شفايف مفتوحة!!!

""شفـــــــايف مفتوحة ""

.. ماشي بين الضباب مش باين مني
غير شفايف مفتوحة
معرفش اذا كانت مفتوحة من الضحك
ولا مجرد رعشة من البرد اللي حواليا ..
تايه, مشتت, مش داري بحاجة حواليا ,
بحبها؟!!!!!
لأ بحاول أصل هي دي عاداتنا وتقاليدنا
بنت خالتي أنا أولى بيها من الغريب
مش جايز الغريب يكون مناسب ليها اكتر مني
ويحبها أكتر من محاولاتي
مش جايز هي عايزة الغريب ومش عايزاني
مش جايز أن عاداتنا أحيانا بتقتل أحلامنا
مش جايز ومش جايز ,........ !!!!
وفقت من الجايز على الحقيقة بخبطة من كتف
شخص مش باين منه غير شفايف مفتوحة!!!

الرائعة مريم
قصة أقرب للشعر
تصوير جميل
دمت بكل خير