتى اخى لكلماتك الواعيه وفهمك السياسى الرائع .

مودتى وتقديرى ...

اخي الفاضل الكريم الاديب عادل عوض سند
سلام عليك اخي ورحمة الله وبركاته
نعم اخي الي متى يظل الفم به ماءُ
لابد ان ادلهمت الامور ان تظهر كلمة الحق وليكن ما يكون
نسأل الله السلامة لمصرنا فيما هي قادمة عليه
وأن يخزي المنافقين والمريدين بها شرا وان يقطع دابر الفلول الذين قتلونا وسجنونا وسجنوا مصر في سجن كبير لمدة كبيرة جدا
تحياتي وشكري اخي عادل سند
ودمت حرا مبدعا

محمود جمعة كتب:: الرائع الشاعر الكبير الطنطاوي الحسيني

هذة قصيدة رائعة بكل المقاييس .. شعرا ووعيا وفهما لتفاصيل وخبايا الامور

ولعل المجلس العسكري ينتصح بنصيحتك الغالية

ويصدر قانون العزل ،، ويوضح صورة المرحلة بدقة ،، ويراعي دماء الشهداء

اللذين ضحوا من أجل مطالب مازالت في محلك سر

أرجو ان المشير ينظر لشهداء مصر بعين الاعتبار وعلي الاقل

لا نخذلهم فيما ضحوا من أجلة

أحييك علي روعة الطرح وشمول الفكرة وجمال الشعر

خالص التقدير والاحترام

اخي الحبيب الفاضل المبدع الكبير محمود جمعة
سلام عليك ابدا
نعم اخي لعله ينتصح ويعود
وان شاء الله نسبشر برحمة الله تعالى ومصر لن يعوقها
الي الافضل شيئ ان شاء المولى ولكنها كلمة حق وصدق لابد ان نقولها ولا نكتمها
تحياتي وتقديري وشكري اخي للمرور الاندى والتعليق الابهى
دمت مبدعا قريبا

الشاعر الجميل الطنطاوى الحسينى احسنت التعبير عما يجول بعقولنا تحياتى لابداعك الرائع

الشاعر الواعى الجميل الطنطاوى
الله الله عليك أحسنت نصك جميل ومحاكاة
لما يدور فى مصرنا العزيزة
جنب الله مصر شر الفتن وشر الفلول
ولا تنسى بأن كل المصريين واعيين
ويفهموا بما يدور على الساحة من تحت الترابيزة
تحياتى
اخوك
يوسف

الله عليك ياأستانا
تعظيم سلام لكل هذا التمكن والفكر والإبداع
بس مش لاقى رد يضاهى ما قرأت لك هنا
تحياتى لك استاذنا
Very Happy

موضوع: رد: سادد ودانك الخميس نوفمبر 10, 2011 5:49 am

khaled_dwidar كتب:: الله الله على الكلمات الجميلة والحس الوطنى والمعانى والطرح الجميل الى شدنى جدا حضرتك لميت اغلب المواضيع وحطيتها فى قصيدة جميلة

احييك على نصك الجميل يا استاذ الطنطاوى

تحياتى

اشكرك اخي الكريم المبدع خالد دويدار الفاضل
كل عام وانت بكل خير ورحمة وابداع
ونصر وعزة امين
نسأل الله ان يجعل انتخابات مجلس الشعب مقدمة حقيقية وشريفة ونزيهة لكل انتخابات قادمة في مصر وغيرها مين
تحياتي وتقديري

» (ياريس رجائي تطرطأ ودانك)
» بص يا ابنى كلمه وحطها حلقه ف ودانك