زجل

مدينه مثاليه


سته الصبح
دباره الشمس
بتداعب وشك
زي الريشه
علي لوحه فنان
عصافير بتزقزق
بتهمس بشويش
يا صباح الخير
امك بتقول
قوم بقي يا حبيبي
حمامك جاهز
لبست هدومي
علي سيفها تمام
واخدت فطاري
ويدوب الساعه
سته ونص
سايق عربيتي
والشارع فاضي
ولا نص زحام
ودخلت الشركه
فالوش مديري
يا صباح الورد
اتفضل دول
خلص وتعالي
ليك عندي مفاجأه
خلصت ورحت
بشويش خبطت
اتفضل ادخل
شد الكرسي وقعدني كمان
خير يا افندم
ابدا خير دا القبض جه
ومعاه شهر مكافأه
بقيت بتنطط زي اليويو
قلتله ارجوك
مش حمل هزار
جريت علي بره
وحضنت زميلي
قلتله اقرصني
فوقني
قرصني حته قرصه
من قوتها
صحيت من النوم
اتارش الشمس لسعتني
ببص في ساعتي
لقيتها تسعه
وامي بتقول
متقوم بقي يابني
لا خدت حمام
ولا حتي فطار
ولبست هدومي
مش مكويه
وجريت علي بره
والشارع زحمه
تقولش قتال
وصلت الشركه
علي عشره ونص
مديري فوشي
يا صباح الخير
قاللي
يا صباح الزفت علي دماغك
خد دول يا افندي
خلص وتعالي
خلصت ورحت
مخصوم منك ست ايام
طلعت جري
وبقول لزميلي اقرصني
فوقني
قرصني حته قرصه
اتاريني حاسس
طلعت صاحي
قلتله كمان
وبغل يا ناس بقي بالاقلام
ويلطش فيا
قلتله كفايه
كفايه حرام


زجل / محمود عبد الفتاح

هههههههههه
رائع أخى محمود
و حلم جميل لكن الحقيقة طلعت مرة
رائعة حقيقة
أحسنت

طب واللة جميله وملتوته وتستاهل

[b] الجعـــــــــــــان يحلم بســـوق العيش

تعيش وتحلم بالأجمل

حلوة ومهمومة بمشكلة من مشاكل الشباب

وداد الهـــــــــوارى

نص يحمل خفة ظل

فكرة جديدة

اهلا وسهلا بك فى بيتك

تقبل مروري

رائعة أخى لكن الزجل لون شعري يمكننا وضعه تحت تصنيف الشعر العامى وليس النثر .. عموماً شكراً لكلماتك الواعية

اشكركم جميعا
والله انا في منتهي السعاده لاني بسمع الكلام دا من عمالقه الكتابات
اخوكم محمود
رابعه هندسه من بني سويف
لست شاعرا ولكني احب ان اكتب
لعل الكتابه تريحني بعض الشيء

راقت لى اخى دمت بخير

شكرا شاعر الرومانسيه