قبري العزيز- طارق منيب

يوسف ابو زينة كتب:: نص جميل استاذ طارق
فية عبرة وفية موعظة
بارك الله فيك واطل الله عمرك
ابدعت واحسنت
تقبل تحياتى

بارك الله فيك وفي عمرك ياأستاذ/ يوسف وجعلك من أصحاب اليمين.. شهادة جميلة من أخ كريم

حسن الجمال. كتب:: رغم الشجن الموجود فى القصيدة الا أنها لاتخلو من الحتة الساخرة التى تتميز بها
الاستاذ الشاعر طارق منيب أو ياعم طارق اللى حضرتك تتقبلها فيهم
وجهة نظرى اللى ممكن تكون صح ( لقد قرأت صلاح جاهين بين سطور كتاباتك )
تحياتى لك أيها الشاعر الساخر فى جميع حالاتك
ومن ابداع الى ابداع دائما

جميل كالعادة ياأستاذ/ حسن وجميل مرة أخرى أنك تقرأ سطور عملاق العامية صلاح جاهين في سطوري.. أخجلت تواضعي

محمود بسيوني كتب:: أخى الشاعر القدير الأستاذ طارق منيب
كل سنة وحضرتك طيب
يارب تكون إنشاء الله بخير وحمداً لله على سلامتك
ونرجع للعمل الجميل
طبعا العمل كعمل شعري رائع
بسى أنا حسيت إن حضرتك دلعت القبر جداً , وده طبعا يتنافى مع مكانة التى هو عليها
فالقبر عزيزى أول منازل الأخرة كما يعلم الجميع
وإما أن يكون روضة من رياض الجنة او حفرة من حفر النيران, أجارنا الله وإياكم
طبعاً الداعي إلى هذا الدلع اللى فى القصيدة هو الرمزية وراء القبر التي أبدعت فيها
والقصيدة عزيزي حدثتنا عن نعمة عظيمة قد غفل الناس عنها ألا وهى نعمة القبر
والقبور فعلا يا عزيزي نعمة من نعم الله علينا حتى أن الله عدها فى معرض عد النعم حينما قال ( ثم أماته فأقبره )
شكراً على عملك الجميل
خالص التحايا لك أستاذ طارق وكل عام وانتم بخير

أخي الحبيب الأستاذ/ محمود بسيوني
جميل جداً تعليقك وأنا فخور به لأنه مفعم بالإيمان.. وعلى فكرة لم أقصد تدليع القبر.. بل قصدت الثناء على دوره العظيم في ستر البني آدم و أحتواءه له .. بعد أن تلفظه البشرية جمعاء.. ولعلنا نتذكر قصة مدينة البدرشين.. حينما صمم أحد الملوك ألا يدفن أبنته.. وتركها في غرفة في القصر.. ودخل عليها بعد فترة (لا أذكر مددتها) وعلق أصبح البدر شين ومن هنا نشأت تسمية البدرشين

يمكن أتأخر شوية
يمكن أتأخر كتير
يمكن آجي بعد لحظة
يمكن آجي بعد فترة
بس بنا ميعاد وحاجي
بس مش راكب وماشي
ناس حتيجي معايا كارهة
قال ده أيه واجب مجاملة
إن ييجوا يشيلوا فيا
ينزلوا لتحت بيا
وألقى نفسي في ضيافتك
منتظر يومي الكبير

اللهم اجعل خير أيامنا يوم نلقاك

اللهم أجعلها تذكِرة لمن يخشى

اللهم أجعلها فى ميزان حسناتك

وداد الهــــــــــــوارى

وداد الهوارى كتب:: يمكن أتأخر شوية
يمكن أتأخر كتير
يمكن آجي بعد لحظة
يمكن آجي بعد فترة
بس بنا ميعاد وحاجي
بس مش راكب وماشي
ناس حتيجي معايا كارهة
قال ده أيه واجب مجاملة
إن ييجوا يشيلوا فيا
ينزلوا لتحت بيا
وألقى نفسي في ضيافتك
منتظر يومي الكبير

اللهم اجعل خير أيامنا يوم نلقاك

اللهم أجعلها تذكِرة لمن يخشى

اللهم أجعلها فى ميزان حسناتك

وداد الهــــــــــــوارى

آمين .. آمين

فخور بمرورك وتعليقك على النص العربي

بعد المرور على النص الإنجليزي

لا تحرميني منه مرة ثانية

جميلة يا استاذ طارق..بارك الله فيك

بس انا حاسس ان النص الانجليزي مكتوب الاول و ان النسخة العربي ترجمة..مش عارف ليه ؟

وقانا الله جميعنا عذاب القبر

تحياتي

بارك الله فيك ياأستاذ/ عاطف
وإحساسك ده خلاني أحس إن النص الإنجليزي قوي أنه إداك الإحساس ده
ولكن العكس صحيح.. فأنا كتبت النص العربي وتفاعلت معه وبعدين لقيت نفسي حبيت أترجمه.. وترجمة الشعر بالنسبة لي تُعني دائماً الحفاظ على المضمون فقط.. دون الحاجة للحفاظ على النص بحذافيره وده تشعره لو قرأت أي ترجمة لي لأعمال معروفة في منتدى الترجمة مثل مش كفاية.. شجر الليمون.. باي باي مدرستنا.. ساعات أقوم الصبح قلبي حزين.. أنا هنا يابن الحلال.. ماما زمانها جاية.. ذهب الليل وطلع الفجر.. ده غير بعض الأعمال للزملاء وداد الهواري (حقك)، عاطف الجندي (مانيش ندمان)، عادل عوض سند (إعتراف)، ماعملتش حاجة تزعلك (عزة الزرقاني)، جنيه فضة (طارق منيب)، وسلسلة أعمال كبيرة لأستاذنا الكبير (إبراهيم خليل إبراهيم )، ويمكنك قراءتها في منتدى الترجمة.. أما إنك شعرت إن النص الإنجليزي كُتب الأول.. فيمكن لأنك قرأت الإنجليزي الأول..

» حرب!!!!- طارق منيب
» المجد لله ف العلا علي ارضه نرجو السلام
» خطر ..قطر- طارق منيب
» بيرم منيب يعارض بيرم سند "مهداه للرئيس مرسي - طارق منيب
» هي كده.. لأ مش كده- طارق منيب