كان حبيبى

كان حبيبى
كان أحن عليا منى
كان فاهمنى
لما كانت عينى تبكى
كان بييجى أوام يغنى
لما أضحك وانسى همى
كنت مش برتاح لغيره حتى أمى
واعترفت وقولتهاله
إنى باطمن فى قربه وقال وماله
طول ما قلبى فى حضن قلبك
وانتى وحدك ساكنه فكره ومالكه باله
عيشى فيا
إملى كل الكون عليا
واوعدينى
تبقى طول العمر ليا
قولت ماشى
الممات هيكون معاك لو طال معاشى
فوق رموشك
واوعى عنى فى يوم ياغالى الليل يحوشك
او غرام لبنات هواك
مهما حاولوا كتير معاك
واتواعدنا
بس ليه الوعد هزه بعنف ريح
ليه ياغالى إبتديت ماتكون صريح
هل بدأت تحب غيرى
رغم إنك كل حاجه ويوجع الأشواق ضميرى
لو فى يوم فكرت اخونك
لو بكلمه أو حكايه
أو معاكسه م اللى زيك لما بيقولولى يازينة الصبايا
عمرى ما اتمنيت كلامهم
رغم ان بنات كتير تتمنى كلمه من كلامهم
كنت دايما اقول لنفسى طنشيهم
اقفلى الابواب عليهم
هو ليا وصان هوايا يبقى اصونه
حتى لو هيخون لايمكن يوم أخونه
النهارده يلى كنت مثال وقدوه بقيت تطاطى
لأى كلمه تترميلك منها أو من صوت بناتى
النهارده الوعد داب ولقيتنى ببعد
عن هواك واوعاك فى يوم تحلف وتوعد
أصل وعد الحر دين
وانت لسه عليك ديون
عمرى يوم رغم الخيانه ما قلت اخون
بس قولت انك مكنتش يوم حبيبى
قصدى قولت دا كان حبيبى

لا والله معرفتش حد وخاننى
لانى أصلا مش بعرف أى حد
أو مش من السهل انى أسمح لنفسى بكده
علاقتى بالطرف الآخر فى حدود مبادئ وحاجات كتيره جدا
لكن يمكن كرهى لفكره الخيانه هى سبب كتابتى
أستاذى
شرفنى حضورك وتعليقك
الذى شجعنى منذ بداياتى فى المنتدى
بارك الله فيك

اكيد ياأستاذى الخيانه ماتتقابلش بالخيانه عند كل الناس
لازم تبقى فى أصول
ان شاء الله أحاول اكتب القصيده اللى حضرتك طلبتها
اشكرك جدا على التعليق المميز
بارك الله فيك